mánadagur 2. juli 2007síða 6

6 tíðindi Nr. 124 - 2. juli 2007 Syftunsøka er í dag, og tað er fyrsti dagur, at menn fleyga lunda. Men lítið hevur verið til av fugli seinastu árini LUNDAFLEYG Leo Poulsen leo@sosialurin.fo Seinastu árini hevur verið ógvuliga lítið til av lunda. Skilið hevur verið tað sama um alt landið. Kortini halda menn, at tað sær hedur frægari út í ár, men Jens Kjeld Jensen, fugla­frøðingur í Nólsoy, metir tó, at fuglurin er kom­ in einar fjúrtan dagar ov seint. Tað er sama støðan kring landið. Úti í Lítlu Dímun var nakað av fugli, og úti í Nólsoy sær eisini heldur frægari út í ár. Men lítið er at síggja av sildbera, og tað er ringt tekin. Norðanífrá er einki frætt um fugl. Eftir Jóansøku plaga menn vanliga at fleyga dimmilunda, men sum skilt hevur eingin verið og roynt í ár. Men neyvan er nakað øðrvísi har norðuri enn í restini av landinum. Einki er frætt úr Skúvoy ella Mykinesi, men roknast má við, at støðan er tann sama allastaðni. Vanliga er nógvur fuglur at fáa, og Settorva á Viðar­ eiði og Mykines eru tiltikin fleygapláss. Eisini úti í Skúvoy plaga menn at fleyga lunda, eins og hval­bingar vanliga eru úti í Lítlu Dímun nakrar dagar um árið. Úti í Tindhólmi eru nakrir fleyga­sessir, og har plaga menn eisini at fáa væl av lunda. Í Nólsoy e4r oyggin býtt sundur í tvey soleiðis, at ytri helmingur av hag­an­ um eigur Urðina annaðhvørt ár, meðan heimari partur eigur hana annaðhvørt ár. Burtursæð frá hesum støðum verður ikki nógv gjørt við at fleyga lunda aðrastaðni. Vónandi verður frægari við lunda komandi árini. Lítið er komið undan sein­ astu árini, so tað er fyri tað mesta gamal lundi, ið fleyg­ ast. Og tað plagdi ikki at vera gott tekin. Landsverk, Tinghúsvegur 5, Postsmoga 78, Tórshavn, Tel 340 800, Faks 340 801, lv@lv.fo, www.landsverk.fo Vakið eyga við vitum og havnum? Høvuðsarbeiðsøkið Uppgávur, sum tú í høvuðsheitum fært ábyrgdina av: • rakstur og eftirlit við vitum og innsiglingarljósum • myndugleikauppgávur og eftirlit í sambandi við ISPS • eftirlit við og ábyrgd av okkara rakstri av landshavnum, ferju­ legum, lendingum,og afløgu­ bryggjum Førleikakrøv Tú ert útbúgvin skipsførari, maskin­ meistari, verkfrøðingur ella líknandi. Vit vilja røkka best møguligum úrslitum og leggja tí stóran dent á góðar persónligar eginleikar, at tú arbeiðir sjálvstøðugt, er skyldu­ røkin, hevur góð samstarvsevnir, dugir at skipa títt arbeiðsøki og geva títt íkast til menning av arbeiðsplássinum. Setanarviðurskifti Løn og setanartreytir verða sambært sáttmála millum Fíggjar­ málaráðið og avvarðandi yrkisfelag. Umsóknarfreist Umsókn við prógvum og lívsgongdarlýsing (cv) verður at senda til lv@lv.fo ella til Landsverk, postsmoga 78, 110 Tórshavn, og skal vera okkum í hendi í seinasta lagi 9. juli. Merk umsóknina „Starvsfólk til havnadeildina“ og nevn í umsóknini, hvar tú hevur sæð starvslýsingina. Umsóknir verða viðgjørdar í trúnaði. Fleiri upplýsingar um starvið kunnu fáast við at venda sær til Ewald Kjølbro, deildarleiðara á havnadeild­ ini, á fartel. 540 861 ella á ek@lv.fo Landsverk er ein stovnur undir Vinnumálaráðnum, og hevur um hendi vega- og havnamyndugleika- uppgávur og byggiharrauppgávur. Stovnurin ráðleggur og ger ætlanir, útinnir, rekur og viðlíkaheldur landsvegir, havnir, bygningar og flogvallamál, herundir tyrlupallar. STarVSLýSIng Hevur tú dirvi til at bjóða tær sjálvum av, og kundi tað hugsast, at vitar og havnir í tínum hugaheimi eru forvitnislig og spennandi økir at fara í holt við, so kunnu vit bjóða tær øðrvísi royndir í einum sera áhugaverdum og avbjóðandi starvi á havnadeildini hjá Landsverki. Fyrsti fleygadagur Siftunsøkudagur er fyrsti fleygadagur á árinum Kundi tú hugsa tær eina framtíð innan skrivstovuyrkið? Vit hava pláss fyri einum skrivstovulærlingi (m/k) í fyritøku okkara. Vit kunnu bjóða tær: • Eitt avbjóðandi starv í eini spennandi vinnu í støðugari menning, har tú gerst partur av einum góðum toymi og har arbeiðsandin er av teim bestu. • Tryggar arbeiðsumstøður. • Góðar møguleikar fyri persónligari menning. Tú mást hava HH ella FHS prógv. Lærutíðin er ávikavist 2 ella 3 ár. Tú mást vera fryntlig/-ur, samstarvsáhugað/-ur, ágrýtin og til reiðar at taka við nýggjum lærdómi og ikki vera bangin fyri til tíðir at arbeiða undir trýsti. Nærri fæst at vita um starvið við at ringja til okkara og tosað við Anniku Krosstein ella Harald Eirikstoft. Umsóknarfreistin er 10. juli 2007. Er hetta nakað fyri teg, so send okkum eina umsókn saman við prógvum og ummælum til: P/F Svend Krosstein Postboks 3229 FO-110 Tórshavn Viðm.: Lærupláss P/F Svend Krosstein er ein fyritøka í støðugari menning, sum í løtuni hevur 20 fólk í fulltíðarstarvi. P/F Svend Krosstein er einasta HVS-heilsøla í Føroyum og hevur harafturat størsta HVS-handil í landinum. Vit selja alt tilfar til vatnveitingar, hitaverk, sanitet og ventilatión. Eisini selja vit byrsur, patrónir, fiskireiðskap og annað. Skrivstovulærlingur søkist