mikudagur 2. mai 2007síða 10

10 tíðindi Nr. 84 - 2. mai 2007 Petur Pólson á Asfalt Á Asfalt 2006 var ein av mest gjøgnumførdu konsertunum tann hjá Peturi Pólson. Hetta fer uttan iva at endurtaka seg, tá ið Petur Pólson aftur verður at hoyra á Asfalt í ár. Petur er navnframur í Føroyum sum yrkjari, tónleikari og í øðrum høpi. Hann var við í bólkunum Visible Fish og Clickhaze, men valdi so at fara aftur um tjaldið á mentanarpallinum fyri nøkrum árum síðani. Eftir at hava verið í dvala gav hann út væl umtóktu fløguna ”Koma” á heysti í 2005 við sínum egna bólki. Limirnir í bólkinum hjá Peturi eru tó eisini navnframir og fevna um Eiler Hansen, Boga á Lakjuni, Una Árting, Knút H. Eysturstein og Niels Jákup í Jógvanstovu. Allir hava verið við til at mynda føroyska tónleikapallin seinastu árini. Petur spælir fólkakendan alternativan rokk og arbeiðir í løtuni við eini nýggjari fløgu, ið væntandi kemur út seinni í ár. Hoyrið ímeðan tónleikin av fyrstu fløguni á Myspace.com/peturpolson. Ung hava trupulleikar Hagtøl í Danmark vísa, at nógv fólk í 30’árunum hava so mikið stórar sálarligar trupulleikar í gerandisdegnum, at tey kenna seg noydd til at leita sær hjálp frá sálarfrøðingum ella øðrum serkønum. Blaðið metroXpress skrivar, at nógv tey flestu av hesum ungu eru menn, sum hava trupulleikar við konuni ella unnustuni, men sum ikki fáa seg til at fara frá henni, eftir at tað fyrsta barnið er komið. Árliga hava 5.000 danskir menn tørv á hjálp. - Vit bjóða øllum at vera hjartaliga vælkomin til ársin fyrsta bátafestival, sum verður á Toftum leygardagin, sigur Bátafelagið á Toftum Bátafestivalur Vilmund Jacobsen Leygardagin skipar Bátafe­ lagið á Toftum fyri báta­ festivali, og er hetta soleiðis triðja árið á rað, at fólk í Nes kommunu taka stig til eitt slíkt tiltak. Í Skálafirði Lagt verður fyri í Skálafirði, har bátarnir samlast klokkan 13. Síðan verður farið at sigla úteftir Skálafjørðinum og út á Toftir. Tá bátarnir, sum felagið vónar verða nógvir í tali hendan dagin, koma í Oyrar­ nar umleið klokkan 14.30, verður borðreitt við feskari suppu og onkrum aftur við til bátafólkið. ­ Umstøðurnar í Oyrunum eru góðar, og har fáa bát­ arnir eisini landstreym, eins og trygdarnet verða útflýggj­ að. Vit syrgja eisini fyri, at vaktir fara at hava uppsýn við økinum, meðan stevnan varir, sigur felagið. Bátafelagið hevur eisini útvegað økið til húsvognar, men tey, sum ynskja at hava húsvogn á festivalinum, mugu lata felagið frætta skjótast gjørligt. Ymiskt undirhald Á stevnuøkinum verður ymiskt undirhald fyri børn­ um, eitt nú so hoppiborg, trampolin, skreiðibreyt og bilar. Í fjør fingu fólk teir væl­ umtóktu festival­búffarnar, smyrjibreyð og pylsu, og soleiðis verður eisini hesa­ ferð. Eisini kunnu fólk bíleggja sær rundstykkir til morgunin eftir, so ongum nýtist at fara svangur avstað aftur. Meðan stevnan varir, kem­ ur ferðafólkabáturin Viljin at sigla farleiðina Toftir­ Strendur­Toftir og millum Toftir og Sund. ­ Tey, ið kundu hugsa sær at ferðast á hendan hátt, kunnu lata Bátafelagið á Toftum frætta við at ringja á tlf. 222060. Bilur fæst eisini á Sund við at ringja á tlf. 888888, siga tey, sum standa aftanfyri Bátafelagið á Toftum. Dansiorkestrið Tað er eingin bátafestivalur uttan tónleik og dans, og eis­ ini her hevur felagið syrgt fyri, at harmonikutónar verða á festivaløkinum, eins og Dansiorkestrið fer at spæla til dans í tjaldinum, sum verður sett upp á stevnuøkinum. ­ Vit bjóða øllum at vera hjartaliga vælkomin til ársin fyrsta bátafestival, sigur Bátafelagið á Toftum. Ársins fyrsti bátafestivalur Myndin er tikin á bátafestivalinum í fjør, tá bátarnir í fagrasta veðri stevna inn í Oyrahavnina Mynd: Vilmund Jacobsen Eins og í fjør, fara harmonikuleikarar aftur í ár at seta sín serstaka dám á bátafestivalin Mynd: Vilmund Jacobsen Eftir at hava starvast hjá Postverki Føroya síðan 1982, har hann í nógv ár sat í heita stólinum hjá Post- felagnum, skiftir hann nú “hest” og fer í ein ikki kaldari stól hjá Skálafjarðar Sløkkiliði starvsskifti Vilmund Jacobsen vilmund@sosialurin.fo Skálafjarðar kommunala Sløkkilið (SKS), sum er felags sløkkiliðið hjá Nes kommunu, Sjóvar komm­ unu, Runavíkar kommunu og Funnings kommunu, hevur sett Sunleiv Højgaard í fulltíðarstarv sum bruna­ umsjónarmann. Sunleiv skal hava dagligu umsitingina av SKS, meðan sløkkiliðið verður skipað við felags brunanevnd. Petur Jacob Petersen (Dakko) er vegna Nes kommunu formaður í bruna­ nevndini, og Sonni Johansen av Strondum er vegna Sjóv­ ar kommunu næstformað­ ur. Upprunaliga vóru tað kommunurnar við Skála­ fjørðin, sum í 1974 gjørdu av at skipa eitt felags sløkki­ lið, sum fekk navnið Skála­ fjarðar Sløkkilið. ­ Tá varð nakað av útgerð keypt og plaserað ymsa­ staðni kring fjørðin. Í dag eru 47 sløkkiliðsmenn knýttir at skipanini, og hesir eru spjaddir í ymsum bygd­ um í økinum, har størri og smærri støðir eru, sum hýsa útgerðini, sigur Sunleiv Høj­ gaard, sum eisini hevur ver­ ið sløkkiliðsmaður í mong ár. Formaðurin í brunanevnd­ ini hjá kommununum, Petur Jacob Petersen, sigur, at brunanevndin og kommun­ urnar hava sæð í eyguni, at krøvini innan tilbúgving alsamt gerast størri. ­ Tí er neyðugt at fáa hetta økið so væl skipað sum tilber, sigur hann. Petur Jacob vísir á, at felags sløkkiliðið hevur virkað væl øll árini og hev­ ur gjørt eitt stórt arbeiði. ­ Tá óhapp eru, eru tað mong, sum hava sannað og Tíðin setir krøv til tilbúgving: Sunleiv skal lei