mikudagur 23. mai 2007síða 51

Oslo hevur eitt sera ríkt handilslív við eini ør­ grynnu av ymiskum sølu­ miðstøðum. Mongu mat­ stovurnar bjóða eisini ein góðan bita, og náttarlívið er alt annað enn keðiligt. Ert tú troyttur av øllum resinum, so hevur Oslo harafturat nógvar grønar lundir, har til ber at taka sær av løttum SUMMARKAPPINGIN Teitur Joensen teitur@sosialurin.fo Oslo hevur ørgrynnu av møguleik­ um, tá tað snýr seg um mentanar­ lívið. Til ber at vitja søvn, bæði søgulig og listarlig, lurta eftir tón­ leik, hyggja eftir dansi ella ítrótti, keypa ella bara sita á eini kaffi­ stovu og eygleiða tað, ið fer fram í býnum. Býurin umgyrdur av vakrari náttúru Tá talan er um list, so er býurin væl prýddur við standmyndum. Serliga er hetta galdandi í Vige­ landsparken, har til ber at síggja 212 standmyndir av kenda lista­ manninum Gustav Vigeland. Fólk í Oslo eru røsk av vitja lundina, eins og túsundatals ferðafólk vitja hana hvørt ár. Um summarið síggj­ ast fólk serliga sóla sær, renna, spæla fótbólt og flogbólt í lund­ ini. Oslo er annars ein býur, ið ligg­ ur tætt at náttúruni. Hann liggur við sjógv, umgyrdur av fjøllum, og í sjálvum býnum er hópin av grønum blettum. Alskins lundir prýða um stórbýin Oslo. Umfram Vigelandsparken, so eru eisini aðrar kendar, vakrar lundir í býnum. Nevnast kunnu m.a. Handilsgøtur og sølumiðstøðir Oslo er eisini býurin, ið setur handilsgøtur og sølumiðstøðir í hásæti. Í miðbýnum við Karl Johans gøtu eru hópin av handlum. Í teimum báðum gongugøtunum, sum eru í Oslo, eru kendir handlar sum H&M og Benneton, og í hes­ um umráðnum eru eisini fleiri stórar sølumiðstøðir, bæði við merkivørum og bíligari vørum. Sølumiðstøðirnar eru eisini væl útgjørdar við bæði kaffistovum og matstovum. Av sølumiðstøðum kunnu m.a nevnast Gunerius, sum liggur mitt í býnum, Oslo City og Paleet, sum er ein sølumiðstøð, ið serliga er kend fyri síni listaverk. Hon leggur ikki dent á stór lýsing­ arskelti, men vitjandi kunnu í stað­ in hyggja at standmyndum, sum hon hevur lænt frá Billedhogger­ foreningen ella eftir málningum, sum eru læntir frá ymiskum lista­ søvnum.Á einum av veggjunum hongur ein málningur av sjálvum Edvard Munch. Hesin málningur er keyptur til sjálva sølumiðstøð­ ina. Móti er eisini list, og í Paleet verða fleiri altjóða merki seld á einum stað enn nakra aðra staðni í Oslo. Matur og drekka Oslo er kendur fyri at hava góðar matstovur við hampiligum prís­ um. Norsku kokkarnir eru í heims­ flokki, og fleiri matstovur í Oslo hava hesar kokkar. Matarskráirnar eru fjølbroyttar. Til ber at velja ímillum bóndakost, fiskarættir, villdjórakjøt, reinsdjórakjøt og rættir úr fremmandum londum Náttarlívið í Oslo er alt annað enn keðiligt. Í býnum er eitt ótal av vertshúsum, kaffistovum og náttklubbum at velja ímillum, og býurin er hugnaligur um náttina, og hugalagið gott. Í Oslo leggja tey seg eftir at taka til sín nýggjan náttarlívsmóta úr øðrum londum, og tey góðu støðini í náttarlívinum skifta frá eini viku til aðra. Flestu verthús og náttklubbar í Oslo hava opið til kl. 03.00. Puntur nummar 12 av 23 Oslo: Býurin við blómandi handilslívinum Oslo er ein býur við nógvum stórum lundum. Vigelandsparken er ein tann kendasta, og har standa fleiri vakrar standmyndir eftir kenda listamannin, Gustav Vigeland