hósdagur 24. mai 2007síða 2

2 Nr. 98 - 24. mai 2007 tíðindi SAMBAND eirikur liNDeNSkov eirikur@SoSiAluriN.fo tlf 341800 Randi Ward úr West Virginia hevur seinastu trý árini lisið á Søgu- og Samfelagsdeildini á Fróðskaparsetri Føroya, og fríggjadagin fer hon at halda fyrilestur um høvuðsuppgávuna, sum hon fekk 11 fyri FYRILESTUR Leo Poulsen leo@sosialurin.fo Seinastu trý árini hevur Randi Ward úr West Virg­ inia búð í Nólsoy, meðan hon hevur tikið masterút­ búgving í mentanarvísindi á Søgu­ og Samfelagsdeildini á Fróðskaparsetri Føroya. Randi hevði eina bachelor útbúgving í antropologi og bókmentafrøðí frá Ohio University í Athens, Ohio í USA, við sær til Føroya. Hon hevur nú tikið eina masterútbúgving, sum Fróð­ skaparsetrið hevur valt at kalla Masterútbúgving í Mentanarvísindi. Høvuðsuppgávan er antro­ pologisk lýsing av ævisøg­ uni hjá Olevinu Joensen í Nólsoy. Gjøgnum samrøður um kvinnulív og kvinnu­ arbeiði og samstarvi í bygdalívinum, hevur Randi Ward varpað ljós á ein part av søguni, sum annars lítið hevur verið gjørt við. Í námsskipanini, sum Fróðskaparsetrið hevur gjørt til Randi, verður ikki kravt, at hon verjir masterút­ búgvingina, men hon fer kortini at halda ein al­ mennan fyrilestur í Nólsoy fríggjadagin, har áhoyrarar eisini fáa høvið at seta fram spurningar viðvíkjandi upp­ gávuni. Annars kann nevnast, at próvdómarin frá lærda Íslendska Háskúlanum gav Randi Ward 11­tal við próvtøkuna. Fyrilesturin verður fríggjakvøldið 25. mai kl. 19.30 í Royndarhúsinum. Áhugað á meginøkinum hava møguleika at koma til Nólsoyar við Rituni, sum siglir av Bursatanga kl. 19.00 og úr Nólsoy aftur kl. 22.25. Aftaná fyrilesturin verður móttøka. Amerikansk lesandi í Føroyum: Verjir masterútbúgving í Nólsoy Fólk smílast til okkara, og vit merkja ongar negativar reaktiónir, siga Rúna Hentze, nevndar- limur, og Kenneth Samuelsen, for- maður fyri Starvs- fólkafelagnum hjá Føroya Banka ARBEIÐSSTEÐGUR Leo Poulsen leo@sosialurin.fo Myndir: Leo Poulsen Lagið var gott uttan fyri høvuðsdeildina í Føroya Banka við Húsagøtu seinna­ partin í gjár. Fitt av starvsfólki var savn­ að saman fyri at gera vart við teirra ónøgd um, at samráðingarnar millum Arbeiðsgevarafelagið fyri Fíggjarstovnar í Føroyum og Finansforbundet vóru slitnaðar. Fólk hugnaðu sær eisini við pylsum og kaffi og tos­ aðu við tey, ið komu fram­ við. Og tey, sum duttu fram­ við, fingu eisini bjóðað bæði mat og drekka. Í gjár stóðu starvsfólkini bert uttanfyri høvuðsskriv­ stovuna við Húsagøtu, men í dag hava tey víðkað tiltøk­ ini til eisini at umfata stóru deildina í Niels Finsensgøtu, og í Gongini, har Trygd heldur til. ­ Vit hava onga váttan fyri, at lønarhækkingin, sum AFF bjóðar, verður nøktandi fyri triðja og fjórða árið eisini. So vit hava onga trygd fyri, at vit ikki í veru­ leikanum fáa eina samlaða reallønarlækking í síðsta enda, og tað kunnu vit ikki góðtaka uttan víðari, segði Kenneth Samuelsen, sum er formaður í Starvsfólkafel­ agnum hjá Føroya Banka. Ganga í vaktum Í morgun eru umboð fyri Starvsfólkafelagið hjá Føroya Banka og Finansfor­ bundet farin til Suðuroyar fyri at hava kunnandi fund við starvsfólk hjá Føroya Banka har suðuri. Tann fundurin var í Øravík á mið­ degi í dag. Men tann stóri parturin, sum eftir er í Havn, stendur vakt á nevndu trimum støð­ um, og tey ganga í vaktum. ­ Tað er skipað soleiðis fyri, at vit standa vakt í tríggjar tímar í senn, so verður vaktarskifti, sigur ein av teimum, ið tók fyrstu vaktina uttan fyri deildina í Niels Finsensgøtu í morgun. Summi hava til uppgávu at gera kaffi, onnur ganga og mæla ímillum fyri at sýna sín stuðul. Men pylsur eru ikki at fáa í dag, eins og í gjár. Tað gongur tó eisini uttan pylsur, og starvsfólkini dylja ikki fyri, at tey eru brynjað til tiltøk fleiri dagar fram. Vit verða væl móttikin Randi Ward úr West Virg­inia búð í Nólsoy seinastu trý árini, meðan hon hevur lisið á Fróðskaðarsetri Føroya Vindeyg­uni verða í løtuni skift út í Føroya Banka. Kranin g­er arbeiði fyri okkum, helt ein av vaktunum skemtandi fyri Niels Joensen kom framvið deildini í N. Finsensg­øtu. Men tað mundi neyvan verða fyri at stuðla tiltakinum hjá starvsfólkunum Í g­jár bjóðaði starvsfólkið í Føroya Banka sær sjálvum og­ øðrum sum komu framvið pylsur og­ kaffi