fríggjadagur 25. mai 2007síða 22

Nr. 99 • 25. - 27. mai 2007 Vikuskifti 22 Høgtíð til minnis um, at Heilagi andin kom yvir ápostlarnar (Ápostlasøgan 2, 1-13), Navnið hvítusunna kemur av, at í fornkirkjuni var hetta dópstíðin fram um aðrar, og av teimum hvítu klæðunum, tey, sum doypt vórðu, vóru í. Navnið “hvítusunna” vinnur sær rætt í gomlu ensku kirkjuni, og haðani kemur tað til Noregs, Íslands og Føroyar. Men tað navnið, sum annars vann fram í flestu europeisku londunum var orðið, sum til dømis á donskum er “pinse”. Og tað kemur av grikska orðinum “pentekoste”, ið merkir 50. dagurin eftir páskir. Høgtíðin, sum ápostlarnir komu saman á, var annars gomul jødisk takkarveitsla fyri hveitiskurðin. Men í kristnu kirkjuni fær høgtíðin so ein annan dám og týdning. Tað er annars ikki so langt síðani, at tú í Føroyum kundi hoyra fólk ynskja “gleðiliga pinsafest”, men tað man ikki hoyrast longur. Føroyska navnið á høgtíðini hevur so altíð verið hvítusunna. (Kelda: Dagar og nøvn í álmanakkanum eftir Axel Tórgarð) Eftir Kjartan Stakksund, Eiði “Og tey hildu fast saman um læru ápostlanna og samfelagið og breyðbrótingina og bønirnar”. (Ápostlasøgan 2, 42) Hetta var aftaná ta fyrstu hvítusunnuna, tá ápostlarnir vóru samankomnir á einum staði í Jerúsalem, at Heilagur Andi kom niður yvir teir. Hetta var tað, ið Jesus segði við lærusveinar sínar, áðrenn hann varð tikin frá teimum upp til himmals, - at hann skuldi senda talsmannin, Heilaga Andan til jarðar. Tað var júst tað ið hendi á hvítusunnu. Hvørja ávirkan hevur hetta so havt fyri mannaættina, síðani hina fyrstu hvítusunnuna? Jú, menniskju hava verið gripin av Jesusi, soleiðis at hesin gleðiboðskapur eisini er náddur til okkara oyggjar úti í Atlantshavinum. Tað vóru menniskju, sum vóru kallinum lýðin, at fara við gleðiboðskapinum eisini til okkara landsmenn. Tað var júst Heilagi Andin ið gav lærusveinunum hesa kraft at fara í lýdni út at boða gleðiboðskapin, eisini á okkara oyggjum, sum eru av heidnari rót. Hetta hevur so gjørt tað, at vit eisini hoyrdu boðskapin um Jesus og hansara undurfulla náði og kærleika móti menniskjum, sum eru fallin í synd vegna syndafallið á sinni, tá mannaættin var rikin úr Edens aldingarði. Hvussu er statt í dag? Hetta er tann brennandi spurningurin, - eru vit líka íðin sum tey fyrstu kristnu, ella eru vit líkasæl?! Eg lati henda spurningin standa opnan. Gud gevi okkum eina gleðiliga hvítusunnu í Jesu navni. Síðani vil eg enda við einum hvítusunnusálmi, sum eg havi yrkt til hvítusunnuna 2007. Tey fyrstu kristnu Lag: Vinir Guds á ongum sinni (Bf. 83/Danmark. 164,165) Halgi Andi, kom við megi eins og hvítusunnudag; hann sum veitir sanna gleði, sálir syngja lovsongslag. Halgi Andi, lat meg kenna hvat Guds vilji er í verð; hann í trúnni vil meg menna, altíð fremja kærleiksgerð. Halgi Andi, við mær verði her í dag og alla tíð; so at alt á fold eg geri lær meg stríða trúar stríð. Halgi Andi, kom í náði til hvønn syndara í verð; hann í hjarta mínum ráði her við síni sáttargerð. (Kjartan Stakksund, Eiði) Halgi Andi, kom við megi Hvítusunna við teim hvítu klæðunum Í gjárkvøldið byrjaði tann stóra hvítusunnustevn­ an, sum verður hildin í skúlahøllini í Kollafirði Møtir: Tað er eitt stórt tal av talarum og sangkreftum, sum fara at seta hvørjum øðrum stevnu um høgtíðina. Møtirøðin byrjaði í gjárkvøldið við einum bønarmøti í missións- húsinum. Síðani verður hildið á í skúlahøllini. Her halda møtini fram í kvøld, leygarkvøldið og hvítusunnukvøld kl. 20. Seinasta møtið verður 2. hvítusunnukvøld kl. 18. Við møtini luttaka talarar, sangbólkar, solistar og kór við sangi og vitnisburðum. Eftir hvørt møti í skúlanum verður skipað fyri eftirmøti í missiónshúsinum við nógvum sangi og vitnisburði. Innsavnað verður somuleiðis á møtunum. Á stevnuni verður haraftrat møguleiki at fáa forbøn og samtalu um andaligar spurningar. Stevna til skúlan í Kollafirði Kollfirðingar bjóða til stevnu í skúlahøllini um høgtíðina