hósdagur 21. juni 2007síða 38

38 Nr. 117 - 21. juni 2007 tíðindi Óli Jacobsen olij@sosialurin.fo Myndir: Álvur Haraldsen Innskriftin á gravsteini­ num sigur, at Heine er føddur 21. oktober 1902 og deyður í Vancouver 24. januar 1927. Niðast á steini­ num stendur: Er ikke død men sover. Heine gjørdist tískil bert 24 ára gamal. Hetta ber boð um eina serliga søgu, og hana hava vit í blaðnum í dag. Heine var næstelsti sonur Carolinu og Zacharias Heinesen í Havn. Zacharias var jú stórkeypmaður fyrst í undanfarnu øld. Fyrra partin í undanfarnu øld, hevði hann handil í húsi­ num, har Sosialurin heldur til nú. Zacharias vildi, sum tað eisini var náttúrligt, seta synirnar við í síni fyritøku, so virksemið kundi varð­ veitast í ættini. Ein sonur var William, har pápin eisini hevði hesar ætlanir, men hetta eydnaðist ikki ov væl. Kanska var tað líka frægt, at hann slapp at brúka síni evni sum hann sjálvur vildi. Tað sama var við Heina, sum var nøkur fá ár yngri enn William. Heine starv­ aðist sum heilt ungur í handlinum hjá pápa sínum í Bringsnagøtu. Hetta er seinni handilin hjá Katrinu Christiansen. Pápin vildi hava Heina at gerast skræddari. Zacharias hevði eisini klædnahandil, og sagt verður, at øll fólk við virðing fyri sær sjálvum keyptu klæðini frá Heine­ sen. Heine fór eisini niður fyri at fara í læru sum skræddari. Men hetta var als ikki nakað fyri hann, sum var eitt náttúrumenn­ iskja. Hann vildi arbeiða úti í náttúrini, og hann hevði ongan hug til at sita inni og seyma. Úrslitið varð, at Heine fór til Amerika í fylgi við einum vini. Hesin var Martin Eystberg, var av Viðareiði og var beiggi Jóan Jakku skómakaran í Havn. Martin var verandi í Amerika til ellisár. William skrivar um Heina: Min broder Heine holdt meget af god musik, hans yndlingsstykke var Beethovens Egmont Ouver­ ture, som han i sin cana­ diske udlændighed forsøgte at fremtrylle ude på Præ­ rien ved hjælp af en Har­ monika. Heine var skóghøggari í Canada, og hetta svaraði eisini til hansara lyndi. Tað sama gjørdi Martin fyrstu tíðina, so tað kann hugsast, at teir hava verið saman. Heine kann hava fingið hugin at fara til Canada frá mammubeiggjanum Johan, vanliga kallaður Jan, sum fór til Canada í 1911. Hann kom tó heim aftur í 1915. William skrivar um teir báðar, at teir høvdu »en urolig natur med en vis skæbnesvanger udvé i brys­ tet.« Annars verður Heine væl lýstur í frásøgnini hjá systkinabarninum Torleif Restorff. Til Vancouver eftir líkinum av soninum Ein dagin fáa foreldrini hjá Heina fyrst boð um, at Heine er sjúkur, og var hetta vist tyfus ella tu­ berklar. Síðan frættist, at hann er við at kom fyri seg aftur. Men so hevur hann fingið afturstig, og síðan fáa foreldrini deyðsboðini. Hetta kom sjálvsagt illa við hjá teimum. Kanska hevur pápin følt nakað av skuld fyri, at Heine var farin so langt. Serliga mamman tók hetta sera tungt. Men hvussu var og ikki. Zacharias fer allan tann langa vegin til Vancouver eftir líkinum av soninum. Hetta hevur verið ein sera long ferð, ein triðing av knøttinum. Fyrst var at sigla til Danmarkar. Hetta hevur tikið sínar tríggjar dagar. Síðan mátti farast við ferðamannaskipi, helst til New York. Ikki fyrr enn tá var Zacharias komin hálva leið. Tað er nevniliga longri teinur tvørtur um Canada, nevniliga 5.600 km, enn um Atlantshavið. Ferðin um Canada má hava verið við toki og hevur í hvussu er tikið fleiri dagar, Deyður í Vancouver – jarðaður í Havn í 1927 Seinasta hósdag boðaðu vit frá eini nýggjari greinarøð undir heitinum »Hendur ið sleptu«. Her vilja vit lýsa søguna hjá persónum, sum eru grivnir í gamla kirkjugarði í Havn. Summar søgur er kendar, meðan aðrar eru ókendar. Men nógvar eru áhugaverdar. Fyrsta frásøgnin er um Heina Heinesen, sum var beiggi William Heinesen. Hetta er ein hjartanemandi søga um foreldur, sum fyri alt í verðini vildu hava sonin jarðaðan í Føroyum, hóast hann var deyður hinumegin knøttin í Vestur Kanada. he n d u r ið sl ep t u Sofie Helene Jacobsen við ommubørnum: Aftara rað frá vinstru: Stig og William Heinesen, omman, Andreas Restorff á Skálatrø, Heine Heinesen, Marin Restorff Jacobsen Fremra rað: M.C.Restorff, Andreas Restorff Jacobsen og Tórleif Restorff. Stig, William og Heine Heinesen vóru brøður. Marin og Andreas Restorff Jacobsen vóru systkin. M.C. og Tórleif Restorff vóru brøður. Tað er Tórleif, sum hevur skrivað lýsingina av Heina í hesi grein. Hetta er handilin hjá Zacharias Heinesen í Bringsnagøtu, har Torleif Restorff, sum er frásøgu­ maður til lýsingina av Heina á næstu síðu, og Heine Heinesen spældu í kjallaranum sum dreingir. Sum tað sæst er hetta eisini seymistovu, og hesa mann pápin hava ætlað Heina. Men hesum hevði Heini als ikki áhuga fyri. Børnini hjá Carolinu og Zacharias Heinesen, frá vinstru Heini, Bergliot, Stig og William