hósdagur 28. juni 2007síða 31

31 [ Nr. 122 - 28. juni 2007 ] HB-venjarin uppsagdur Føroyameistararnir eru í løtuni átta stig aftan fyri oddaliðini, og tað tykist hava kostað venjaranum sessin. Tað hevur ikki borið okkum til at fáa váttað boðini um uppsøgnina frá leiðsluni í HB, men tað skuldi tó verið púrasta vist. 2-0 tapið fyri B36 í gjárkvøldið gjørdist eftir øllum at døma seinasti dysturin, har venjarin hjá HB æt Krzyzstof Popczynski. Meistararnir høvdu við einum styrktum liði avgjørdar ætlanir um at endurvinna gullið í ár, men óstøðug úrslit hava higartil sent teir átta stig aftur um NSÍ. Og vinna runavíkingarnir sín dyst um vikuskiftið, verður munurin ellivu stig. Ivaleyst er tað hetta, sum ikki hevur smakkað HB-leiðsluni. Hvørki Birgir Enghamar, formaður í HB, ella Steinfinnur Mittelstein, stjóri í P/F Havnar Fótbóltur, hava verið at hitt í morgun. Jákup Frá byrjan til enda vísti B36, at teir vóru betri enn HB henda dystin. Teir høvdu ein greiðan yvirluta í spælinum, og vóru tað eisini teir, ið struku avstað við teimum trimum týdningarmiklu stigunum Fótbóltur Pætur Albinus patur@sosialurin.fo Lagt var upp til ein sera tættan og spennandi dyst, tá ið føroyameistararnir møttu steypavinnarunum í gjár- kvøldið. Grannauppgerðin fekk ongantíð eyðkenda javna spælið, tí B36 sat á nógv tí mesta spælinum, meðan HB hevði trupult við at finna seg sjálvar. Leiklig yvirvág Fyrstu fimm minuttirnir av dystinum góvu okkum okk- um ábendingar um, at B36 ætlaði sær øll trý stigini. Teir høvdu bóltin nógv, meðan HB-leikararnir skuldu finna hvønn annan. Sum minuttirnir gingu høvdu teir stríputu tó trupult við at finna stevið, og lótu teir fyri tað mesta B36 koyra bóltin runt. Við góð- um bóltførleikaleikarum sum Hanusi Thorleifsson og Heina í Skorini mitt á miðjuni, høvdu teir hvítu ikki stórar trupulleikar at fáa bóltin fluttan niðan á vøllin. Fyrstu 25 minuttirnir megnaði B36 tó ikki at spæla seg so nær málinum, at nakar stórvegis málmøgu- leiki spurdist burturúr. Løn fyri stríðið Móti endanum av fyrra hálvleiki tóktist málið hjá B36 at vera greitt. Teir vildu hava eina hálvleiksleiðslu, og hetta lá í luftini at teir skuldu fáa. Høgu leikferðini hildu teir, og stríðsviljin var avgjørt til staðar. Og fimm minuttir fyri steðgin bragdaði hjá B36. Mikkjal Thomassen vann bóltin av Tór-Ingar Akselsen í vinstru síðu. Mikkjal tók nøkur fá fet fram eftir vølli- num, áðrenn hann sendi eitt innlegg til Sylla, sum stút- aði bóltin í netið 1-0. B36 royndi at trýsta fyri at økja um hálvleiksleiðsl- una, men sama støðan helt sær til hálvleiks. Jøvn løta Tað tóktist sum HB-leik- ararnir høvdu fingið nøkur álvarsorð í steðginum frá tí nú fyrrverandi HB-venjaran- um, Krzyzstof Popczynski, tí fyrstu løtuna eftir steðgin var liðið nógv meira í dyst- inum. Eisini kundi hetta takkast at Jákup á Borg nú var komin inn, og var ein sera arbeiðslig megi á høgra kanti hjá HB. Fyri fyrstu ferð vórðu gjøgnumspæld álop framd, og nakrar roynd- ir á mál vóru nú at finna. Men at liðið nú hevði otað seg longri fram á vøll- in, bar í sær, at B36 fekk meira pláss at leika á fram eftir vøllinum. Og tá ið ein góður tími var farin, mundi hetta kost- að hjá føroyameistarunum, men teir sluppu við skrekk- inum. Sylla reiv seg leysan av HB-verjuni, og fekk ein sokallaðan fríloypara móti málinum. Skotið tók tó innnaru síðu av stongini, og endaði í føvninginum hjá Tróndi Vathnhamar. B36 aftur á dystin Tá ið ein tími var leiktur settist B36 aftur á spælið. Nógvar flytingar fóru fram á nógva plássinum, sum teir fingu at leika á. HB-liðið lá langt frammi á vøllinum, og tað sást, at nú mátti bera ella bresta. Í 64. minutti fekk B36 hornaspark. Heini í Skorini sendi tað væl inn fyri, og HB-verjan fekk ikki ruddað burtur. Bólturin var leysur inni í feltinum, og fyrstur á bóltinum var Fróði Benja- minsen, sum við vinstra beini stýrdi bóltin í netið til 2-0. Luftin tóktist nú av álvara at vera farin úr HB, sum henda dagin hevði trupult við at vinna sær bóltin. Móti endanum av dysti- num tóktist menn at gerast heitir, og í einari støðu komu leikararnir upp at táttast. Ein støða, ið kostaði hjálparvenjaranum hjá HB, Albert Ellefsen, reyða kort- ið. Fullførdu avrikið Seinasta korterið spáddist eingin ivi um betra liðið. B36 sat so at siga á øllum spælinum, og vónloysi kundi síggjast á HB-liðnum. Móti endanum av dystinum kundi líkt til, at HB fekk tillutað brotsspark. Men dagsins dómari, Petur Rein- ert, sum stóð væl fyri í hesi støðu, valdi at geva Chrisian Høgna Jacobsen gula kortið fyri sjónleik. Vanliga leiktíðin rann út, og í teimum fýra minuttu- num, ið lagdir vórðu afturat, kom heldur einki mál. Við sigrinum vann B36 sær fyribils oddasessin í Formuladeildini, men av tí at teir hava leikt ein dyst fleiri enn NSÍ, so tryggjaði B36 heldur eitt týdningar- mikið fet í veruliga odda- stríðnum. Hjá HB gjørdist ilt verri, og mátti nú síggja oddin sigla enn longri frá sær. B36 var klassan omanfyri - Har fór meistara- heitið Jákup á Borg, liðfor- maður hjá HB, heldur, at meistaraheitið er rok- ið. – Tað er sum eg segði við tykkum undan dysti- num. Taptu vit í dag, so reyk meistaraheitið, sig- ur Jákup á Borg, sum vegna smáskaða ikki leikti fyrra hálvleik av dystinum. Jákup heldur orsøkina til tapið vera einfalda. – Teir vóru nógv betur tendraðir enn vit. Einki koyrdi hjá okkum, og alt ov langt var mill- um keturnar hjá okkum, sigur Jákup, men vísur tó á, at teir ikki leggja seg at gráta. Løgmans- steypið og Champions League er næst á skránni. - Vit raktu dagin Spurdur, um hann helt teir rætt og slætt vóru betri enn HB, svar- ar Hanus Thorleifsson hjá B36 soleiðis: - Eg haldi tað var ein blandingur av tí og at vit raktu dagin. Hann sigur B36 hev- ur góðar vónir víðari í kappingini. - Sjálvandi trúgva vit uppá meistaraheitið. Hýrurin er sera góður í hópinum, og nú fara vit at royna at vinna á GÍ sunnudagin, sigur Han- us Thorleifsson, og vís- ur á, at tveir harðir dyst- ir seinastu vikuna kann koma at merkjast sunnu- dagin. B36 HB HB hevði trupult við at finna skipaða spælið fram, meðan B36 hinvegin í løtum spældi sera væl Mynd: Jens Kr. Vang