mánadagur 2. juli 2007síða 40

40 Nr. 124 - 2. juli 2007 tíðindi MYNDAFRÁsøgN Dorit Hansen dorit@sosialurin.fo Við einari 40 metra langari skreiðibreyt, tveimum heit­ um heilsuklivum og einum hugnaligum svimjihyli við fossum og tilgjørdum gróti kann Svimjihøllin í Klaks­ vík nú erpa sær av at hava Føroya fyrsta baðiland. Leygardagin læt Svimji­ høllin dyrnar upp til nýggja baðilandi. Fyrst var mót­ tøka við røðum, tónleiki og sangi, og síðani fóru fossarnir í nýggja hylinum í gongd og skreiðibreytin læt upp. Fyrsti persónur á nýggju skreiðibreytini var borgarstjórin í Klaksvík, Steinbjørn O. Jacobsen. Til móttøkuna bjóðaði leiðarin fyri Mentanar­ nevndini í Klaksvíkar Býrað, Gunvá við Keldu, vælkomin og hugleiddi um svimjisøguna í Klaksvík. Karsten Ask frá Aqua Plan, sum hevur verið samskipari av arbeiðnum, og stjórin í Noroya Sparikassa, Eyfinn Reyðberg, søgdu eisini nøkur orð. Nógvur tónleikur og sangur var. Millum annað sang Elin Løkin ‘Tað lítla ljós eg fekk’, áðrenn hon fór í svimjidrakt og royndi nýggju skreiðibreytina, sum hon helt vera ordiliga stuttliga. Svimjihøllin er uppruna­ liga bygd í 1970unum, og av tí at byggingin ikki í nóg stóran mun tók hædd fyri at bygt var á mýru­ lendi, hava fleiri trupul­ leikar verið í gjøgnum tíðina. Í sambandi við at baði­ landið skuldi lata upp, varð tann gamli barnahylurin ­ lítli hylur ­ tómdur og reinsaður. Men tá menn skuldu fylla vatn í aftur, kom sprekka í botnin, og lítli hylur stendur tí tómur í løtuni. Eftir ætlan skal lítli hylur setast í stand og útbyggjast um tvey ár, men spurn­ ingurin er nú, um hetta verður framskundað, ella um onkur fyribilsloysn verður funnin. Klaksvík fingið baði Borgarstjórin, Steinbjørn O. Jacobsen, segði seg verið eitt sindur kroystan, tí hann hevði lovað leiðaranum fyri Svimjihøllina, Torkil Mørkøre, at hann skuldi vera fyrsti maður í skreiðibreytini Mynd: Dávur Winther Pól Skarðenni, listamaðurin aftan fyri tilgjørda føroyska grótinum í hylinum, var saman við synunum millum fyrstu fólkini í hylunum. Pól Skarðenni hevur verið við til at gjørt fleiri stuttleikaparkir í Europa Mynd: Dorit Hansen Múrarin, Jan Elleby, hevur staðið fyri allari flísaleggingini, og Karl Josephsen hevur saman við Norðhús staðið fyri betongarbeiðinum Mynd: Dorit Hansen Nýggi hylurin í Svimjihøllini í Klaksvík er bæði rúmligur og hugnaligur við fossandi vatni og tilgjørdum gróti. Útbyggingin er ætlað til at fáa fleiri fólk inn í svimjihøllina, og bæði leygardagin og sunnudagin vóru nógv vitjandi Mynd: Dorit Hansen