mikudagur 4. juli 2007síða 2

2 Nr. 126 - 4. juli 2007 tíðindi SAMBAND eirikur liNDeNSkov eirikur@SoSiAluriN.fo tlf 341800 Í sambandi við at í ár eru liðin 100 ár síðan altjóða skótarørslan varð sett á stovn, verður ein risa stór skótastevna hildin stutt uttanfyri London Skótar Pætur Albinus patur@sosialurin.fo 20. juli fer eitt føroyskt skótalið mannað við 65 skótum til Onglands, har teir fara at luttaka á eini risa stórari skótastevnu. Heili 40.000 skótar úr 160 ymiskum londum vera við á stvenuni, sum heldur á í tíggju dagar. Ikki bara lega Legan verður eitt upplivilsi fyri lívið hjá føroysku skótunum. - Endamálið er at saman- sjóva fólk og at bara vera partur av alheimspartinum. Í fótbólti hevur tú møguleika at uppliva stórhendingar hvørt ár, men soleiðis er ikki í skótaheiminum. Hetta verður eitt upplivilsi fyri lívið, sigur Jan á Argjaboga, frá Føroya Skótaráð. Føroyska skótaferðalagið fer úr Føroyum 20. juli, og kemur aftur til Føroya 10. august. Undan leguni fara skótarnir at vitja nakrar enskar skótar, umframt at fara við bussi til Skotlands at búgva hjá nøkrum skótum har. Hetta er tískil lagt upp til meir enn bara eina skótalegu og skóta- stevnu hjá føroysku skótunum. Tað er Føroya Skótaráð, ið skipar fyri ferðini. Áhugaverd skrá Á skótastevnuni verður ein sera stórur marknaður av ítrivum. Eisini verður skipað fyri einum tiltaki, ið serliga kemur at gleða ein skóta á hvørjum liði. Oyggin Brownsea Island er fyrsta oyggin, ið ein skótalegað varð hildin á. Oyggin er í dag friðað av ensku myndugleikunum, men serligt loyvi er fingið til vega, soleiðis at ein skóti frá hvørjum liði sleppur at vera tríggjar dagar á oynni, sum altso verður karmur um eina stytri útgávu av einari skótalegu. Hjá føroyska skótaliðnum verður tað 16 ára gamli Eik Óladóttir Gullbein úr Havn, ið verður tann hepna at sleppa út á oynna. Møguleikan vann hon sær, tá ið hon vann kappingina um bestu grundgevingina fyri, hví hon vildi sleppa út á søguligu oynna, sum stovnarin av skótarørsluni, Baden Powell, lat hava sína fyrstu legu á. Dýrt Ikki er bíligt at ferðast uttanlanda, og tað er tað sanniliga heldur ikki í hesum føri. Luttøkugjaldið er ásett útfrá bruttotjóðar- vinninginum hjá landinum, ið skótaliðið kemur frá. Føroyska skótaliðið skal tískil av við luttøkugjald, ið er í tí dýrara endanum av listanum. Ferðin verður sostatt ein dýr ferð, og higartil hevur gingið heldur striltið at útvega pening. - Vit hava sett foreldra- bólkar at skaffa pening. Ferðaútreiðslurnar eru nógvar, og vit stríðast framvegis við at fáa peningin til vega, sigur Jan á Argjaboga, og vísur á, at stuðul frá fyritøkum hevði verið teimum sera kærkomin. 65 føroyskir skótar til Onglands Aftur í verður skipað fyri árliga Laksa- og Sølu- torginum í Runavík, sum Kunningarstovan í Runavík og Runavíkar kommuna skipa fyri. Hetta tiltakið hevur verið afturvendandi í nøkur ár og verið sera væleydnað. Byrjað var viðhesum útitiltaki fyri nøkrum árum síðan, og er hetta einasta tiltak av sínum slag í Føroyum. Tiltakið verður leygardagin 21. juli frá kl. 11.00 til 16.30. Flestu handlarnir í Runavík hava langan leygardag hendan dagin við nógvum góðum tilboðum, og eisini verða nakrir handlar á torginum við ymiskum spennandi úrvali. Á sølutorginum ver_ur nógv spennandi at vitja allan dagin, bæði fyri børn og vaksin Fyri vaksin verður m.a. ókeypis smakki- royndir av laksi, og kokkur- in verður eisini til staðar at veita góð ráð o.s.fr. Á pallinum verður góður tónleikur at hoyra viðm.a. Stanley Samuelsen. Gyklar- in Ásbjørn kemur á vitjan at vísa síni kynstur fyri børnunum. Sum heild ein sera spennandi og áhugaverdur dagur, har øll eru hjartaliga vælkomin. Fólk, ið eru áhugaði í at luttaka við onkrum tiltaki, hava møguleikan at venda sær til kunningarstovuna í Runavík. Laksa- og Sølutorg í Runavík