hósdagur 2. august 2007síða 18

18 tíðindi Nr. 147 - 2. august 2007 Herfyri kom annað av teimum nýggju skipunum, sum Faroe Seafood hevur keypt, á Havnina, og nú í vikuskiftinum kemur tað sienna. Skipini hava fingið nøvnini Rókur og Lerkur Fiskivinna Vilmund Jacobsen vilmund@sosialurin.fo Við bryggjuna í Saltangará liggur snøggi ísfiskatrolarin, Rókur, merktur Runavík og hevur bókstavirnar og tølini FD 1205. Rókur er annar av tveim­ um ísfiskatrolarum, sum Faroe Seafood hevur keypt. Rókur er keyptur úr Írlandi, og Lerkur úr Skotlandi. Skipini eru bygd sum systurskip, men Lerkur hevur enn ikki somu longd, sum Rókur hevur. Rókur er eitt vet longri enn hini skipini hjá Faroe Seafood, Bakur og Stelkur. Bæði tey nýggju skipini hava verið í Skagen, har maskinurnar eru yvirhál­ aðar. Lerkur er nú eisini á veg heim og verður á Havnini í vikuskiftinum. Lerkur leingjast Faroe Seafood hevur gjørt avtalu við Tórshavnar Skipasmiðju um at leingja Lerk, og hetta arbeiði fer í gongd so skjótt, skipið kemur higar til lands. Á Tórshavnar Skipa­ smiðju munnu teir fara at verða lidnir við sektiónina, sum skal setast upp í skipið. Maskinverkstaðurin FJM í Runavík setir nýggja verksmiðju í bæði skipini, og síðan er okkurt smávegis at gera í lastini. Rókur verður klárur til fiskiskap nakað eftir hálvan august, og tá fer hann at partrola saman við Stelki. Bæði Bakur og Stelkur fara úr vinnu eitt stutt skifti hvør, meðan motorarnir verða yvirhálaðir í Klaksvík. Rókur og Stelkur Ætlandi fer Bakur fyrst til Klaksvíkar, og tá fara Stelkur og Rókur at partrola. Tá so Bakur kemur aftur, og Stelkur fer norður, fara Rókur og Bakur at partrola. Tá klassingin hjá Baki og Stelki er liðug, verður Lerkur liðugur á Tórshavnar Skipasmiðju. Tað er ungi skiparin hjá Faroe Seafood, Rúni Samu­ elsen, sum fyrst førdi Rók heim úr Skagen, og nú nærkast ungi maðurin landi við Lerki. Landaðu í morgun Í morgun landaðu Bakur og Stelkur í Saltangará, og sum skilst vóru skipini knappliga fullfermd eftir at hava roynt í umleið eina viku. Føroya Skúlabókagrunnur er eitt alment forlag, sum skipar fyri at geva út fjøl- broyttar undirvísingarmiðalar til tað før- oyska skúlaverkið. Undirvísingarmiðlar, ið eru í samsvari við tað regluverk og tær lesiætlanir, ið eru galdandi fyri undir- vísingarverkið. Ritstjórarnir á Skúlabókagrunninum eru eitt toymi, sum arbeiðir saman um at útvega dygdargóðar føroyskar undirvís- ingarmiðlar. Tað merkir, at neyðugt er at samstarva við bæði starvsfelagar og mong onnur til tess at tryggja so stórt fjølbroytni sum møguligt, námsfrøðiliga dygd og breidd, tíðarhóskandi málsligan búna, og at útsjónd og layout styðjar endamálið við útgávuni. Skúlabókagrunnurin hevur ábyrgd av einum nýggjum føroyskum undirvísingar- portali. Ritstjórarnir eru við í arbeiðinum at menna henda portal og at útvega eitt hóskandi úrval av talgildar miðlum. Ein partur av starvinum er eisini at veita lærarum og øðrum neyðuga kunning um føroyskar undirvísingarmiðlar. Praktiskt útgávuvirksemi Størvini, sum verða lýst leys, fevna í høvuðsheitum um praktiskt útgávu- virksemi innan allar lærugreinir í fólka- skúlanum eins og ráðgeving og veg- leiðing í hesum sambandi. Ætlanin er, at teir nýggju ritstjórarnir skulu arbeiða við útgávum innan kunn- ingarlærugreinarnar í fólkaskúlanum. Tað eru søga, samfelagslæra, landalæra, lívfrøði o.s.fr. Eisini í lærugreinunum kristni, føroyskum og fremmandum máli er tørvur á nýggjum undirvísingarmiðlum, og kunnu uppgávur á hesum økjum koma fyri. Vilt tú vera við til at menna fólkaskúlan og tryggja, at lærarar og næmingar hava góðar undirvísingarmiðlar, so eru nógvar áhugaverdar uppgávur at fara í holt við á Skúlabókagrunninum. Førleikar Til starvið krevst útbúgving sum fólka- skúlalærari, í minsta lagi 5 ára undirvís- ingarroyndir og dyggur fakligur førleiki innan tey fakøki, sum ritstjórin fer at arbeiða mest við, hollur kunnleiki í før- oyskum og kunnleiki í teld. Løn og setanartreytir Løn og setanartreytir verða eftir sáttmála við Føroya Lærarafelag og við góðkenning Fíggjarmálaráðsins. Royndartíðin er eitt ár. Skrivlig umsókn við avriti av prógvum og møguligum viðmælum skal vera Skúla- bókagrunninum í hendi í seinasta lagi mikudagin tann 22. august 2007. Gjølligari upplýsingar um starvið fáast frá Helenu Dam á Neystabø, tlf. 31 61 00. Føroya Skúlabókagrunnur 31. juli 2007 Tvey størv sum ritstjórar á Føroya Skúlabókagrunni verða lýst leys til setanar, so skjótt sum til ber. Ritstjórar á Skúlabókagrunninum grafikstudio.fo …útvega dygdargóðar føroyskar undirvísingar- miðlar… Lützenstrøð 4 • 100 Tórshavn • Tel 316100 • Fax 318726 helena@skulabokagrunnur.fo Rókur er komin - Lerkur á veg Rókur – annar av ísfiskatrolarunum, sum Faroe Seafood hevur keypt. Eitt snotuligt skip. Í vikuskiftinum kemur Lerkur á Havnina, sum er seinna skipið í hesum umfari. Rúni Samuelsen, skipari, er maðurin, sum hevur ført bæði skipini heim úr Skagen Mynd: Vilmund Jacobsen Rúni Samuelsen á brúnni Ofta verður ført fram, at ungur maður, sum fer til skips, spillir sær tíðina burtur. Fert tú ikki beint í annan skúla, tá tú ert liðugur við 10. flokk, er lítil vón fyri stavn í hesum tíðum, nú samfelagið setir so stór krøv til alt og øll. Men hetta er slett ikki rætt – ella hetta nýtist ikki at vera rætt. Tað eru nógvir ungir menn, sum í staðin fyri at fara beint í annan skúla, fyrst valdu at fara í “lívsins skúla”, sum skipsdekkið ofta verður rópt. Rúni Samuelsen valdi fyrst at fara í lívsins skúla, áðrenn hann fór á skiparaskúla. Longu sum 22 ára gamal førdi hann fyrstu ferð skip. Nú ísfiskatrolarin Rókur hjá Faroe Seafood herfyri kom til landið, stóð Rúni á brúnni. Í vikuskiftinum kemur seinna skipið, sum felagið hevur keypt, eisini til landið. Hetta er Lerkur – og aftur hesaferð stendur Rúni Samuelsen á brúnni. Pápi Rúna, Ólavur Samuelsen, hevur verið skipari við skipum hjá Beta, sum Faroe Seafood keypti, heilt síðan byrjan. (­vilmund)