fríggjadagur 31. august 2007síða 51

Nr. 168 - 31. august 2007 51 tíðindi Fyrrverandi norski forsætismálaráð­ harrin og útbúni presturin, Kjell Magne Bondevik hevur nú roynt seg sum fótbóltsvenjari á stórari ítróttarstevnu tætt við Kristiansand Fótbóltsvenjari Heri Simonsen Fyrrverandi norski forsætis­ málaráðharrin og formað­ urin í Kristiliga Fólkaflokki­ num í Noregi, Kjell Magne Bondevik er farin nýggjar leiðir. Hann royndi seg á fyrsta sinni, 59 ára gamal, sum fótbóltsvenjari á einari stórari ítróttarstevnu í Dvergnestangen tætt við Kristiansand, har Todi Jóns­ son fyri stuttum royndi fót­ bóltseydnuna! Svorðin Molde- fjeppara! Fótbóltsumhvørvið er tó ikki ókent fyri Kjell Magna Bondevik. Hann er kendur fyri at verða ein svorðin fjeppari hjá gamla felagnum hjá Jákupi Mikkelsen, Molde FK sum hevur heim­ stað á norska vesturlandinu. Bondevik hevur eisini spælt nógv fótbólt á lægri división­ støði á yngri árum. Bonde­ vik og høvuðseigarin av Molde Fotballklubb, Kjell Inge Røkke, sum er næstan líka væl kendur í Klaksvík, Todi og Jákup eru gamlir vinmenn. Bondevik hevur eisini sitið í stýrinum hjá Molde FK, og eitt skifti sum "presi­ dent", sum norðmenn so snøgt tittulera tað. Bondevik mátti sjálvsagt siga stýri­ sessin í Molde FK frá sær tá hann gjørdist forsætis­ málaráðharri. Men ikki so sjáldan sóu fólk forsætis­ málaráðharran til landsdyst á Ullevaal­leikvøllinum í Oslo. "KRIK" Í Noregi finst ein felags­ skapur ið nevnist: "Kristen Idrætskontakt", stytt: "KRIK". Hesin felagsskapur hevur lokalar deildir runt alt Noregs land, sum stuðlar ungfólki í meinigheitum og samkomum at íðka ítrótt av øllum slagi. Í hesum høpi­ num verður eisini skipa fyri andaktum, konsertum, krist­ nari frálæru o.s.fr. KRIK hevur eina stóra summar­ stevnu á hvørjum ári. 7. ­ 12. august settu 980 kristin ítróttarfólk hvørjum øðrum stevnu í Dvergnestangen skamt uttanfyri Kristian­ sand. Á skránni var sjálv­ sagt eisini fótbóltur! Tekniskt vánaligur! Blaðmaðurin hjá kristnu dagsavísini "Vårt Land" sum eygleiddi venjingina hjá Kjell Magna hevði ikki so nógv at finnast hvat við­ víkur teimum taktisku disposisjónunum. Men hesin var ikki so hugtikin av gamla forsætismálaráð­ harranum tá tað kom til bólttemjingar og at senda bóltin millum seg og ungu leikarnar! "Eg havi mína styrki á miðvøllinum, sum strategur og bóltfordeilari" segði Bondevik við "Vårt Land", ikki so ólík støðuni í norskum politikki har hann var ein strategur á miðjuni! "Eftir mínum tykki er fótbóltur best tá hann verður spældur ígjøg­ num miðvøllin. Hagani líkar mær best, at bólturin verður koyrdur út á vengur­ nar. Tí dámar mær best 4­3­ 3­spælskipanina!" Ella sagt við øðrum orð­ um: Bondevik er ein kon­ trastur ­ bæði fótbóltsliga og politiskt ­ til kommun­ istin, Egil "Drillo" Olsen, hvørs 4­5­1­spæliskipan var hatað og foraktað av øll­ um fótbóltsheiminum! So fótbóltsliga eru danski landsliðsvenjarin og "Drillo­hatarin", Morten Olsen og Kjell Magne Bondevik meira á einum málið! Bondevik var ikki bara fótbóltsvenjari á summ­ arstevnuni hjá KRIK. Hann helt eisini eitt seminar um "Kristna samfelagsábyrgd". Okkara løgmaður er eisini gamal fótbóltsvenjari og nevndarlimur, so spyrst um Jóanes Eidesgaard eisini fer at gera, sum fyrrverandi norski starvsfelagin, og royna seg sum venjara? (Kelda: VÅRT LAND) Bondevik vorðin fótbólts- venjari Fyrrverandi forsætismálaráðharrin í Noregi, Kjell Magne Bondevik, hevur stóran áhuga fyri fótbólti Mynd: Polfoto