mikudagur 5. september 2007síða 4

4 tíðindi Nr. 171 - 5. september 2007 Veitt síðsta hvalin Sunnukvøldið fekk íslendski hvalabáturin Dröfn tann seinasta av teimum 200 sildrekunum, sum íslendingar hava veitt til vísindaligar rannsóknir tey seinastu fýra árini. Ætlanin við kanningunum var millum annað at kanna, hvat sildreki etur. Tær fyrstu kanningarnar bendu á, at hvalurin át meiri tosk og sardinir og minni lodnu, enn menn høvdu hildið, men eftir teimum seinastu kanningunum etur hvalurin meiri sardinir nú enn fyrr. Útflutningsvirði voksið Føroyska útflutningsvirðið vaks fyrra hálvár 2007 við 1% í mun til sama tíðarskeið í 2006, skrivar hagstovan á heimasíðu síni. Tilsamans var útflutt fyri 1,8 milliard. kr. í hesum tíðarskeiðnum. Tað eru serliga alifiskur, sum við einum vøkstri uppá 97%, saman við øðrum fiski og fiskaúrdrátti, ið vaks 19%, umframt uppisjóvarfiski við, ið vaks 8% í útflutningsvirði, sum halda útflutningsvirðinum uppi. Útflutningsvirðið av botnfiski sosum. toski, hýsu og upsa minkað við 11% og skeljafiskur er farin niður við 40%. Útflutningsvirði av øðrum vørum og skipum er minka við ávikavist 56% og 57%,. Í næstum fáa føroyingar vitjan av víðagitnum jogalærarum, sum fara at kunna um joga í Miðlahúsinum og halda vikuskiftisskeið á Velbastað VælVera Rigmor Dam rigmor@sosialurin.fo Hóskvøldið 20. september kl. 18.30 verður kunningar­ kvøld um joga í Miðlahúsin­ um í Havn. Á tiltakinum, sum er alment og ókeypis, fer altjóða viðurkendi leið­ arin fyri Skandinavisk Yoga og Meditatiónsskúla í Svø­ ríki, Swami Janakananda, at greiða frá um klassiska joga og tantriska meditation. Umframt kunning byrjar kvøldið við einari mediativ­ ari sangløtu, og endar tað við einari vegleiddari meditatión. Tað er Manijeh Elsa Modi, ið sjálv hevur gjørt joga í nógv ár, sum hevur bjóðað jogalærarunum hig­ ar til lands. Hon greiðir frá, at einki religiøst er í tiltøk­ unum, og at alt gongur virði­ liga og friðarliga fyri seg. Vikuskiftisskeið á Velbastað Sum sagt verður eisini skip­ að fyri vikuskiftisskeiði í joga. Skeiðið er bæði ætlað óroyndum og royndum fólkum. ­ Eitt vikuskiftisskeið er ein góður háttur at læra joga at kenna, og gevur høv­ ið at fara í dýpdina hjá teim­ um, sum kenna tað framm­ anundan, sigur Manijeh Elsa Modi. Hon sigur, at á skeiðinum fæst gott innlit í likamligu venjingarnar, venjingar av andadráttinum og djúpari hvíld. Eisini verður undir­ víst í konsentratiónsteknikk inum Tratak og meditatións­ teknikkunum, sum eita ”Inn­ ara stilli” og ”Orkukeldur”. Gevur innlit og royndir Swami Janakananda, sum fer at leiða skeiðið, sigur, at undirvísingin er skipað soleiðis, at tú kanst fáa eina greiða uppliving av, hvussu joga virkar. ­ Vit hava tíð til at fara í dýpdina við nógvum av teimum ymsu teknikkunum úr jogatraditiónini, sigur hann. Eisini vísir Swami Jana­ kananda á, at venjingarnar eru tengdar hvør av aðrari og styrkja hvørja aðra, sum longu aftaná eitt vikuskifti geva innlit og royndir, sum fólk eisini kunnu fáa gagn av, um tey ætla sær at halda fram sjálvi aftaná. ­ Skeiðið er í høvuðsheit­ um bygt á ítøkiligar royndir hjá luttakarunum. Men seinnapartin sunnudagin verður eisini ein teoretiskur partur, har til ber at seta fram spurningar um tað, sum vit hava verið ígjøgn­ um, sigur Swami Janakan­ anda, sum verður róptur meistari í hesum saman­ hangi. ­ Skeiðið er bygt soleiðis upp, at vit leggja fyri við kropsligu venjingunum, og síðani fara vit víðari við fín­ ari teknikkum. Vit byggja alla tíðina omaná tað, sum vit júst hava lært. Tí er tað eisini ein fortreyt, at fólk luttaka allar tímarnar. Har­ afturímóti nýtist teimum ikki at vera í góðum formi ella at hava kunnleika til joga frammanundan, sigur hann. Skeiðið verður í skúlanum á Velbastað, og ber til at tekna seg hjá Manijeh á telefon 55 60 94. Sí meira: www.yoga.dk (skúlin í Danmark) www.yogameditation.com (Meira intensivt um skeiðsvirksemið á Háa í Suður Svøríki) Kunning og skeið um joga Kunningarkvøld um joga í Miðlahúsinum Hósdagin 20. september kl. 18.30 til uml. 21.30 Klassisk yoga og tantrisk meditation Eitt kvøld við meistaranum og leiðaranum av Skand­ inavisk Joga og Meditatiónsskúla Swami Janakananda. KIRTAN ­ meditativ sangløta kl. 18.30 – uml. 19.15. Syng teg til orkulødda hvíld, vælveru og gleði gjøgnum meditativan mantrasang. Við Ma Sita Savitri. SATSANG – spyrjitími kl. 19.30 Set spurningar um klassiska joga og tanstriska medita­ tión, og fá eina innføring til vikuskiftisskeiðið, sum verður vikuskiftið 21.­ 23. september. Kvøldið endar við vegleiddari meditatión við Swami Janakananda, sum er ein av heimsins bestu jogalærarum. Øll eru vælkomin og tiltakið er ókeypis! Ma Sita, sum eisini fer at standa fyri jogavenjingum og sangi Swami Janakananda, sum fer at leiða kunningarkvøldið í Miðlahúsið og vikuskiftisskeiðið á Velbastað Manijeh Elsa Modi, sum býr á Velbastað, greiðir frá, at hon fekk áhuga fyri joga longu sum barn, tí mamma hennara, Vilgerð, bæði dugdi og undirvísti í joga. - Umframt arbeiðið sum sjúkrasysir, var mamma yogalærinda. Og eins og Swami Janakananda lærdi hon hjá Swami Satyananda í Bihar, India. Skúlin hjá Swami hevur í dag deildir um allan heim, sigur Manijeh, sum er uppvoksin í India. Manijeh er stutthærda kvinnan á myndini