hósdagur 6. september 2007síða 4

4 Nr. 172 - 6. september 2007 Minni áhugi fyri Clinton Tað gekk striltið at selja seinastu atgongumerkini til vinnuráðstevnuna við við Bill Clinton og Hans Blix 1. oktober. Eftir at sølan hevði verið opin í tveir og ein hálvan tíma, í gjár vóru bert fimm atgongumerki seld. Fyrru ferð atgongumerki til vitjanina vóru í fríari sølu, tók tað bert 20 minuttir at selja tey knapt 120 atgongumerkini til vinnuráðstevnuna. Tey 120 atgongumerkini vórðu seld fyri tilsamans 600.000 kr. Tórshavnar havn hevur sett eina kanning í verk, sum hevur til endamáls at fáa staðfest, hvussu álvarsligt tað er við larmi frá teimum russisku skipinum, sum koma inn á Kollafjørð. Útbyggingin av havnini heldur fram sum ætlað Umhvørvi Kári Mikkelsen karim@sosialurin.fo Talan er um ljóðmátingar, sum Tórshavnar havn hevur biðið Johannes P. Steingrund, sivilverkfrøðing í Saltangará, um at gera. Hetta sigur Leivur Hansen, sum er formaður í havnanevndini hjá Tórshavnar Kommunu. Johannes P. Steingrund er serfrøðingur í akustykki, ella ljóðviðurskiftum, sum hann hevur arbeitt við í nógv ár. Bæði í Danmark, Føroyum og í Týsklandi. Enn er hann ikki liðugur við mátingarnar, og tí er ongin niðurstøða gjørd um, hvussu er statt við larminum frá russaraskinunum, ið brúka Kollafjørð til millum annað at umskipa veiðu til Samskip, sum brúkar Kolla­ fjørð sum avskipingarhavn. Stór ónøgd hevur verið millum íbúgvarnar á Signa­ bø um larmin frá russara­ skipnum, og at Tórshavnar Kommuna hevur gjørt av at bingjuhavn á Signabø. Millum annað hevur komm­ unan fingið handað mót­ mælisskriv frá borgarum í bygdini. Leivur Hansen sigur, at arbeiðið við bingjuhavnini heldur fram sum ætlað. Bingjuhavnin skal vera 150 metrar long, og ein ser­ ligur rampi skal gerast, ið kann gera tað møguligt hjá Norrønnu at sleppa at har, tá veðrið ikki er til tað í Havn. J&K Petersen standa fyri byggingini, ið fer at kosta 53,7 mió. kr. Nógv av til­ farinum til planeringina er komið úr Vágatunlinum. Gera ljóðmátingar á Signabø Áheitan á russarar um at avmarka larmin umborð á skipunum, tá tey liggja á Kollafirði, hevur hjálpt, heldur formaðurin í havnanevndini hjá Tórshavnar býráð, Leivur Hansen. Savnsmynd Seinasta vikuskiftið í hesum mánaðinum skipar Sláið Ring fyri tiltakinum ”Ung í dansi”. Tiltakið verður á Gjáargarði. Øll ung, sum ganga í framhaldsdeild ella hava aldur til tess, hava møguleika at tekna seg. Pláss er fyri 60 luttakarum DANSUr Tíðindaskriv Sláið Ring hevur í ár valt at bjóða ungfólki á eina dansistevnu á Gjáargarði við Gjógv. Ikki nýtist teim­ um ungu at hugsa um pengapungin fyri at vera við. Tiltakið er ókeypis, bæði uppihald og flutn­ ingur. ­ Á Gjáargarði er pláss fyri 70 gistandi, og hava vit gjørt av at býta tað upp soleiðis, at luttakaratalið verður 60 ungdómar og 10 vaksin, ið koma at hjálpa til, sigur dansi­ felagið í tíðindaskrivi. Tiltakið byrjar fríggja­ kvøldið 28. september klokkan 18.00 við nátt­ urða, dansisøgu og undir­ haldi. Seinni verður farið upp á gólv saman við Eysturoyar Dansifelag. Leygardagin verða tvey skeið á skránni. Tað fyrra kallast ”Hvussu kunnu vit læra okkum kvæðini”, og tað seinna ber heitið ” Dansisiðir og leiklutur skiparans”. Tað verða Petur Olivar í Hoyvík og Jónleif Johannesen, sum greiða frá. Eisini fara ungfólkini ein túr í bygdini. Um kvøld­ ið verður skipað fyri undir­ haldi og dansispølum. Klokkan 21.00 verður aftur farið upp á gólv. Hesaferð saman við Dansifelagnum á Látrinum. Sunnumorgunin verður tikið samanum, áðrenn vit fara heim. Ung á dansistevnu við Gjógv Rodmund Nielsen slær nú fast, at hann altíð hevur verið partur av Fólkaflokk­ inum, og alt annað tos stavar meiri frá miðl­ unum enn honum POLiTiKKUr Leo Poulsen leo@sosialurin.fo Ein av heilt stóru og spenn­ andi spurningunum upp undir komandi val hevur verið, um Rodmund Nielsen fer at stilla upp – og í fall fyri hvønn. Fyri tíð síðani gekk tað sum rótasúpan runt Skála­ fjørðin og víðari út um landið, at tað var upp á tal, at fyrrverandi borgarstjórin í Runavíkar Kommunu fór at stilla upp fyri Sambands­ flokkin. Eisini Sosialurin royndi at fregnast um hetta, men einfalda svarið frá Rod­ mundi Nielsen tá var, at hann onga støðu hevði tikið til nakað sum helst. Hvørki um hann fór at stilla upp, ella um so var fyri hvønn. Men nú er annar av hes­ um spurningunum í hvussu er avkláraður sambært høv­ uðspersóninum sjálvum. ­ Eg havi altíð verið ein partur av Fólkaflokkinum, og tað eri eg enn. Alt hitt tosið um, at eg møguliga skuldi stilla upp fyri aðrar flokkar er nakað, sum miðl­ arnir hava róð upp undir, sigur Rodmund Nielsen. Tað er sostatt greitt, at um fyrrverandi borgarstjórin stillar upp, verður tað fyri Fólkaflokkin. Ikki tikið støðu Tá Rodmund Nielsen fór frá sum borgarstjóri var grundgevingin hon, at so nógv var at gera í fyritøkun­ um, sum hann er partur av. Og sum skilst er hetta fram­ vegis orsøkin til, at hann ivast í, um tað er rætt av honum at stilla upp til løg­ tingsvalið. Men tíðin hevur eisini nakað at siga. ­ Tað er í hvussu er greitt, at eitt val í ótíð fyri meg hevði komið illa við, tað hevði verið eitt hálvt ár ov tíðliga, sigur Rodmund Nielsen. Hann vísir eisini á, at eitt kommunuval og eitt løg­ tingsval eru hvør sítt, og at avkvøðurnar als ikki bara kunnu flytast frá einum til annað. So tað kann sigast, at eisini á tí økinum vigar hann og metir um sínar møguleikar. ­ Eg kann í hvussu er siga, at eg ikki enn havi tikið støðu til, um eg fari at stilla upp til komandi løgtingsval. Men eg kann siga, at stilli eg upp, verði eg flokstrúgvur móti Fólkaflokkinum, sigur Rodmund Nielsen. Altíð tengdur at Fólkaflokkinum Rodmund Nielsen hevur ikki gjørt av, um hann stillar upp til komandi løgtingsval. Men ger hann tað, verður tað fyri Fólkaflokkin tíðindi