fríggjadagur 14. september 2007síða 4

4 Nr. 178 - 14. september 2007 Navnið og búmerkið eru broytt, umframt at 5 nýggj hjartamál eru komin á skránna. 14. september lat Tjóðveldisflokkurin seg úr fortíðini og legði fram eyðsýndar broytingar Politikkur Eydna Skaale eydna@sosialurin.fo - Vit vilja á hesum søguliga degi hyggja frameftir og endurnýggja flokkin, heldur enn at fastlæsa okkum í for- tíðina. Føroyskur politikkur hevur alstóran tørv á dag- føring, og Tjóðveldi gongur nú náttúrliga á odda fyri at nútímansgera føroyskan politikk. Men hóast broyt- ingar, so er frælsi og full- veldið framvegis grundar- lagið undir politikki okkara, segði Høgni Hoydal, eftir framløguna í morgun. Nýggja navnið Annita á Fríðriksmørk legði fram um nýggja navnið. Hon segði, at tað sjálvsagt er uppkallað eftir gamla navninum, men hetta er eitt lættari, meiri nútímansgjørt og hóskiligari navn enn tað gamla. - Tjóðveldi fer longur enn bert at vera ein flokkur. Flokkurin setir fólk í bás, men nýggja navnið er ein hugsjón, sum øll, ið ynskja fullveldi og tjóðveldi kunnu fylkjast um. Tað er pláss fyri fleiri fólkum undir Tjóð- veldinum, greiddi Annita frá. Víðari segði hon, at tey tilvitað hava valt at hava navnið óbundið, tí tað er ein symbolikkur í sjálvum sær. - Tá eitt orð ikki er bundið er tað meiri opið. Vit vilja vísa, at øll eru vælkomin í Tjóðveldi, og vit hava hava pláss fyri øllum fólkum. Nýggja búmerkið Tjøldrini, ið so trúliga hava flogið síðu um síðu, eru nú skift út við eitt nýtt búmerki, ið tekur støði í eini vanligari føroyskari bygd, og súm- boliserar vanliga føroyingin. Torbjørn Jacobsen vísti á fundinum eina mynd av Funningi, sum so líðandi varð kókað meiri og meiri saman, inntil bert sterku litirnir sóust eftir. Hareftir var so floksbókstavurin E flættaður inn í. - Nýggja búmerkið vísir, at Tjóðveldi hevur eitt lit- ríkt, fjølbroytt og margfalt innihald, har pláss er fyri øllum, greiddi Tobbi frá. 5 nýggj hjartamál Á fundinum vóru 5 sonevnd hjartamál avdúkað. Hetta eru málini, ið flokkurin ser- liga ætlar at arbeiða fyri. Altjóða Samstarv Hergeir Nielsen greiddi frá um fyrsta hjartamálið. Hann segði, at vit eru noydd at dagføra okkum, so vit betri kunnu taka avbjóð- ingarnar í altjóðagerini. - Skulu vit hava nakram møguleika at standa okkum í alheimsgerini, eru vit noydd at hava góðar útbúgv- ingar allan vegin, heilt frá barnaskúlanum og upp til hægru skúlarnar. Føroyskur ungdómur skal hava møgu- leikan at útbúgva seg í útlondunum ókeypis, eins og vit noyðast at raðfesta at fáa eitt altjóða universitet í Føroyum. Ikki fyrr enn vit hava vitanina her á landi, kunnu vit byrja at tosa um at fáa eitt kappingarført vinnulív, sló Hergeir Niel- sen fast. Hann helt áfram og segði, at vit noyðast at fáa sam- starv í lag við aðrar tjóðir og felagsskapir. Og skulu vit tað, eru vit noydd at kappa bondini við verandi felagsskap, sum forðar okk- um vegin til onnur sam- starv. Samleiki - Tað er einki sum eitur stórar ella smáar tjóðir. Tað eru bert tjóðir. Og tað er samleikin í tjóðini, sum ger, um fólk vilja búgva har ella ikki. Eingin býr í Føroyum av praktiskum áðum, og tí kunnu vit staðfesta, at vit hava ein sterkan samleika, sum vit verða noydd at taka í álvara og røkja, segði Tobbi í síni framløgu um næsta hjartamálið. Undir okkara samleika koma mál sum tón- og sjón- leikur, myndlist, søvn, sjálvbodnir felagsskapir og ítrótt. Serligur dentur var lagdur á skúlaverkið. Full ábyrgd Full ábyrgd er eitt ofta nýtt orð, men tað er eitt hugtak, sum vit alt ov sjáldan síggja framt í verki. Vit noyðast at standa til svars og taka av- leiðingarnar fyri okkara gerðir. Vit síggja ofta stórar gølur, men hvar eru avleið- ingarnar, spurdi Høgni Hoydal í samband við triðja hjartamálið. Finnur Helmsdal vísti á, at vit hava ábyrgd av at tryggja teimum veikastu í samfelagnum betri kor. - Sum samfelagið menn- ist, er neyðugt, at vit fáa lóggávuna at fylgja við. Vit hava eina forsorgarlóg sum fyllir 50 ár fyrsta dagin, og sum hevur stóran tørv á ábótum. Vit mugu kunnu klára at taka ábyrgdina av okkara ungu brekaðu og sálarsjúku, ístain fyri bert at senda tey av landinum, legði Finnur dent á. Ríkt umhvørvi Heidi Petersen hevði stutta framløgu um umhvørvis- politikkin hjá Tjóðveldinum. Hon segði, at umhvørvis- politikkurin leingi hevur verið forsømdur í Føroyum, og at altjóða avtalur sum Agenda 21 og Kyoto fram- vegis ikki eru galdandi í Føroyum. - Vit noyðast at kortleggja og varðveita nátturuna, og at nýta vind- sól og aldu- orku. Men umhvørvi røkkur eisini longri, t.d. skal arvbeiðsumhvørvið bøtast, soleiðis, at til ber at liva eitt gott arbeiðs- og familjulív. Skúlaumhvørvið skal eisini bøtast við betri innbúgvi og hølum, umframt heilsugóð- um kosti, greiddi Heidi frá. Hon vísti eisini á góðu møguleikar okkara at granska í umhvørvinum. Veruligt frælsi Høgni Hoydal legði sjálvur fram seinasta hjartamálið, sum er veruligt frælsi. Hann greiddi frá, at tað ikki nyttar nakað, at vilja hava frælsi úteftir, um frælsi ikki er inneftir. Her sipaði hann serliga til, at tað skal vera persónligt frælsi til at liva eftir egnum sannføringum og við egnari trúgv. - Kvinnufrælsi er eisini sett á dagskránna, m.a. mugu vit kanna hvussu stendur til við lønarlagi, starvsstatusum og leiðara- postum í samfelagnum. Tjóðveldið fer at gera sín part, við at hava helvt um helvt av kvinnum á listu- num, og at kynsbýta álitis- postarnar í flokkinm, slóð Høgni Hoydal at enda fast. tíðindi SAMBAND eirikur liNDeNSkov eirikur@SoSiAluriN.fo tlf 341800 Nýggja Tjóðveldi Nýggj heimasíða Ein av mest kollveltandi avdúkingunum hjá Tjóðveldi- num í morgun var tó nýggja heimasíðan, sum eitur www.tjodveldi.fo. Á hesi síðuni ber til hjá veljaranum at koma í samband við sítt umboð umvegis mail, blogg ella sonevndar “youtube”-kykmyndir. -Vit vilja hava samband við veljaran. Tað gongur ikki í 2007 bert at seta ein kross 4. hvørt ár, og so ikki hava nakra ávirkan á politisku avgerðirnar næstu fýra árini. Tí hava vit valt at gera hesa heimasíðuna, her lætt er at kjakast, koma við persónligum hjartamálum og geva okkum politikarum viðmerkingar, segði Høgni Hoydal, formaður í Tjóðveldinum. Hann heldur, at hetta samstundis er ein upplagdur møguleiki at náa ungdóminum, sum við hesum møgu- leikunum framyvir ikki bert verða áskoðarar, men kann gerast aktivur í flokskjakinum og harvið fáa onnur mál á dagskránna. Heidi Petersen Hvørja ávirkan fer broyt­ ingin at hava á veljaran? - Eg vóni, at vit við hesi broytingini hava latið flokkin meira upp fyri fólkinum. Boðskapurin er jú, at Tjóðveldi er fyri øll, sum ynskja eina frælsa tjóð. Tí vóni og vænti eg eisini, at undirtøkan fer at verða góð. Og við heima- síðuni lata vit jú eisini enn meiri upp fyri almenningi- num. Hvønn týdning fer heimasíðan at hava? - Hon fer heilt víst at hava stóran týdning. Tað verður jú nógv lættari at koma í samband við veljaran á henda hátt. Tað er kanska ikki so lætt hjá øllum at ringja ella koma á vitjan, fyri at siga okkum sína hugsan. Tá er tað er jú nógv lættari at skriva nakrar reglur á bloggin. Hetta fer at lætta munandi um samskiftið, og eg gleði meg at fara í gongd. Hergeir Nielsen Er ikki vandi fyri, at tit sum flokkur missa ein part av samleikanum, nú tit hava gjørt so umfatandi broyting­ ar? - Tað var mín fyrsta hugsan, ja. Men nú, tá man hevur vant seg við navnið og búmerkið, haldi eg skiftið vera gott. Tað er meiri rúmd í hesum navninum. Tjóðveldis- flokkurin er bara tað, sum stillar upp til val. Tjóðveldi fevnir nógv longri og hevur eina meiri savnandi ávirk- an. Nú skulu tit eisini svara spurningum á heimasiðuni. Fer hetta ikki at vera steinum oman á arbeiðsbyrðuna? - Heimasíðan verður eitt sera spennandi arbeiði. Eg havi havt heimasíðu í fleiri ár, so fyri mær er hetta ikki so nýtt. Tað er gott at fáa reaktiónir og at kunna svara aftur. Tey, ið eru upptikin av politikki sleppa at geva sína meining og at set aspurningar. Hetta fer heilt víst at hjálpa okkum politikarum at stinga fingurin í jørðina av og á, og hugsa um hvat tað er, vit gera. Fólk kunnu eisini koma við hugskotum, sum vit so kunnu hugsa víðari um. Hetta fer at hjálpa okkum at taka støðu alla tíðina. Á tíðindafundi í morgun vórðu navn, hjartamál, búmerki og heimasíða hjá nýggja Tjóðveldinum avdúkað Mynd: Jens Kristian Vang