fríggjadagur 14. september 2007síða 27

Nr. 178 - 14. september 2007 27 tíðindi Marita Christophersen sínir í hesum døgum myndir fram í Smiðjuni í Lítluvík List Dagfinn OLsen dagfinn@sosialurin.fo Marita Christophersen hev­ ur 25 myndir á sýningini. Talan er um akrylmálningar og myndir við pastellkriti á velourpappír. Marita er sjálvlærd, men hevur tó verið á skeiðum í Danmark á kunsháskúlanum í Holbæk og hevur eisini gingið í kvøldskúla. Hon hevur listina sum ítriv og myndirnar á sýning­ in eru myndir, ið hava sæð dagsins ljós so við og við. Opið er í Smiðjuni í Lítlu­ vík í dag og fram til týsdagin, allar dagar frá klokkan 15 til 20. Jonhild Bech og Solveig Størkersen hava verið pennavinir síðani 1957. Ongantíð hava tær hitst og ongantíð so mikið sum tosað í telefon saman, men hesa vikuna hevur Solveig vitjað Jonhild, og tær hava histst og hugnað sær saman á fyrsta sinni tey 50 árini, tær hava verið pennavinir Pennavinir Dagfinn Olsen dagfinn@sosialurin.fo Jonhild Bech úr Porkeri og Jonhild Størkersen úr Noreg hava verið pennavinir síðani 1957. Í hesi 50 árini hava tær bert skrivað saman og sent myndir. Ongantíð hava tær hitst, tosað í telefon, og teldubrøv eru framvegis ikki ein møguleiki. Men hesa vikuna hittust tær báðar á fyrsta sinni, tí Solveig kom úr Noreg til Porkeris at vitja. Og onki løgið var í hesum, tí tær báð­ ar kennast sum bestu vinkon­ ur, tí við brøvum og mynd­ um hava tær og familjur teirra fylgt við í øllum, sum er hent hvør hjá aðrari. Tað var Norsk Ugeblad, sum sendi Solveig til Før­ oya saman við einum blað­ manni, tí blaðið metti søg­ una vera so hugvekjandi. Barnablað ­ Tað var Danbjørg lærarin, sum setti børn úr Porkeri í lýsing í norskum barnablað. Greitt varð frá, at 4. flokkur vildi fegin hava samband við børn í Noreg, sigur Jon­ hild. Jonhild gekk sjálv tá í real, so tað var Selma Weihe, ið fekk nógv brøv úr Noreg, og Jonhild fekk eini tvey frá henni. ­ Eg skrivaði til Solveig og eina aðra, men sambandið við hesa slitnaði seinni, sigur Jonhild. ­ Fyrsta brævið frá Jon­ hild er frá 27. maj í 1957, sigur Solveig, sum enn eig­ ur brævið. Tær báðar hava hildið sambandið øll 50 árini, men hava ongantíð tosað saman, bert skrivað. ­ Eg ætlaði at koma til Føroya at vitja í 1959, men tað varð av ongum, sigur Solveig. ­ Vit hava ofta skrivað í brøvunum, at vit mugu síggjast skjótt, siga Jonhild og Solveig, sum bóru gentu­ eftirnøvnini Borg og Horne­ land. Solveig er úr Stord, men býr nú í Lofoten. Trúfastar ­ Sigast kann, at vit eru trúfastar bæði í vinskapi og arbeiði. Vit hava t.d. báðar verið á sama arbeiðsplássi longi. Solveig síðani 1970 og Jonhild síðani 1977. Báðar hava felagsáhuga­ mál í hondarbeiði, kirkju­ ligum arbeiði og í bókum. Báðar kenna tað, sum tær kennast rættiliga væl, tí tær hava sent hvør øðrum brøv og myndir og gávur, og familjurnar hava eisini livað við í samskiftinum. Nork Ugeblad skipaði fyri, at tær báðar nú hittist at halda 50 ára hald fyri vinskapinum. Solveig fór avstað aftur til Noregs í dag. ­ Vit hava bert skrivað við hond. Onki við teldu­ brøvum og slíkum. Vit eru rættir pennavinir, siga Jon­ hild og Solveig, sum báðar eru 65 ára gamalar, og vóna at halda fram við samskift­ inum í mong ár, og at hittast aftur. Pennavinir síðani 1957 hittust fyri fyrstu ferð Mynd: Jens Kr. Vang Jonhild Bech úr Porkeri og Jonhild Størkersen úr Noreg hava verið pennavinir síðani 1957. Í hesi 50 árini hava tær bert skrivað saman og sent myndir. Ongantíð hava tær hitst, tosað í telefon, og teldubrøv eru framvegis ikki ein møguleiki Mynd: D. Olsen Marita Christophersen í Smiðjuni