týsdagur 18. september 2007síða 2

2 Nr. 180 - 18. september 2007 SAMBAND jákup Mørk jAkup@SoSiAluriN.fo tlf. 341800 tíðindi Seinnapartin í gjár var sjáldsamt omanlop. Sjáldsamt, tí hetta hendi niðri í sjálvari Havnini á Bryggjabakka í Vágsbotni. Tíbetur var onki fólk á staðnum, tá tað hendi, men tveir bilar fingu skaða OmanlOp Kári Mikkelsen karim@sosialurin.fo Í føroysku náttúruni eru omanlop alt annað enn ókend fyribrigdi. Heldur ikki oman yvir bygdir, men um hetta nakrantíð er komið fyri inni í bygdum øki - tíansheldur mitt í Havnini - man vera ivasamt. Seinnapartin í gjár leyp grót úr sjálvum Bryggju- bakka í Vágsbotni oman yvir eitt parkeringspláss, har nakrir bilar stóðu park- eraðir. Tíbetur hendi ongin mannskaði, men grótið gjørdi skaða á tveir bilar. Serliga tann eini bilurin fekk fitt av skaða. Talan var um ein jeep-líknandi bil hjá felagnum aftanfyri Stjóru- tjørn, sum er stjórabilur hjá Bárði Nielsen, ið sum kunnugt er fyrrverandi landsstýrismaður í fíggjar- málum. Skaðin á bilin hjá Bárði Nielsen var tó ikki størri enn so, enn at hann kundi koyrast beinleiðis á verkstað til umvælingar. Av tí at lopið er undan garðinum í Rektaragøtu, hevur kommunan fyribils sett betongsperrur upp, so ferðslan eftir gøtuni ikki elvir til, at tað lýpur meiri grót undan. Harafturat eru betongsperrur settar út á parkeringsplássinum, so ongin fær parkerað á økinum og harvið koma í vanda, um tað skuldi lopið meiri grót undan. Boði Haraldson, býar- verkfrøðingur, sigur, at ætl- anin er gera eina verju uppundir verandi gar, sum er einar 30 metrar langur. - Garðurin er gamal, og tí vita vit ikki, hvussu væl hann er armeraður, og hvat hann sostatt kann halda til, sigur býarverkfrøðingurin. Økið er privat ogn, og tí skal eisini finnast útav, hvør skal gjalda fyri ábøturnar. - Í fyrstu atløgu er tað týdningarmiklasta, at vit tryggja økið. Spurningin um hvør kemur at gjalda, mugu vit so venda aftur til, sigur Boði Haraldson. Omanlop í Vágsbotni Bilurin hjá Bárði Nielsen, stjóra í Stórutjørn, sá knapt so gott út, aftan á at grót var lopið omanyvir hann í Vágsbotni Mynd: Jens Kristian Vang Fitt av gróti leyp undan Rektaragøtu á Bryggjubakka oman yvir parkeraðar bilar í Vágbotni Mynd: Jens Kristian Vang