mánadagur 22. oktober 2007síða 4

4 tíðindi Nr. 204 - 22. oktober 2007 Blómuhandil í Ribarhúsi Leygardagin læt Blómuhandilin Summardáin upp framsýning í Ribarhúsi í Fuglafirði. Á framsyningini verður ymiskt innan blómubind­ ing, hugna til heimið, Keramik og annað at síggja. Framsýningin í Ribarhúsi er opin fram til 4. november mánadag til fríggjadag frá klokkan 15­17.30 og leygardag 11­14.. Gentuleikluturin í myndbókum Í kvøld klokkan 20 fer Marna Jakobsen at halda fyrilestur við heitinum “Tá býflugan kom til Føroya”. Fyrilesturin snýr seg um gentuleiklutin í føroyskari myndbókaskriving og tekur støði í myndbókini Trøllalív eftir Elin Bjørg Høj­ gaard. Bókin kom út fyri 30 árum síðan, og áhugavert er m.a. at vita, um kyns­ leiklutirnir eru stereotypir, og um vit við at kaga í myndbøkur fyri børn kunnu lesa okkurt samfelagsligt burtur úr teimum. Hvussu er vorðið við myndbókum, ið eru útkomnar hesi 30 árini? Eru leiklutirnir broyttir? Eru teir ikki – og hví man tað vera, um so er? Kvinnufelagið skipar fyri tiltakinum, sum verður í Mettustovu í Havn. Øll (ikki bara allar!) eru vælkomin, og høvi er eisini at tekna seg sum lim í felagnum. Í Vestmanna verður ein áhugaverdur fyrilestur um happing og trivnað hjá børnum Í samband við at ársfrágreið­ ingin hjá Vestmanna Skúla­ stýri skal leggjast fram fyri foreldrum og lærarum í Vestmanna Skúla, verður skipað fyri almennum, áhugaverdum fyrilestri í Aulunu í Vestmanna Skúla 23. oktober klokkan 19, har Anna Dalsgaard trivnaðar­ ráðgevið greiðir frá. Anna Dalsgaard er júst komin aftur til Føroya eftir eitt ár í Danmark, har hon hevur skúlað seg innan arbeiðið við trivnaði og sosialari førleikamenning í skúlum og dagstovnum. Anna bjóðar seg fram til skúlar og dagstovnar at gera ítøkiligar mannagongdir í sambandi við trivnaðar­ og antihappingararbeiði, ráð­ geving og vegleiðing í trivn­ aðararbeiði við børnum og ungum í barnagarði og skúla, aktivt arbeiði við sosialum trivnaði í skúla­ flokkum, við sosialari før­ leikamenning í barnagørð­ um og skúlum, í happingar­ fyribyrging. Vegleiðing og ráðgeving í at steðga happ­ ing, og aktivt arbeiði í skúla­ flokkum, har happing er. Eisini heldur hon fyrilestur í evnum innan trivnaðarøkið fyri lærarum, pedagogum, foreldrum og øðrum áhug­ aðum. Evnið ið nomið verða við eru millum onnur: Hvønn leiklut vit sum foreldur hava, tá ið tað snýr seg um trivnaðin hjá okkara børnum í skúl­ anum. Hvussu lesi eg av um barn mítt er happað ella um tað happar? Hvat kann eg gera? Hvat kunnu vit sum foreldrabólkur gera? Anna Dalsgaard er út­ búgvin lærari av N. Zahles seminarium í Danmark, hon hevur pedagogiska dip­ lomútbúgving í sálarfrøði av Danmark pedagogiska universiteti, hjágrein í ítrótti (exam. scient) av Odense universiteti, skeið í konflikt­ mekling, sosialari førleika­ menning, anti­happing og trivnaði, drúgvar royndir sum lærari í serskúlum og fólkaskúlum í Keypmanna­ havn og Føroyum, umframt eitt ár námsuppihald í Dan­ mark, Svøríki og Noregi í skúlum og dagstovnum, sum raðfesta trivnað høgt. Fyrilestur um trivnaðin í skúlanum Anna Dalsgaard er trivnaðarráðgevi, og hon fer at tosa um trivnaðin í skúlanum og um, hvønn leiklut foreldur hava, tá tað snýr seg um trivnaðin hjá børnunum Herfyri fekk sang­ og tóna­ smiðurin, Martin Joensen, handað M. A. Jacobsen virð­ isløn fyri fagrar bókmenti. Sunnukvøldið heiðraði Vestmanna kommuna Mart­ ini Joensen á Fjørukrónni, har ein rúgva av fólki var komið saman at feira bygda­ mannin, sum sjálvt um hann býr í Havn, onkurs­ vegna altíð hevur heimbygd­ ina við í skaldskapi sínum. Formaðurin í mentanar­ nevndini, Pauli P. Petersen, bjóðaði vælkomini, borgar­ stjórin, Karl Olsen, helt røðu og teir báðir handaðu skaldinum ein málning av Gunnari Streymoy, ið mynd­ aði kenda lagið »Svarti ravn­ ur«, sum Martin Joensen hevur gjørt orð og lag til. Her eru nakrar myndir frá móttøkuni í gjárkvøldið klokkann 19, har Martin Næss, landsbókavørður og vinmaður Martins, eisini segði nøkur orð. Martin heiðraður í heimbygdini Martin Joensen í miðjuni, saman við Eyðun Hansen og Paula Magnussen Martin Joensen fær handað gávu frá Vestmanna kommunu, sum er ein málningur eftir Gunnar Streymoy, ið avmyndar Svarta ravn Nogvir vestmenningar vóru komnir á Fjørukrónna at heiðra Martin Joensen Myndir: Hilbert Elisson