mánadagur 10. desember 2007síða 4

4 tíðindi Nr. 239 - 10. desember 2007 SkipaSmíð Snorri Brend snorri@sosialurin.fo Vestmanna: – Skaðin er ikki so stórur, og tí fer hetta bert at taka nakrar fáar dag­ ar, sigur Olav Olsen, leiðari á skipasmiðjuni. Í Skipalistanum er Ólavur skrásettur sum útróðrarbát­ ur, men hann hevur somu­ leiðis verið títtur gestur við ferðandi á Slættanesi. Tað var undir einum av hesum mongu túrunum í hesi avtoftaðu bygdini, at hann fekk skaða í síðuna, tá hann legði at landi við at­ løgubryggjuna á Slætta­ nesi. Neyðugt verður at skifta ein hálvantriðja metrar lang­ an planka út. Hetta eru teir á skipasmiðjuni so vanir við. Sum skilst hava teir eina tummilfingrareglu sum sig­ ur, at tað vanliga tekur tveimum monnum ein dag at taka ein planka út og ein dag at seta tann nýggja í aftur. – Eftir ætlanini byrja vit arbeiðið í dag, sigur Olav. Ólavur er bygdur í 1939 í Vestmanna úr eik og furu. Tann minsta Vestmanna Skipasmiðja er tann minsta skipasmiðjan í tí stóra Skipasmiðjusamtaki­ num, sum fevnir um Tórs­ havnar Skipasmiðju, Skála Skipasmiðju, Vestmanna Skipasmiðju og FJM Runa­ vík. Her í Vestmanna hevur ein lagt serligan dent á at gera umvælingar á skip og bátar, umframt alt vanligt smiðju­ og sveisiarbeiði. Ein eykalutagoymsla er eisini í Vestmanna, og sam­ band er við høvuðsgoymsl­ una í Havn nærum hvønn dag, soleiðis at goymslulutir kunnu útvegast haðani eftir lítlari løtu. Afturat vanliga virksemi­ num selur skipasmiðjan eis­ ini máling til bæði hús og bátar. Deildin hjá Litaval í Vestmanna er somuleiðis á skipasmiðjuni. – Vit átaka okkum mest smærri arbeiðir, sigur Olav Olsen. Umframt Ólavur standa tveir aðrir bátar eisini á skipasmiðjuni í Vestmanna. Her er mest talan um trygg­ ingarskaðar. Hesi arbeiðini eru komin so mikið langt, at allir trígg­ ir bátarnir kunnu fara á sjógv aftur rættiliga skjótt. Ein planki má skiftast Alfred Olsen, eigari av “Ólavur” skoðar skaðan í bakborð Mynd: Jens Kristian Vang Skipasmiðjan í Vestmanna er ikki stór, men at taka bátar upp í eini stødd sum teirri hjá Ólavuri er eingin trupulleiki Mynd: Jens Kristian Vang Í ókyrru ein heystardag á Slættanesi fekk “Ólavur” úr Vestmanna ein lítlan skaða í bakborðssíðu. Nú verður skaðin umvældur á Vestmanna Skipasmiðju Sangløtur í Suðuroya Nú jólini nærkast eru fleiri áhugaverd tiltøk í oynni. Millum tey, sum hugna um nú tað stundar til jóla, er Suðuroyarkórið. Hesa vikuna fer Suðuroyarkórið at hava sangløtur ymsastaðni í oynni. Byrjað verður týskvøldið kl. 20 í Salem á Tvøroyri og síðani verður hildið fram í Vitninum í Hvalba mikukvøldið 20. Á skránni verða jólasangir og vanligir andaligir sangir. Suðuroyarkórið hevur verið virkið í 5 ár og telur umleið 30 fólk úr allari oynni. Kórleiðari er John í Skemmuni. Grønlendsk sending á Lindini Sunnukvøldið var á fyrsta sinni send sendingin ”Lindin – eisini fyri grønlendingar”. Hetta er ein sending á grønlendskum, fyri grønlendingar og um Grønland, við grønlendskum sálmum og sangum. Vertir í sendingini eru Cecilia Poulsen og Mari í Løðuni. Tær hava í eina tíð hugsað um henda møguleikan, og tá tær so settu seg í samband við leiðsluna í Lindini, var leyst og liðugt beinanvegin. Umframt hesar sendingarnar hevur Lindin eisini havt sendingar á enskum máli. Nú kom so grønlendskt eisini uppí. Sendingin fór av bakkastokki kl. 19:30 sunnukvøldið og verður endursend fríggjadagin aftaná kl. 17. Ætlanin er at hava sendingina 14. hvønn dag, men fram móti jólum verður hon send hvørja viku.