hósdagur 13. desember 2007síða 13

13 Løgtingsvalið 19. januar 2008 viðmerkingar Nr. 242 - 13. desember 2007 Karikaturtekningin av Kitty May Ellefsen spreingir øll etisk og moralsk mørk fyri, hvussu langt ein fjølmiðil kann loyva sær at fara í síni "skemtiligu" niðurgerðing av einum persóni. Ljóti boðskapurin í tekn­ ingi kann fyri kvinnurnar í hesum landi samanberast við karikaturtekningarnar av profetinum Muhammed í Jyllandsposten, sum leyp øði á muslimska heimin. Hvat billa Sosialurin og Óli P. sær inn at niðurgera eitt kvinnuligt valevni, eina konu og mammu á slíkan hátt? Við hesi karikatur­ tekning eru Sosialurin og Óli P. dumpaðir. Tekningin er hvørki stuttlig ella skemtilig. Heldur myndar tekningin ta fáfongd, sum valdar millum mannfólk, tá sterkar, vælútbúnar kvinn­ ur tora at trína inn á ein í aðramáta so mannsdomi­ neraðan leikvøll uttan at smæðast burtur. Hví skal Kitty May ikki hava loyvi at skifta meining? Dømi eru um onnur, mannfólk sum konufólk, sum snikka­ leys eru lopin úr einum flokki til tann næsta – eisini á Løgtingi ­ uttan at hesi eru úthongd á slíkan niðurgerandi og ærumeið­ andi hátt við kynsligum undirtónum. Eg gevi Sosialinum og Óla P. reytt kort fyri hesa tekning. Um rætt skal vera rætt, so eigur tekningin at verða dømd deyð at vera og strikað í allar ævir. Vón­ andi tekur fjølmiðlanevnd­ in av sínum eintingum tekningina til viðgerðar, tí mark er fyri, hvussu langt ein fjølmiðil kann loyva sær at fara við sínum út­ spillingum. Eisini tá talan er um karikaturtekningar. Anni á Hædd Tað var ógviliga hugstoytt, tá Sambandið fyri eini viku síðani stakk samgonguna í ryggin og fór í part við Tjóðveldinum. Tí sam­ stundis blakaðu teir eina røð av stórum góðum sam­ gongumálum fyri borð, so tey ikki kundu verða enda­ liga samtykt og koma í gildi. Hetta var ein ábyrgdar­ leys avgerð hjá Sambandi­ num, tá man hugsar um teir stóru negativu avleið­ ingarnar fyri vælferðina í Føroyum. Tí avgerðin beindi fyri nógvum góðum málum, sum lógu bæði í Vinnunevndini, Mentanar­ nevndini, Trivnaðarnevnd­ ini og Fíggjarnevndini – harí øll fíggjarlógin – eitt tað besta fíggjarlógar­ uppskotið nakrantíð fyri alt vælferðarøkið. Tað tók edmundsvong­ inum ein heilan dag at kroysta flokkin til hesa avgerðina, og grundgeving­ arnar eru eisini ússaligar. Onnur var uppskotið hjá John um nýggjan studenta­ skúla – men tað hevði hann tikið aftur 5 tímar áðrenn avgerðina hjá Sambandi­ num. Hin var uppskotið hjá Anfinn um tunnil Norður um fjall, har ein av fremstu sambandsmonnunum eisini var uppskotsstillari. Men tað hevði Sambandið livað við í 14 dagar ­ haruppií ein samgongufund – uttan at øna eitt orð! Helst tí teir høvdu fingið at vita frá samgonguumboðunum í Vinnunevndini, at hetta var eitt paraduuppskot, sum ikki varð tikið undir við. So tá Sambandið vísir til politiska ábyrgd, so pynta teir seg við læntum fjað­ rum. Hetta við “ábyrgd” var uppfunnið til dagin ­ berur taktikkur fyri at stinga hinum samgongu­ flokkunum politisk skør. Sambandið forroknaði seg... Sambandið gremur seg nú aftaná um at løgmaður ikki nýttist at útskriva val beinanvegin, fyri tað um teir høvdu slitið samgongu­ samstarvið. Eg veit at Sambandið fullkomiliga varð tikið á bóli tórskvøld­ ið – teir høvdu als ikki roknað við at løgmaður tók avleiðingarnar av teirra undanstøkking og útskriv­ aðí valið beinanvegin ­ tí teir høvdu roknað við at sloppið at fingið 1­2 dagar aftrat at pilka nøkur av málunum, sum lógu í nevndunum, burturúr og fáa tey samtykt, áðrenn endaligu freistina leygardagin t. 8. des. Ein ábyrgdarleysur taktikkur Henda dulda ætlanin hjá Sambandinum avdúkar manglandi ábyrgd og virð­ ing fyri tingviðgerðini av málunum. Nevndirnar vóru als ikki lidnar við viðgerð­ ina av málunum. Men eftir ætlanini hjá Sambandinum skuldi samgongumeirilutin so bara steðga allari við­ gerð í nevndunum, skriva álit í óðum verkum og skrumbla málini ígjøgnum 2. og 3. viðgerð í løgting­ inum við at bróta allar tíðarfreistir – alt uppá hálvanannan dag! Ógjørligt! Og tað hevði verið brot á allar fólka­ ræðisligar mannagongdir. Tí var rætt, at løgmaður tók avleiðingarnar av, at Sambandið leyp frá, og útskrivaði valið. Øll hesi góðu málini? Tey koma øll aftur fyri tingið í februar, tá nýggja løgtingið kemur saman­ aftur. Tað syrgir Javnað­ arflokkurin fyri. Sambandið valdi taktikkin fram um ábyrgdina, leyp í føvningin á Tjóðveldinum - og blakaði tey góðu málini fyri borð Javnaðarflokkurin HAns PAuli strøm Val Flestu smádreingir vilja heldur hava harðar jóla­ pakkar enn bleytar. Í hørðu pakkunum er oftani leikutoy ella óneyðugt tingel­tangl. Oftast eru tað kvinn­ urnar: ommurnar og mammurnar sum syrgja fyri at tær nyttugu gávurnar – tær bleytu ­ , liggja undir trænum. Tá fyrsti gleðisrúsurin er av, og køldu vetrardagarnir í januar koma, er gott við pløggunum sum vóru í “bleytu pakkunum”. Soleiðis er eisini í sam­ felagnum Føroyar: vit ynskja okkum alt møguligt “leikutoy”, men fyri at framhaldandi menning, og luttøka í Europeiska sam­ starvinum skal tryggjast komandi ættarliðum, er neyðugt at vit nú raðfesta teir “neyðugu” bleytu pakkarnar, so sum vitan, útbúgving, gransking og vælferðar/ heilsuskipan. Eisini mugu vit stað­ festa, at kvinnurnar oftani eru tær ið best duga skyna ímillum , hvat er “leikut­ oy”, og hvat er alneyðugt ( og so eru vit nakrir menn sum eisini hava skilt tað, tíbetur) Eg sat á áhoyrarapláss­ unum í tinghúsinum hóskvøldið, og kendi tað á ein hátt sum ein lætta tá løgmaður at enda “hálaði stikkarin úr” og sløkti samgonguna– annars hevði alt tað politiska“jólatræði” futtað av. Ábyrgdarloysi er kortini stórt, soleiðis at blakað samfelagið út í valstríðið, uttan at hava loyst tað grundleggjandi politisku uppgávuna: at syrgja fyri at ein samtykt fíggjarlóg fyriliggur Mítt ynski er at vit eftir valið komandi fáa eina tingmanning sum skilir og megnar politisku uppgáv­ una, nevniliga neyv og røtt raðfesting, og ikki brúkar alt til “harðar pakkar”. Um harðar og bleytar jólapakkar – og um politiska ábyrgd Valevni hjá fólkaflokkinum tummAs í GArði Val Lag: Nissumamma og nissupápi........ Nissukonur og nissumenn, sita inni á Tingi, nissugávur, nissuløn hava tær nú fingið. Klóka nissa ­ pena nissa, smarta nissa ­ eydnu nissa, eyguni tey glampa, allar nissur trampa. Reyða mappu, pengapung, allar nissur hava, goyma sína eftirløn, og meira til sín skava. Reyvalummin tjúkkur er, hetta er jú besta verð, sum tær allar nýta, eingin vil tær slíta. Allar nissur eru nú, mettar og so glaðar, ræstan fisk og garnatálg ei til nissumagar. Sushi, búff og dunnusteik, rísingreyt og sleikisneis, og ein stóran pakka, fólkinum nú takka. Pakkar eru ymiskir, harðir og so bleytir, harðir eru allarbest, men allir gera skreytir. Bleytir krevja vit og skil, oftast vil tað illa til, tí nissur ikki skilja, hvat ið tær tá vilja. Valdømir og bilahol stóð á ynskilista, nissur vildi hava sítt, á Tingi sum tað fyrsta. Grát og grenj um hvat og nær, pengarnir hjá tær og mær, eingin spurdi eftir, fíggjarlóg í pettir. Nú tað aftur verða skal, nissuval í Føroyum, allar nissur gleða seg, og hjálpa øðrum hvørjum allar nissur lova nógv, summar lova stemmutjógv, aðrar bilatunnlar, onkur oljubrunnar. Nissukonur og nissumenn, elska Nissutingi, nissugávur, nissuløn, sum tær hava fingið . Klóka nissa ­ pena nissa, smarta nissa ­ eydnu nissa, eyguni tey glampa, fólkið niður trampa. Gleðilig jól & gott nýggjár. Mourits NissuTing 38 Reytt kort til Sosialin og Óla P