fríggjadagur 18. januar 2008síða 29

Nr. 13 - 18. januar 2008 29 Tórshavnar kommuna Skrivstovufólk Tórshavnar kommuna søkir eftir dugnaligum og ágrýtnum starvsfólki til stjórnarskrivstovuna. Starvið Stjórnarskrivstovan, ið húsast í Ráðhúsinum á Vaglinum, er eitt toymi við 4 skrivstovufólkum, ið taka sær av uppgávum sum borgarstjóri og aðrir stjórar varða av, t.d. fundarskráum, fundarfrásagnum, tænastuferðum til starvsfólk, móttøkum og øðrum ad. hoc. uppgávum. Sum partur av toyminum er neyðugt, at tú ert ábyrgdarfull/ur, smidligur og dugir væl at samstarva. Høvuðsábyrgdarøkið hjá tær verður at avgreiða viðskiftafólk, ið venda sær til stjórnarskrivstovuna, persónliga ella gjøgnum telefon, fundarfrásagnir, tænastuferðir til starvsfólkini, samstarv við vinarbýir o.a. Av tí at stjórnarskrivstovan hevur samskifti við útlandið, er neyðugt, at tú dugir væl at samskifta á norðurlendskum og enskum. Førleikakrøv Neyðugt er at hava skrivstovuútbúgving ella líknandi útbúgving. Setanarviðurskifti Starvið verður lønt sambært sáttmálanum millum Starvsmanna- felagið og Kommunala Arbeiðsgevarafelag Føroya í 3. lønarflokki, treytað av at tú hevur nøktandi útbúgving og royndir. Meiri fæst at vita um starvið við at venda sær til Jens Marius Poulsen, kommunustjóra, ella Bjørgfríð Ludvig, miðfyrisitingarstjóra, telefon 30 20 10. Umsókn saman við avritum av viðmælum, útbúgvingarprógvi og upplýsingar um royndir skal vera Tórshavnar kommunu, postsmoga 32, 110 Tórshavn, í hendi í seinasta lagi mánadagin 4. februar 2007. Merkið brævbjálvan »Skrivstovufólk til Stjórnarskrivstovuna«.