mánadagur 18. februar 2008síða 11

11 tíðindi Nr. 34 - 18. februar 2008 Avlopið hjá Føroya Banka í 2007 var 180 mió. kr. Eftir skatt var úrslitið 144 mió. kr. Av avlopinum rindar Føroya Banki 45 mió. kr. í vinningsbýti til partaeigararnar. Í 2006 var avlopið 193 mió. kr. áðrenn skatt ROKNSKAPUR Leo Poulsen leo@sosialurin.fo Netto rentu- og tænastuinn- tøkurnar øktust úr 275 milli- ónum krónum í 2006 upp í 339 milliónum krónum í 2007 svarandi til ein vøkstur upp á 23 prosent. Kursvinn- ingurin hjá bankanum trí- faldaðist úr 7 milliónum krónum í 2006 upp í 23 milliónum krónum í 2007. Útlánini í Føroya Banka við árslok í 2007 vóru 7,5 milliardir krónum. Økingin samanborið við 2006 var 2,1 milliard ella 39 prosent. Innlánini í 2007 vóru 5,5 milliardir samanborið við 4,6 milliardir krónur í 2006. Økingin var 17 prosent. Starvsfólka- og umsiting- arútreiðslurnar øktust úr 154 upp í 206 milliónir krónur. Ein stór øking stóðst av dótt- urbankanum undir stovnan í Danmark. Aðrar økingar stóðust av, at fleiri fólk vórðu sett í starv, at lønirnar hækkaðu, og at bankin hevði munandi útreiðslur av børs- skrásetingini og samleika- skiftinum í 2007. Samanlagda úrslitið í 2007 á 180 milliónir krónur var eitt vet lakari enn í 2006, tá av- lopið var 193 milliónir krón- ur. Hetta komst av, at mun- andi færri afturføringar av burturleggingum vóru í 2007. Rentingin av eginognini í 2007 var 11,1 prosent sam- anborið við 13,7 prosent í 2006. Eginpeningurin í Føroya Banka eftir vinningsbýtið á 45 milliónir krónur er 1.345 milliónir krónur. Við árslok í 2006 var eginpeningurin 1.246 milliónir krónur. Sol- vensurin er nú 17,9 prosent samanborið við 23,8 pros- ent í 2006. Fíggjarjavnin í Føroya Banka er nú 9,6 milliardir krónur samanborið við 7,2 milliardir krónur í 2006. Fíggjarjavnin er øktur 33 prosent.  Fyrstur á børsin Farna árið var søguligt hjá Føroya Banka. Tann 21. juni 2007 varð Føroya Banki sum fyrsti føroyski bankin nakran- tíð skrásettur á virðisbræva- marknaði. Talan var um eina tvískráseting á børsunum í Reykjavík og Keypmanna- havn. Partabrøvini vórðu seld fyri 189 krónur stykkið. Børsskrásetingin hevði við sær, at bankin fekk yvir 15.000 nýggjar partaeigarar og nú støðugt verður virðis- mettur á børsunum. Hægsti kursur hjá Føroya Banka higartil hevur verið 264 og lægsti kursur 126. Kursurin lækkaði nógv í heyst, tá avleiðingarnar av fíggjar- kreppuni í USA breiddu seg til Evropa og settu banka- kursir sum heild undir trýst. Fyri at tillaga seg nýggju tíðina skifti Føroya Banki samleika stutt undan børs- skrásetingini. Nýggi sam- leikin ímyndar ein nýmótans klassikara á veg framá.  Dótturbanki á veg Annan ársfjórðing í 2008 letur Føroya Banki upp nýggjan banka í Danmark, Føroya Bank A/S. Leiðslan í bankanum er sett, og arbeitt verður í løtuni við at fáa seinastu fyrireikingarnar upp á pláss. Tilsamans umleið 20 starvsfólk fara væntandi at arbeiða í nýggja bankanum. Dótturbankin í Danmark fer serliga at taka sær av ogn- arrøkt fyri múgvandi kundar og verkætlanarfígging. Útlit fyri 2008 Føroya Banki væntar eitt ársúrlit í 2008 fyri skatt á millum 165 og 185 milliónir krónur. Netto rentuinntøkurnar fara væntandi at økjast 8-14 pro- sent orsakað av vøkstri í útlánum. Sami vøkstur í pro- sentum er væntandi í tænastu- og provisiónsinntøkunum. Starvsfólka- og umsit- ingarútreiðslurnar økjast væntandi millum 0 og 5 prosent orsakað av virk- seminum í Danmark. Vøksturin í útlánum og innlánum verður væntandi millum 5 og 10 prosent í 2008 svarandi til væntaða búskaparvøksturin Føroya Banki 180 milliónir í avlopi Janus Petersen, forstjóri í Føroya Banka, og Jóhan Páll Joensen, nevndarformaður, á tíðindafundi í bankanum í morgun Mynd: Jens Kristian Vang Húsarhaldsskúli sýnir fram Í sambandi við at skeiðið á Húsarhaldsskúla Føroya er liðugt, skipa næmingarnir á skúlanum fyri stórari framsýning av handaligum arbeiði. Skeiðið er longt við seks vikum, og tí er framsýningin í ár størri og fjølbroyttari enn vanligt. Undirvíst hevur verið í binding, tilskering, seyming, leður og skinn, patchwork, silkimáling, brodering og føroysk bond. Sum nakað nýtt verður opið hús á skúlanum, har vitjandi - kanska serliga komandi næmingar og foreldur teirra - kunnu fáa meira at vita um skúlan. Framsýningin er opin týsdagin 19. februar frá klokkan 16 til 21. Kaffi og køkur verða at fáa undir framsýningini. Tey ríku fingu lætta  Skattalættarnir, sum danska stjórnin hevur sett í verk síðani 2001, hava givið teimum ríku 15 ferðir størri ágóða enn teimum fátækastu. Tað slrivar Ugebrevet A4 í dag og vísir til útrokningar, sum vinnuráðið hjá verkamannafeløgunum hevur gjørt. Tey trý skattatiltøkini, sum komu í 2001, 2004 og í 2007, hava givið teimum best løntu 20.500 krónur í lætta um árið, meðan tey lægst løntu hava fingið 1.400 krónur árliga burtur úr tiltøkunum.