hósdagur 21. februar 2008síða 2

2 Nr. 37 - 21. februar 2008 Føroya Lívstrygging hevur gjørt av, at felagið ikki skal gera íløgur í ídnað, ið framleiðir eitt nú tubbak og vápn Íløgur Jákup Mørk jakup@sosialurin.fo Seinastu dagarnar hevur Kringvarpið sett fokus á íløgupolitikkin hjá Føroya Lívstrygging. Serstakliga við atliti til, at felagið ikki hevur etiskar leiðreglur um íløgurnar. Og eitt nú eru før­ oyskar pensjónsuppspar­ ingar settar í virðisbrøv hjá tubbaks­ og vápnafram­ leiðarum. Nevndin hevur á fundi umrøtt hesi viðurskifti og er samd um, at felagið ikki skal gera íløgur í ídnað, ið framleiðir tubbak, vápn og líknandi. Nevndin tekur málið í størstum álvara og heilsar kjakinum um etiskar íløgur vælkomnum. Føroya Lívs­ trygging vónar, at hetta kann verða høvi til at fáa eitt breitt kjak um, hvussu íløgur eiga at umsitast. Trupulleikin viðvíkjandi etiskum íløgum er nakað, ið allir eftirlønarveitarar, tryggingarfeløg og pen­ ingastovnar, umframt almennir grunnar, eru felags um, serliga tí einki greitt amboð finst til at gera skilnað ímillum ”rættar” og ”skeivar” íløgur, verður sagt í tíðindaskrivi. Leiðslan á Føroya Lív­ strygging fer á fyrstkomandi nevndarfundi at leggja fram leiðreglur um ein etiskan íløgupolitikk. Íløgur skulu vera etiskar Søkt verður eftir starvsfólki til Radiodeildina hjá FT Net Radiodeildin hjá FT Net hevur høvuðssæti hjá Føroya Tele í Hoyvík, men arbeiðið verður gjørt um alt landið. Nógv útgerð hjá FT Net stendur í náttúruvøkrum umráðum víða um landið, tí er starvið sermerkt á tann hátt, at tú arbeiðir við hátøkni, samstundis sum tú fært møguleikan fyri at vera nógv úti í náttúruni. Vit kunna bjóða einum komandi starvsfelaga eitt arbeiðsumhvørvi við nógvum spennandi og fj ølbroyttum tekniskum uppgávum, har góðir møguleikar eru fyri persónligum og fakligum avbjóðingum í einum mennandi umhvørvi. Starvsinnihald Sum starvsfólk á radiodeildini verður tú við til at menna og reka tráðleysar skipanir í tøttum samstarvi við tínar starvsfelagar. Arbeiðið fevnir um allar tráðleysar skipanir, so sum: • Mikrobylgju-linkar • Tráðleysu skipanirnar WiMAX og WiFi • Sjónvarps- og útvarpssendinet • Mastra- og antennuskipanir • Fartelefonkervið GSM Førleikakrøv Vit ímynda okkum, at tú hevur viðkomandi tekniska útbúgving sum t.d. elektronikkmekanikari, elektronikkteknikari, diplom verkfrøðingur ella viðkomandi fakligar royndir. Umframt hetta vænta vit, at tú ert: • ágrýtin og hevur hug at taka við tekniskum avbjóðingum • dugir væl at arbeiða bæði sjálvstøðugt og í samstarvi við onnur • dugir væl at arbeiða við teldum og telduforritum • ert væl fyri likamliga, sum t.d. at ganga í haganum, tá farið verður at arbeiða í radiosmáttum og mastrum Umsókn og treytir Starvið verður sett 1. apríl ella skjótast gjørligt. Lønin verður ásett samsvarandi royndum og útbúgving. Fleir upplýsingar fáast hjá Jóhan Poulsen, leiðara á Radiodeildini tel 243649 ella á Starvsfólkadeildini á tel 303030. Umsóknir skulu vera Føroya Tele í hendi í seinasta lagi fríggjadagin 22. februar 2008, og tær skulu sendast til: Føroya Tele Starvsfólkadeildin Postsrúm 27 110 Tórshavn ella starvsfolkadeildin@ft.fo Føroya Tele er ein fyritøka í stórum vøkstri, sum eftir fáum árum hevur ment seg til eina eff ektiva og nútímans fyritøku, ið er kappingarfør á øllum økjum. Vit hava sett okkum fyri at menna nýggjar tænastur og bjóða føroyska marknaðinum bestu tænastuna og nýggjastu tøknina. FT Samskifti er dótturfelag í samtakinum Føroya Tele. Í FT Samskifti starvast 100 fólk, og fyritøkan tekur sær av marknaðarføring, sølu, tænastu, kundarøkt og samskifti við privat- og vinnukundar hjá Føroya Tele. STARVSFÓLK TIL RADIODEILDINA HJÁ FT NET sansir.fo Lívstrygginin setir nú etiskar leiðireglur fyri, í hvørjar fyritøkur pensjónsuppsparingar kunnu plaserast í Savnsmynd