fríggjadagur 28. mars 2008síða 50

50 FÓTBÓLTUR 2008 Aftur í Íslandi Símun Samuelsen er nú aftur í Íslandi eftir hálvt ár í norskum fótbólti Fleiri vórðu bilsin, tá Símun í fjør summar valdi at royna eydnuna í norskum fótbólti. Í Keflavík hevði vágbingurin verið fastur maður á liðnum, sum støðugt royndi at bjóða av í íslendska toppinum. Og skoðsmálini í fjølmiðlunum góvu greitt til kennar, at talan var um ein av týdningarmestu spælarunum á liðnum. At skiftið til Noreg gjørdist aktuelt bendir eisini á, at áhugin fyri føroyska spælaranum er stórur, og tað váttar umboðsmaður hansara eisini. - Tað var samband millum Keflavík og Notodden í vetur, men feløgini funnu ikki nakra semju, og tí er Símun aftur í Keflavík. Har hevur hann so sáttmála hetta kappingarárið, og so mugu vit síggja, hvussu leikur annars fer, sigur Jákup í Stórustovu, sum er umboðs- maður hjá flestu av føroysku útisetunum. Og eingin ivi er um, at tað eru góð boð hjá venjaranum hjá Keflavík, at hann nú aftur hevur Símun í hópinum. Vágbingurin verður roknaður sum fastur maður í hópinum hjá felagnum, sum aftur í ár hevur ætlanir um at bjóða av heilt frammi í oddinum. Einasti føroyski útisetin í íslendskum fótbólti er eitt av sterkastu kortunum hjá Keflavík Framstig hava verið, men vánaliga fíggj- arstøðan í felagnum hóttir støðugt ar- beiðsumstøðurnar hjá Henrik Larsen. Stjórin í felagnum lovar tó batar Við enska Clive Stapleton sum fíggjarligum garanti skuldi Køge taka stigið upp til tey stóru í Danmark. Og helst skuldi hetta gerast í eini samanlegging við fyrrverandi donsku meistararnar úr Herfølge. Baklandið í teimum báðum grannafeløgunum vildi tó ikki tað sama sum enski ríkmaðurin, og tí takkaði Stapleton at enda fyri seg. Hóast holið í pengakassanum var gapandi stórt, so gekk tað sum eftir ánni fyrstu mongu dystirnar hjá Henrik Larsen, eftir at hann í fyrraárið varð settur sum venjari hjá felagnum. Í vetrarsteðginum var liðið á odda, men fíggjarliga óskilið kostaði. Í fyrstu atløgu fekk Køge frátikið stig, tí felagið megnaði ikki fíggjarligu skyldur sínar. Og í øðrum lagi rýmdu fleiri av profilunum í hópinum til fíggjarliga sterkari feløg. Køge hóðraði tó væl og virðiliga undan í donsku 1. deild, og hóast fíggjarligu trupulleikarnir eitt nú merkja, at felagið enn ikki hevur loyvi at gera veruligar yrkissáttmálar við spælarar sínar, so hevur leiðslan stórt álit á Henrik Larsen. - Tað hevur sera nógv at siga fyri okkum, at vit fingu nýggjan sáttmála við Henrik. Hann hevur verið í felagnum í eini sera truplari tíð, men hevur kortini alla tíðina hildið høvdinum høgt. Og tað er eingin loyna, at vit komandi árini ætla at blanda okkum í oddastríðið í 1. deild, segði stjórin í felagnum, Jørn Rasmussen, tá nýggjur sáttmáli varð gjørdur við Henrik Larsen. Hann sigur annars, at tey í felagnum støðugt arbeiða við at betra um fíggjarpartin. Og at tey rokna við, at hetta eisini kemur í rættlag um ikki alt ov langa tíð. Sáttmálin við fyrrverandi føroyska landsliðsvenjarin er galdandi fram til summarið 2010. ---------------------------------------- Jákup Mørk jakup@sosialurin.fo Hálvi tvørámaðurin Marc Nygaard er komin aftur til Danmarkar at spæla fótbólt, og hann hevur framvegis ambitiónir um at koma á danska landsliðið Seks ferðir hevur Marc Nygaard spælt á danska landsliðnum, men seinasti dysturin var fyri seks árum síðani. Nú er tann høgi álopsspælarin við føroyskum ættarbondum komin aftur til Danmarkar at spæla, eftir at hann í nógv ár hevur ferðast sum fótbóltsspælari í Europa. Seinast spældi hann fyri enska felagið QPR. - Eg havi ambitiónir um at koma aftur á landsliðið. Eg eri framvegis væl fyri og svangur, og tað er eisini tí, at eg valdi at koma heim júst nú, sigur Marc Nygaard. Hann umboðar nú felagið Rand- ers, og har skal hann royna at skjóta seg inn í landsliðshitan aftur. Ferðast víða 31 ára gamli Marc Nygaard spældi ungdómsárini við B93 í Keypmanna- havn, og kappingarárið 1994/95 spældi hann fyri FCK. So fór hann av landinum at spæla, og hann hev- ur umboðað feløgini Heerenveen, Maastricht, Roda, Excelsior, Brescia og Queens Park Rangers. - eg kenni ikki rættiliga støðið og spælararnar í donsku kappingini longur, tí eg havi verið uttanlands í 13 ár, men eg gleði meg nógv til at spæla í Danmark aftur, og eg havi roynt at spurt meg fyri um donsku kappingina, segði Marc Nygaard undan fyrsta dystinum hjá sær fyri Randers í superliguni fyri tveimum vikum síðani. - Hetta er sum at koma til eitt nýtt land at spæla fótbólt, tí nógv er broytt í Danmark hesi 13 árini, eg havi verið uttanlands. Eg skal líka læra at spæla saman við lið- feløgunum og ímóti hinum liðunum, men kanska er tað eisini ein fyri- munur hjá mær, at hinir spælararnir ikki kenna meg so væl, sigur hann. ---------------------------------------- Jákup Mørk jakup@sosialurin.fo Ómøguligar umstøður Nygaard hugsar um danska landsliðið