mikudagur 9. apríl 2008síða 2

2 Nr. 68 - 9. apríl 2008 Í dagsins útgávu av La Razón, sum er fjórðstørsta blað í Spania, er grein við Jóannes Eidesgaard og Al Gore. Myndin er tikin á trappuni hjá løgmanni úti í Tinganesi, har løgmaður handar honum eina bók – um hetta er Barbara hjá Jørgen Frantz Jacobsen ella Glataðu Spælimenninir hjá William Heinesen, er heldur ógreitt, men hann fekk báðar bøkurnar – sum báðar eru varðar í føroyskum skaldskapi. Tað er Miguel Mielgo, blaðmaður, sum skrivar greinina. Ilt er at meta um, hvussu stóran týdning tað hevur, at persónar sum Bill Clinton og Al Gore koma til Føroya, men bara tað, at hetta fær Føroyar í heimspressuna hevur ómetaligan týdning, nú vit so fegin vilja ”seta Føroyar á heimskortið...” Eidesgaard og Gore í sponskum blað Bill Gates segði fríggjadagin, at nýggja stýriskipanin væl kann koma á marknaðin longu í komandi ári KT Jákup Mørk jakup@sosialurin.fo Tá Vista kom á marknaðin fyri góðum ári síðani varð sagt, at næsta stýriskipanin frá Windows í fyrsta lagi kom á marknaðin í 2010, men tann støðan tykist nú verða broytt. Undir eini røðu, sum Bill Gates helt við Inter-American Development Bank, varð Microsoft-stovnarin støðugt spurdur ymsar spurningar um Vista-skipanina, sum støðugt hevur rent seg í trupulleikar. Og eitt svar hansara bendir á, at næsta Windows-skipanin verður tøk longu næsta ár. - Um eitt ár ella so hava vit eina nýggja skipan klára. Og eg eri serstakliga bjart- skygdur um tær broytingar, sum nýggja skipanin fer at hava við sær á fleiri økjum, segði Gates við amerikonsku miðlarnar. Sambært Cnet-com er talan tó helst um eina útgávu, sum tá verður tøk til beta-test. Enn hevur Microsoft ikki gjørt viðmerk- ingar til, hvørjar eginleikar nýggja skipanin fer at hava. Tað stendur tó greitt, at talan verður um bæði eina 32- og 64-bit útgávu, eins og hesar verða í ymsum útgávum til privat- og vinnukundar. Windows 7 er ávegis Umtalan av Gore- vitjanini í La Razon