fríggjadagur 9. mai 2008síða 29

Nr. 88 - 9. mai 2008 29 Tíðindaskriv Psykiatriski Deplin og Sálarfrøðistovan Hóast talið av sjálvmorðum í Føroyum er lágt í mun til onn­ ur lond, so vísa kanningar, at talið av føroyskum ungdómi, sum hava tankar um sjálv­ morð, og sum hava gjørt royndir at taka lívið av sær, er rættiliga stórt. Royndir aðrastaðni frá vísa, at talið av teimum, sum gera sjálvmorðs­ royndir er einar tíggju ferðir størri enn talið av teimum, sum taka lívið av sær, og at vandin fyri at taka lívið av sær er størri hjá teimum, sum hava roynt hetta áður. Psykiatriski Depilin hevur seinastu árini verið við til at fyriskipað altjóða dagin til sjálvmorðsfyribyrgjan, sum hevur verið hildin við ymisk­ um upplýsandi tiltøkum í Miðlahúsinum. Arbeitt hevur verið víðari við at gera eina skipan hvussu meira praktiskt kann fara fram á hesum øki­ num og hvussu serligar at­ gerðir kunnu takast fyri at fyribyrgja sjálvmorðum í Før­ oyum eisini. Í hesum sambandi er Psyki­ atriski Depilin komin í sam­ band við viðgerðarskipanina VIVAT, sum er norsk og gongur út frá Universitetssjú krahúsinum í Tromsø. Hetta er ein tilltaging av eini canad­ iskari skipan Liwing Works Education, sum er tann mest útbreidda skipanin til sjálv­ morðsfyribygjan og er tillag­ að í fleiri londum. VIVAT er skipað sum eitt fyrstahjálparskeið til fólk, sum á ein ella annan hátt koma í samband við fólk, sum ganga við ætlanum um at taka lívið av sær ella hava roynt hetta. Hugsað verður her um lærarar og lestrarveg­ leiðarar á miðnámsskúlum, tey sum hava við ymiskt ung­ dómsarbeiði at gera, bæði í starvi ella sjálvboðin, t.d. ungdómshús, skótar og ítrótt­ arfeløg, tey sum arbeiða á skaðastovum og intensivum deildum, psykiatriskum deild­ um, løgreglufólk og tey sum koyra sjúkrabil, læknar, sálar­ frøðingar, sosialráðgevarar, tey sum hava við starvs­ fólkaleiðslu at gera umframt onnur áhugaði. Skeiðið verður hildið í tveir dagar, har tað á ymsan hátt verður arbeitt við at læra fólk at fáa eyga á tey, sum á einhvønn hátt eru í sjálv­ morðsvanda, at læra at tora at tosa um hetta og seta teir neyðugu spurningarnar fyri at kunna gera eina meting av vandanum og læra at skipa eina ætlan, sum kann byrgja upp fyri, at lív fer fyri skeyti. Arbeitt á skeiðnum við at sameina tær royndir, sum eru aðrastaðni frá hesum viðvíkj­ andi og royndirnar hjá luttak­ arunum, og arbeiðshátturin er eitt bland av styttri fyri­ lestrum, tjaki, filmum og bólkaarbeiði. Vit hava leingi havt ynski um at koma stigið víðari í okkara ætlanum um at skipa serligt fyribyrgingarbeiði í sambandi við sjálvmorð, og halda at hendan canadiska skipanin er sera áhugaverd og hevur fingið stak góðar eftirmetingar og verður hild­ in at hava havt avgerandi ávirkan á, at talið av sjálv­ morðum er fallið, sigur Tor­ móður Stórá, sálarlækni og læknafakligur leiðari á Psyki­ atriska Deplinum. Fyri at kanna nærri hvussu hetta hóskar hjá okkum, hava vit valt at taka upp hetta sam­ starvið við Universitetssjúkra­ húsið í Tromsø og tey sum standa fyri norsku útgávuni, sum kallast VIVAT. Á hendan hátt kunnu vit fáa royndar skeiðleiðarar hendan vegin, sum hava arbeitt við skipanini í fleiri ár, og bæåi undirvísing og tað umfatandi tilfarið, sum luttakararnir fáa er á norskum, sum fyri tey flestu fellur lættari enn um tað skuldi verið á enskum. Eftir­ metingin av skeiðnum kann so geva okkum leiðbeining um hvussu vit koma víðari, og hava vit t.d. møguelika at senda fólk á skeið í Noregi fyri at gerast undirvísarar á fyrstahjálparskeiðnum, so hetta kann gerast ein aftur­ vendandi undirvísing her, til­ lagað okkara viðurskifti, sigur Tormóður Stórá. Seinasta heyst varð kunn­ gjørd ein stór kanning av ymiskum viðurskiftum hjá føroyskum ungdómi, og har vóru skelkandi tøl fyri hvussu nógv ungfólk her heima gingu við tonkum um sjálv­ morð ella høvdu roynt at taka lívið av sær, nógv enntá fleiri ferðir. Kanningarúrslitini skelkaðu eisini eitt nú ting­ menn og varð hetta tikið upp sum fyrispurningur í løgting­ inum, uttan tó at nakar visti at siga hvussu vit her heima kundu hjálpa upp á hetta. Hetta skundaði nokk eisini undir arbeiði okkara at fáa tikið stigið til hetta átakið, siga Tormóður Stórá, sálar­ lækni og Kathrina L. Joensen, sálarfrøðingur, ið skipa fyri og sum vóna, at undirtøkan verður góð millum tey, sum kunnu gera ein mun á hesum økinum. Skeiðið verður hildið á Hotel Føroyum 27. og 28. mei í ár og tilmeldast skal í seinasta lagi 14. mei á vivatfo@hotmail.com. Luttak­ aratalið er avmarkað og strembað verður eftir at sam­ anseta ein luttakarabólk, sum fevnir breitt um tey, sum koma í samband við fólk í sjálvmorðsvanda. Undirvís­ ararnir á skeiðnum eru tríggir normenn, sum hava hildið nógv tílík skeið áður. Kostn­ aðurin fyri skeiðið er 3000 kr, og tá er eisini íroknað mat­ ur og drekka. Skeiðið verður fyriskipað av Psykiatriska Deplinum í samstarvi við Sálarfrøðistov­ una í Tórsgøtu. Meginskrivstovan · Postsmoga 3037 · 110 Tórshavn · Tel 36 00 00 · Faks 36 00 01 · meginskrivstovan@naerverk.fo www.naerverk.fo Starvslýsing Trivnaðartænastan Leiðari til Sambýlið í Niðarugøtu í Tórshavn Søkt verður eftir leiðara til Sambýlið í Niðarugøtu 15 í Tórshavn til setan 1. august 2008. Í sambýlinum búgva 4 vaksin seinheilaskadd fólk. Virkisstøðið hjá hesum fólkum ber dám av truplum kognetivum avleiðingum og ofta er eisini talan um fysisk brek. Ynskiligt er, at tann, sum settur verður, hevur kunnleika til og royndir innan arbeiði við fólki, sum hava seinheila­ skaða. Eisini er tað ein fyrimunur, um viðkomandi hevur roynt seg sum leiðari áður og hevur framhaldsútbúgving innan økið. Sóknast verður eftir fólki, sum • hevur viðkomandi útbúgving • hevur hug og hegni at fyrisita og leiða • kann standa fyri at fremja broytingar • hevur vilja og evni at samstarva við viðskiftafólk, avvarðandi, starvsfólk og leiðslu • hevur hugflog at síggja møguleikar fram um forðingar • kann seta greiðar linjur Lønar- og setanartreytir Setanarøkið er Nærverkið og tænastu­ staðurin er í løtuni í Trivnaðartænastuni. Starvið verður sett sambært sáttmála Fíggjarmálaráðið og avvarðandi yrkisfelag. Nærri fæst at vita um starvið við at venda sær til virkandi deildarleiðara Hermann Mortensen á telefon 360000. Umsókn Umsóknir við hjaløgdum próvskjølum, viðmælum og lívsgongdarlýsing skulu sendast til: Trivnaðartænastan Stílað: Hermann Mortensen, virkandi deildarleiðari Argjavegur 26 Postsboks 3037 Fo­100 Tórshavn Umsóknarfreist: 30. mai 2008. Les meira á www.naerverk.fo/leys størv Nærverkið kemur út til borgaran at veita tænastur, ið fevna um eitt nú stuðul, tilboð til borgarar við serligum tørvi og tænastur til barnafamiljur og eldri. Nærverkið er sjálvstøðugur stovnur undir Almanna­ og heilsumálaráðnum. Umframt Meginskrivstovuna, ið hevur yvirskipaðu leiðsluna, eru fýra deildir: Heimatænastan, Trivnaðartænastan, Stuðulstænastan og Barnatænastan. Nærverkið leggur áherðslu á nærleika, umsorgan og professionalismu í øllum lutum. Umleið 1400 fólk starvast í Nærverkinum. Meginskrivstovan · Postsmoga 3037 · 110 Tórshavn · Tel 36 00 00 · Faks 36 00 01 · meginskrivstovan@naerverk.fo www.naerverk.fo Starvslýsing Heimatænastan Starvsfólk til Eldrasambýlið Oman Mattalág í Tórshavn Søkt verður eftir sjúkrarøktarfrøðingum, heilsurøktarum og heilsuhjálparum í starvsbrøki 0,7 ella 0,8 og ítrivsvegleiðara í starvsbrøki 0,5 at starvast í nýggja Eldrasambýlinum Oman Mattalág í Tórshavn og at byrja 1. august 2008. Eldrasambýlið Oman Mattalág er partur av Heimatænastuni Øki 1 í Suðurstreymoy og pláss er fyri 9 búfólkum. Hugsjónin fyri Heimið Miðað verður eftir at skapa eitt heimligt og virkið umhvørvið út frá Eden hugsjónini og við virðing og umsorgan at stuðla undir virkisførleika og vælveru hjá tí einstaka búfólkinum. Vit vænta av tær, at tú hevur • Áhuga í og gleði við at arbeiða við eldri fólki • Vilja til at starvast í tráð við hugsjónina fyri Heimið • Vilja at starvast út frá Eden hugsjónini • Er til reiðar at bróta upp úr nýggjum og ganga aðrar leiðir • Dugir væl at samstarva og samskifta við onnur • Er motiverað og fleksibul • Kann arbeiða í skiftandi vaktum Vit kunna bjóða • Eitt spennandi og mennandi starv, har tú hevur møguleika at vera við til at byggja upp eitt heim í tráð við hugsjónina fyri Heimið og seta dám á umhvørvið. • Góða innleiðslu • Møguleika fyri persónligari menning Lønar- og setanarviðurskifti Lønar og setanarviðurskifti eru sambart sáttmála millum Fíggjarmálaráðið og avvarðandi yrkisfelag. Nærri fæst at vita um størvini við at venda sær til økisleiðara Ceciliu Vestureið á telefon 217249 ella við telduposti: ceciliav@naerverk.fo ella til deildarleiðaran Tórhild Dalsgaard á telefon 217123 ella við telduposti. torhildd@naerverk.fo Umsókn Send eina umsókn við avrit av prógvi og upplýsingum um útbúgving og fakligar royndir til: Heimatænastan Stílað: Cecilia Vestureið, økisleiðari, Skálatrøð 14 Fo-100 Tórshavn Umsóknarfreist: 26. mai 2008. Les meira á www.naerverk.fo/leys størv Nærverkið kemur út til borgaran at veita tænastur, ið fevna um eitt nú stuðul, tilboð til borgarar við serligum tørvi og tænastur til barnafamiljur og eldri. Nærverkið er sjálvstøðugur stovnur undir Almanna- og heilsumálaráðnum. Umframt Meginskrivstovuna, ið hevur yvirskipaðu leiðsluna, eru fýra deildir: Heimatænastan, Trivnaðartænastan, Stuðulstænastan og Barnatænastan. Nærverkið leggur áherðslu á nærleika, umsorgan og professionalismu í øllum lutum. Umleið 1400 fólk starvast í Nærverkinum. Fyrstahjálp til sjálvmorðsfyribyrgjan