fríggjadagur 6. juni 2008síða 24

24 EM-BLAÐIÐ Sosialurin 6. juni 2008 Bólkur D ✦ Svøríki Svøríki Heri Simonsen heris@sosialurin.fo Svøríki og Danmark vóru í sama EM-undanbólki. Liðini vóru í holt við at leika ein dreymadyst, har støðan var javnleikur 3-3. Men so missur fyrst danski spælarin, Christian Poulsen fatningin og slær Marcus Rosenberg hjá Svøríki, og dómarin vísir honum av vølli, og dømir brotsspark til Svøríki. Men so hendir tað, sum ikki skal henda, og sum enn ríður dønum sum marran. Ein danskur viðhaldsmaður, sum enntá býr í Suður- Svøríki(!) rennir inn á vøllin og ætlar at sláa týska dómaran, Herbert Fandel, kaldan. Dómarin steðgar dystinum, og Svøríki verður dømt til at vinna dystin. Svøríki er enn einaferð við til eitt endaspæl, meðan Danmark situr uttanfyri. Svøríki er í bólki við Spania, Russlandi og Grikkalandi, og hevur Svø- ríki ein góðan møguleika at vinna seg víðari til fjórðings- finalurnar. Tó hevði Svøríki eina ringa aðalroynd sunnu- dagin, har teir á heimavølli taptu 0-1 ímóti Ukraina. Góðir offensivir leikarar Við spælarum sum Johan Elmander, Zlatan Ibrahimovic, Frederik Ljungberg, og nú eisini Henrik “Henke” Larsson - sum tekur enn eitt tørn fyri landsliðið – kann Svøríki verið ein stór hóttan fyri mótstøðu- lið. Markus Rosenberg, sum spælir fyri Werder Bremen í týsku bundesliguni plagar eisini at verða góður fyri nøkur mál. Zlatan Ibrahimovic er millum kendastu og dýrastu fótbóltsspælararnar í Evropa, og er hann í góðum lagi skulu Spania, Russland og Grikka- land veruliga ansa sær. Johan Elmander hevur ikki havt eina optimala heilsu, og hevur hann havt manglandi ilt í blóðnum. Ein kostætlan hevur tó bøtt um heilsuna hjá Elmander, og hevur gjørt hann til ein enn sterkari og betri fótbóltsspæl- ara. Í árinum 2004-2006 spældi Elmander við Brøndby, og er hann ein tann besti spælarin, sum nakrantíð hevur spælt við Brøndby. Parturin av svensku ítróttar- pressuni, sum hevur hug at fara í sjálvsving ivast ikki í at nevna Zlatan og Elmander til “Heimsins besta álopspar”. Elmander leggur eina við, at tað at spæla saman við Zlatan er við til at hækka støðið hjá honum. Zlatan ásannar, at Elmander rennur meiri enn hann, og at hann tí setur stóran prís uppá samstarvið við Elmander. Onkuntíð rok Tó at svenskarar eru kendir fyri at verða eitt disiplinerað fólka- slag, so hevur veruligt rok onkuntíð verið í svensku lands- liðsleguni. Frederik Ljungberg og risin í svensku verjuni, Olof Mellberg bardust á einari venj- ingarlegu í 2002. Báðir eru við í hópinum, og tí verður eisini uppgávan hjá Lars Lagerbäck at síggja til, at samhaldið verð- ur optimalt í svensku EM- leguni. Svøríki kom í hálvfinaluni tá EM var í Svøríki í 1992. Í HM- høpi hevur Svøríki vunnið silvur í 1958, og bronsu í 1994 og í 1950. HM-bronsuna í 1994 valdu svenskarar, sum “Aldar- innar ítróttarbragd” í 2001. Svøríki og Føroyar spældu ein venjingardyst fyrst í hesi øldini í einari innandura fótbóltshøll í Växsjö. Dysturin endaði 0-0, eftir at Jákup Mikkelsen hevði bjargað einum brotssparki. Tann norðurlendska vónin Svøríki 1 Andreas Isaksson 2 Mikael Nilsson 3 Olof Mellberg 4 Petter Hansson 5 Fredrik Stoor 6 Tobias Linderoth 7 Niclas Alexandersson 8 Anders Svensson 9 Fredrik Ljungberg 10 Zlatan Ibrahimović 11 Johan Elmander 12 Rami Shaaban 13 Johan Wiland 14 Daniel Majstorovic 15 Andreas Granqvist 16 Kim Källström 17 Henrik Larsson 18 Sebastian Larsson 19 Daniel Andersson 20 Marcus Allbäck 21 Christian Wilhelmsson 22 Markus Rosenberg 23 Mikael Dorsin Venjari: Lars Lagerback Teir bláu og gulu ætla at leypa á og hava eisini spælararnar til tað Henke Larsson ger comeback á svenska landsliðnum, og hann plagar at verða góður fyri nøkur mál Mynd: Polfoto