fríggjadagur 6. juni 2008síða 22

22 EM-BLAÐIÐ Sosialurin 6. juni 2008 Bólkur D ✦ Grikkaland Europa­ meist­­ararnir Grikkaland æt­­la at­­ brúka somu upp­ skrift­­, sum t­­á t­­eir vunnu EM fyri fýra árum síðani Grikkaland Eyðun Klakstein eydun@sosialurin.fo Alt Europa var tikið á bóli, tá ið Grikkaland fyri fýra árum síðani vann europameistaraheitið í fótbólti. Liðið úr suðureuropa spældi sítt heilt egna spæl, og tað gav úrslit. Teir lótu hini liðini hava bóltin stóran part av tíðini, vardu sum galt tað lívið, og so fingu teir eitt mál, sum avgjørdi dystin. Hendan sama uppskriftin skal brúkast, nú Grikkaland skal verja sítt EM-heitið. Verjan er framvegis styrkin hjá liðnum, og venjarin hevur kallað nógvar av teimum gomlu hetjunum innaftur til hesa EM- kappingina. - Ein og hvør venjari má leggja taktikkin, so at hann passar til teir spælararnar, sum hann hevur at ráða yvir, sigur týski venjarin hjá liðnum, Otto Rehagel. Tað var eisini hann, sum stóð á odda fyri Grikkalandi í 2004, tá ið liðið vann EM-gull. - 2004 hoyrir til fortíðina. Nú hugsa vit um 2008. Tað eru so nóg góð lið í Europa, at tað er eitt bragd bara at sleppa við til endaspælið, sigur Rehagel. Royndir spælarar Grikkaland hevur ein sera royndan hóp. Nógvir av spælarunum rundaðu tey 30 árini fyri fleiri árum síðani, og næstan helvtin av spælarunum var við, tá ið Grikkaland vann gull fyri fýra árum síðani. Besti spælarin í seinasta EM- endaspæli var Theodoros Zagorakis, men hann verður ikki við hesaferð. Hann gavst at spæla fyri landsliðið í fjørheyst. Verjuskanin Traianos Dellas var ein av teimum, sum fekk veruligt gjøgnumbrot í farna endaspæli, og hann skal aftur hesaferð stýra verjupartinum. Maðurin, sum skoraði málið í EM-finaluni í 2004, er viðaftur hesaferð. Angelos Charisteas varð næstan gjørdur til ein grikskan gud eftir seinast EM, men hann skal nú stríðast við toppskjúttan í farnu undankapp- ing, Theofanis Gekas, um einsamalla plássið í álopinum. Settu gamlar spurningar Fyri fýra árum síðani setti Grikkaland hinum londunum nakrar spurningar, sum tey høvdu gloymt, hvussu mann svarar. Liðið var einasta landið, sum spældi við sweepara í EM í 2004, og teir brúktu eisini mansverju í verjupartinum. Hetta gav bonus, og spurningurin er so, um týski venjarin ætlar at brúk nett omu uppskrift, ella um hann ætlar sær at seta nýggjar spurningar, sum hini londini fáa trupult við at svara. Meistararnir vita, at teir hava sínar avmarkingar, og teir vita eisini, at tað hevði verið eitt enn størri bragd enn seinast, um teir vunnu EM einaferð afturat, men við Kong Otto við róðri kann eingin kenna seg vísan í, hvat fer at henda hjá Grikkalandi næstu tríggjar vikurnar. Eitt mál er nóg mikið Grikka­ land 1 Ant­­onios Nikopolidis 2 Giourkas Seit­­aridis 3 Christ­­os Pat­­sat­­zoglou 4 Nikolaos Spyropoulos 5 Traianos Dellas 6 Angelos Basinas 7 Georgios Samaras 8 St­­ylianos Giannakopoulos 9 Angelos Charist­­eas 10 Georgios Karagounis 11 Loukas Vint­­ra 12 Konst­­ant­­inos Chalkias 13 Alexandros Tzorvas 14 Dimit­­rios Salpingidis 15 Vassilios Torosidis 16 Sot­­irios Kyrgiakos 17 Theofanis Gekas 18 Ioannis Goumas 19 Paraskevas Ant­­zas 20 Ioannis Amanat­­idis 21 Konst­­ant­­inos Kat­­souranis 22 Alexandros Tziolis 23 Nikolaos Liberopoulos Venjari: Ot­­t­­o Rehhagel Grikkaland skal liva av samanhaldi og verjuspæli í EM-kappingini. Mynd: Polfoto