fríggjadagur 13. juni 2008síða 8

8 tíðindi Nr. 112 - 13. juni 2008 Landararnir í Klaks­ vík hava ikki havt nógv at gjørt hesa vikuna, nú tómligt hevur verið við Kósa­ brunna, men í dag og mánadagin koma skip innaftur at landa Fiskivinna Vilmund Jacobsen vilmund@sosialurin.fo Hesa vikuna hava fýra skip landað í Klaksvík. Mánadagin vóru partrol­ ararnir Safir og Smaragd inni. Teir høvdu sløk 150.000 pund tilsamans, meginparturin upsi. Mánadagin landaði Helena 85.000 pund av línu­ fiski. Týsdagin og mikudagin var eingin landing í Klaks­ vík, men í morgun landaði trolbáturin Olevina, sum hevði 5.000 pund av land­ leiðini. Ågot, sum roynir við gørnum, landar í Klaksvík í dag. Teir hava stívliga 25.000 pund av svartkalva. Mánadagin koma partrol­ ararnir Fjalshamar og Nón­ hamar, men í gjár visti Landingarmiðstøðin í Klaksvík ikki, hvussu nógv skipini hava inni. Sum skilst, er fiskiskap­ urin hjá ísfiskatrolarunum smáligur í løtuni. Lendið er tøkt, útgrivið og planerað til tveir nýggjar barnagarðar í Runavíkar kommunu. Annar verður bygdur á Skála, hin í Søldarfirði Bygging Vilmund Jacobsen vilmund@sosialurin.fo Í næstum verða tveir nýggir barnagarðar bygdir í Runa­ víkar kommunu. Hetta gjør­ dist greitt, tá sáttmáli seinna­ partin mikudagin varð undirskrivaður millum Runavíkar kommunu og P/ F Búsetur, sum kemur at standa fyri projektering og verkætlanini annars. Tað er Palli Gregoriussen, arkitekt­ ur, sum hevur teknað. Sáttmálin varð undirskriv­ aður av borgarstjóranum í Runavíkar kommunu, Hans Jacob Lamhauge, øðrumeg­ in og Halli Hansen, verkætl­ anarleiðara hjá P/F Búsetur, hinumegin. Barnagarðarnir, sum nú skulu byggjast á Skála og í Søldarfirði, eru eins, og teir verða bygdir eftir nøkulunda somu tekningum, sum barnagarðarnir á Argjum og á Velbastað. 26-28 miljónir Hans Jacob Lamhauge, borgarstjóri, sigur, at nú sáttmáli er undirskrivaður, fer Búsetur beinanvegin í gongd við sínar fyrireikingar til sjálva byggingina. ­ Lendið er tøkt, útgrivið og planerað bæði á Skála og í Søldarfirði, og sambært ætlanini verða barnagarð­ arnir tiknir í nýtslu á heysti 2009. Borgarstjórin sigur, at í fyrstu syfti verða báðir gjørdir lidnir uttan, og síðan verður helmingurin innrætt­ aður. Fíggjarkarmurin ­ Vit hava í fyrsti syftu ein fíggjarkarm upp á 19­20 miljónir krónur, sum er kostnaðurin av at byggja báðar barnagarðarnar og innrætta helmingin. Hans Jacob Lamhauge vísir á, at tá komið er har til, at báðir barnagarðarnir standa uppi, og helmingurin er innrættaður, verður støða tikin til, nær restin skal gerast. ­ Tær 26­28 miljónir krónurnar er kostnaðurin av samlaðu verkætlanini, tá alt er liðugt, leggur borgar­ stjórin aftrat. Í Runavíkar kommunu er eisini kommunal dagrøkt, og hendan verður í brúki, so leingi stovnar ikki eru tøkir, sum nøkta allan ansingartørvin. Steven Curtis Chapman kemur ikki Hann skuldi verða stóra navnið á Fjarðafestivalinum í ár. Men nú hevur hann avlýst Føroyaferðina. ­ Vit eru keddir av at skula kunngera hetta, sigur Eyðun Jacobsen, ein av fyriskiparunum av festivalinum. Familjan Chapman var fyri fáum vikum síðani úti fyri eini syndarligari bilvanlukku, har yngsta dóttur teirra, Maria lat lív. Hon var bert 5 ára gomul. ­ Vit skilja sjálvandi at Steven hevur tikið hesa avgerð, og vit syrgja saman við honum og familjuni, sigur hann. Leiðslan í Fjarðafestivalinum arbeiðir í løtuni við at finna ein avloysara. Ein loysn verður helst klár í komandi viku. Pólurin kanska ísfríur Nýggjar mátingar hjá amerikanska stovninum Natio­ nal Snow and Ice Data Center vísa, at ísurin í tí arkt­ iska økinum bráðnar nógv skjótari í summar enn í fjør. Sambært mátingunum er talan um heilar 8.000 ferkilometrar meiri ­ um dagin, og granskararnir vænta, at heldur hetta fram, verður Norðpólurin ísfríur longu í summar. National Snow and Ice Data Center sigur, at í dag er ísurin í póløkinum helvtina av tí, sum hann var fyri 50 árum síðani. Runavíkar kommuna fær tveir nýggjar barnagarðar Deydligt við bryggjukantin í Klaksvík Mánadagin verður aftur landing í Klaksvík, tá partrolararnir Fjalshamar og Nónhamar koma inn at landa Mynd: Vilmund Jacobsen Í summar verður kanska eingin ísur á Norðpólinum (Mynd: KNR) Hans Jacob Lamhauge, borgarstjóri og Hallur Hansen, verkætlanarleiðari hjá P/F Búsetur, skriva undir sáttmála um bygging av tveimum barnagørðum Mynd: Oluf í Toft Tað er Palli Gregoriussen, arkitektur, sum hevur teknað, meðan P/F Búsetur projekterar og stendur fyri verkætlanini. Nakrar tillagingar eru gjørdar í mun til hesa upprunatekning