týsdagur 17. juni 2008síða 2

2 Nr. 114 - 17. juni 2008 SAMBAND kári MikkelSeN kAriM@SoSiAluriN.fo tlf. 341800 tíðindi NattúruvaNlukka Áki Bertholdsen aki@sosialurin.fo - Enn er óvist, um landsstýr- ið fer at hjálpa hvalbingum at gera skaðan aftur, sum ódnin í vetur elvdi til á grót- kastið við havnarlagið í bygdini. Grótgarðurin fór so illa, at mett verður, at tað fer at kosta einar 11 milliónir at gera hann aftur í fullgóðan stand aftur. Hetta er eitt arbeiðið, sum undir ongum umstøð- um kann bíða og tí er komm- unan longu farin undir at umvæla skaðan, so at arbeiðið kann vera liðugt, áðrenn veturin kemur av álvara. Av tí, at talan er um so stóra upphædd, hevur kommunan avtalað við byggifyritøkuna, at hon betalir helvtina av kostnað- inum í ár og hina helvtina tey bæði næstu árini. Rímiligt at landið hjálpir Men av tí, at talan er um eina so ovurstóra, óvæntaða útreiðslu og av tí, at talan harafturat er um eina náttúruvanlukku, hevur Hvalbiar Bygdaráð hildið, at tað er rætt og rímiligt, at landið betalir ein part av útreiðslunum og tí hevur bygdaráðið heitt á Løgtingið um fíggjarlign stuðul at umvæla skaðan fyri. Í hesum sambandi kann vísast á, at eftir at stórur skaði hendi í Skálavík, játt- aði løgtingið skálvíkingum 400.000 krónur í stuðuli, sum eina hjálp til at gera arbeiðið aftur fyri. Men enn hava hvalbingar so onki frætt aftur frá polit- isku skipanini. Og tað er kanska ikki so løgið, tí áheitanin frá hval- bingum er hvørki viðgjørd og enn minni avgreidd í politisku skipanini. Og tað er heldur ongin í samgonguni, sum yvirhøvur vil lova hvalbingum fíggjar- ligan stuðul úr landskassan- um til endamálið. Bjørt Samuelsen, lands- stýriskvinna í vinnumálum, staðfestir, at hon hevur onga játtan til taks at brúka til endamál, sum hetta. At skálvíkingar fingu 400.000 frá landinum, var ein avgerð, sum Løgtingið tók í sambandi við fíggjar- lógarviðgerðina. Hon hevur ikki sæð nakra umsókn frá hvalbingumum um fíggjarligan stuðul og eftir at hon hevur kannað málið, er hon komin eftir, at tað er tí, at hvalbingar bara hava sent áheitanina til Løgtingið. Undarligt at seta hvalbingar eftir Nú fer hon so at bíða og vita, hvat Løgtingið ger við áheitanina. Men hon viðgongur eis- ini, at tað kann tykjast eitt sindur undarligt at játta skál- víkingum fíggjarligan stuð- ul til eina náttúruvanlukku, men at nokta hvalbingum somu sømdir, hóast talan var um nógv meiri umfat- andi skaða. Kunnu hvalbingar so vænta sær nakran stuðul? - Nú mugu vit fyrst við- gera málið og kanna eftir, hvørjar skaðar, talan er um o.s.fr., sigur Bjørt Samuel- sen. Heldur ikki Helena Dam á Neystabø, landsstýris- kvinna í kommunumálum, vil lova hvalbingum fíggjar- ligan stuðul. Hon staðfestir, at ongar greiðar mannagongdir eru um slíkt og at Løgtingið í evstu løtu undir fíggjarlóg- arviðgerðini játtaði skálvík- ingum fíggjarligan stuðul, er bara eitt dømi um, at Løg- tingið ger eina samtykt í óðum verkum, uttan kanska at hugsa ov nógv um, hvat hetta kann føra við sær í longdini og uttan at hugsa um, hvat fordømi hetta skap- ar. Men eisini Helena Dam á Neystabø ásannar, at tað kann vera tórført at nokta hvalbingum stuðul, nú skál- víkingar longu hava fingið. Ongin vil lova hvalbingum somu sømdir, sum skálvíkingar hava fingið Starv sum deildarleiðari fyri Lendi á Umhvørvisstovuni er leyst at søkja. Lendi fyrisitur lóggávu innan matrikulerings- og útskiftingarøkið. Eisini luttekur deildin í fyrisiting innan býarskipan og aðra planlóggávu. Endamálið er at tryggja, at henda lóggáva verður hildin. Arbeiðið umfatar serliga framhaldandi at menna eina vælvirkandi fyrisiting innan matrikulumsiting, marknaáseting og lóggávurøkt. Eisini fatar starvið um matrikulera ráðgeving og kunning innan lendisfyrisiting. Starvið fatar somuleiðis um at menna ein burðardyggan hugburð í samfelagnum, at veita ráðgeving og at menna eina virkna og góða arbeiðsmentan. Førleikar Umsøkjarin skal hava prógv innan landmáting, verkfrøði, løgfrøði ella líknandi frá hægri læristovni. Eisini er tað ein fyrimunur at hava royndir við matrikulerum arbeiði, útskifting og uppmáting. Tað er somuleiðis ein fyrimunur at hava royndir innan leiðslu og fyrisiting, hava góð samstarvsevni og hava hug at menna tað fyrisitingarliga arbeiðið á stovninum. Eisini skal umsøkjari hava góðan telduførleika og málførleika í føroyskum, donskum og enskum. Starvsmøguleikar Vit kunnu bjóða eitt spennandi starv í einum nýskipaðum stovni, nógv samstarv við starvsfelagar og góðar møguleikar fyri persónligari menning. Setan Løn og setanartreytir eru sambært sáttmála ímillum Fíggjarmálaráðið og avvarðandi yrkisfelag. Fyrispurningar Nærri upplýsingar um starvið fáast við at venda sær til: Jákup Paula Joensen, stjóra, jakuppj@us.fo og tlf 34 24 00. Umsókn, saman við prógvum, CV o.l., skal verða Umhvørvisstovuni í hendi innan 25. juni 2008.. Umhvørvisstovan Traðagøta 38 Postboks 2048 FO-165 Argir sansir.fo Umhvørvisstovan er ein nýskipaður stovnur, sum fyrisitur lendismál, tinglýsing, fólkaskráir, náttúru- og umhvørvismál og viðarvøkstur og frílendir. Deildarleiðari fyri Lendi Hvalbingar bíða eftir hjálp Landskassin rindaði ein part av skaðanum, sum ódnin gjørdi í Skálavík í vetur, men ongin í samgonguni vil lova hvalbingum somu sømd­ ir, hóast talan var um nógvar ferðir størri skaða