týsdagur 17. juni 2008síða 43

lýsingartilfar lýsingartilfar Ætlar tú at keypa bil, bjóða vit tær fígging og trygging um eina leið. Tú fert beint inn á bilasøluna, har tú fært landsins bíligastu og skjótastu fígging beinanvegin. Í somu vending avgreiða vit tryggingina. Tú fært lykilin og koyrir avstað. Kongabrúgvin, Postboks 329, FO-110 Tórshavn, Tel 345600, Faks 345601, tf@trygging.fo, www.trygging.fo sansir.fo Lyklaklár fígging og trygging til bilin Puntur nr. 22 Aftan á tveir minnisríkar dagar í Legoland gekk leiðin við bili norðureftir til “Løveparken Givskud Zoo”. Veðrið var av tí fagrasta allan dagin, so tíbetur hevði leigubilurin air-condition. Givskud Zoo er ein modernaður safari djóragarður við hópin av villum djórum, sum ganga leys á stórum fløtum. Tey vitjandi koyra runt í egnum bili ella í einum Safari- bussi. Parkin er býtt sundur í trý stór øki: Suðuramerika, Norður- amerika og Asia. Í hvørjum heimsparti ber til at steðga og spáka sær ein túr millum øll djórini. Eisini eru steðgipláss við smáum sølu- búðum, kioskum og matstovum. Livandi leyvulív Sum navnið sigur, er parkin serliga kend fyri mongu leyvurnar. Hóast tær eru sera vandamiklar, ber til í bili at koyra tætt uppat teimum. Sjálvandi eru trygdarreglurnar sera strangar á hesum avmarkaða økinum. Bilarnir verða sleptir innum ein og ein, og umráðandi er at lata vindeygu og hurðar heilt aftur. Kostnaður: Børn undir 3 ár ókeypis Børn 3-11 ár 80 kr. Vaksin 140 kr. Givskud Zoo og Løvepark Longu heimanífrá bíløgdu og rindaðu vit á Internetinum fyri eina lekra picnic-kurv. Tá svongdin kom á okkum einaferð út á seinnapartin, fóru vit eftir matinum í matstovuni. Síðani funnu vit okkum ein vakran blett í sólini tætt við grillurnar, sum stóðu tendraðar. Í picnic-kurvini vóru moyrir búffar, marineraðar høsnarungabringur, pylsur, salat, flutes, drykkivørur, skaffigreiður og okkurt lekkurt omaná. Mett og væl sett samdust vit um, at hetta var ein hin besta løtan á øllum Danmarkar-túrinum Danhostel Givskud Zoo Vandrerhjem Beint yvirav villu djórunum í Givskud Zoo liggur eitt hugnaligt vallaraheim. Har eru 26 kømur við vesi og bað, umframt tvey stór felagskømur. Morgunmatur og nátturði fáast til keyps í matarhøllini, har stórt sjálvtøkuborð er bæði morgun og kvøld. Eisini er stórur gestakøkur til teirra, sum heldur vilja matgera sjálvi. Kostnaðurin fyri at gista á vallaraheiminum er sera lagaligur, til dømis kostar tað bert 600 kr. fyri fýra fólk eina nátt í familjukamari í háárstíð. Leigan av seingjarklæðum og morgunmatur fáast fyri lítið og lætt. Heimasíða: www.givskudzoo.dk BILLUND - barnabýur burturav Í góðveðrinum á hvítusunnu var Sosialurin fimm dagar í Billund, har vit við barnabrillum og foreldraeygum upplivdu heimskenda legobýin. Fyrstu dagarnar gistu vit á Hotel Legoland og seinni á Hotel Propellen, sum er beint við. Heimanífrá leigaðu vit bil frá 62° N, sum stóð klárur á flogvøllinum í Billund. Ein dag koyrdu vit 20 minuttir norðureftir til Givskud Zoo, og ein annan dag tveir tímar suðureftir til Danfoss Universe á oynni Als. Men alt hetta kunnu tit lesa meira um hesa vikuna í Summarkappingini, har leiðin gongur til Billund. Sosialurin á ferð