mánadagur 30. juni 2008síða 36

36 Nr. 123 - 30. juni 2008 tíðindi Vanliga eru 12 fastbúgvandi mykinesfólk. Men leygardagin øktist talið við 988, tá útoyggjafólk og onnur hittust til stevnu Stevna Snorri Brend snorri@sosialurin.fo Myndir: Jens Kristian Vang Mykines: Hátíðardagur var leygardagin, tá árliga Út­ oyggjastevnan varð hildin í vestastu oyggj okkara. Mett varð, at eini 1000 fólk vóru í Mykinesi henda dagin. Hetta var ikki uttan orsøk, tí veðrið var av tí all­ ar fagrasta til eina slíka stevnu. Stevnan varð sett av Stein­ grimi Abrahamsen, síðani var togtogan millum útoyggj­ arnar, har fugloyingar endur­ vunnu bragdið frá í fjør. Seinnapartin vórðu túrar gjørdir í bygdini, har greitt verður frá ymiskum søgu­ ligum hendingum, m.a. um lívið hjá kenda listamanni­ num, S. J. Mikines. Á skránni vóru annars framsýningar, fyrilestrar og ein spennandi filmssýning við upptøkum frá eldri døg­ um og fram til dagin í dag. Tað er Reðin Leonsson sum hevur gjørt hesar upptøkur í Mykinesi. Hesin filmurin varð vístur í fullsettum skúla fleiri ferðir, og tað var ikki frítt, at fólk tosaðu um, at hetta var hæddarpunktið á stevnuni. Um kvøldið vóru eisini fleiri spennandi tiltøk, m.a. dansur, útifundur og annað. Vanliga búgva 12 fólk í Mykinesi, men henda dagin vóru tey minst 988 fleiri! Enn er ikki avgjørt, hvar næsta Útoyggjastevnan verður. Úr 12 upp í 1000 fólk Steingrím Abrahamsen setur stevnuna við eini røðu, har hann mintist aftur á fyrstu ferð sína til Mykines. Hann vísti eisini á møguleikar, sum bygdin hevur fyri at menna seg í framtíðini Eingin stevna uttan tónleik. Hesir báðir gingu runt í bygdini og hugnaðu um hjá stevnugestunum Ein av ídnu stríðsmonnunum fyri útoyggjunum er Tummas Frank Joensen úr Skúvoy, sum her er avmyndaður saman við konuni. – Henda stevnan vísir, at tað er dugur í útoyggjafólki, sigur hann Húsini hjá Reðini vóru eitt savningarstað hjá mongum gestum Jens Kjeld Jensen greiddi frá um fuglalívið í Mykinesi. Í somu hølum var eisini ein málningaframsýning við verkum eftir kenda mykines-málarin S. J. Mikines Fólk úr øllum landinum vóru komin til Útoyggjastevnuna – eisini úr Skúvoy