mikudagur 30. juli 2008síða 21

Nr. 143 - 30. juli 2008 21 tíðindi Búi Dam og Dánjal á Neystabø hava við Ævintýrferðini givið børnunum eitt ógloymandi upplivilsi og eitt tónlistarligt »pappkassa-show« av aðrari verð Leikur Dagfinn Olsen dagfinn@sosialurin.fo Búi og Dánjal framførdu á ólavsøku Ævitýrferðina, hitt fantastiska orkestrið. Hetta er í veruleikanum eitt leikslag, sum hevur verið burturgoymt ov longi, tí tað er longi ímillum leiktiltøk­ ini, ið eru ætlað børnum, og neyvan er slíkt av álvara sæð, síðani Gríma ferðaðist kring landið. Og yvirhøvur er saknur í ferðandi leik­ fólki. Men ævintýrferðin er eitt upplivilsi í nútímans leiklist og barnsligum frælsi, so tað er ein fragd fyri bæði børn og vaksin. Teir megna at skapa ein hugaheim við leiki og sangi, tí ­ sum teir sjálvir siga ­ ein skal bara nýta »pippið«. Og ger ein tað, so er onki óført, og tað vóru óivað fá, ið t.d. ikki ímyndaðu sær spikafeita grísin, sum teir myndaðu í tómari luft, ella húsini hjá tarvinum, sum var so illsintur, at hann njós­ aði av øði. Børnini hava ikki bert hyggjaraleiklut, men sleppa at luttaka og vegleiða og seta dám á framførsluna, og Búi og Dánjal lofta hegnis­ liga hugskotunum. Men stuttligt er eisini, at tað er loyvt at siga og syngja t.d. »rumpan er reyð«, og so mangt annað, og tá mun­ urin á gentm og drongjum var á breddanum, so vísti hetta eisini, at børnini eru við á hesum økinum. Hetta eru nýggir tónar í barnaleiki í Føroyum, men so hegnis­ liga gjørt í »barnahædd«, at ongin tekur sær tykni av tí. Og sangurin, sum at enda í framførsluni verður gjør­ dur saman við børnunum, og sum kann hoyrast uttan­ fyri eftir framførsluna, er eitt virðilgt punktum fyri livandi ævintýrferðina, har børn og vaksin sleppa at royna hugflog og flyta mørk. Hattin av fyri ferðaleið­ arunum báðum undir hatti; Búa og Danjali. Hanus G. Johansen og Stanley Samuel- sen spældu í Miðla- húsinum ólavsøkudag klokkan 18, og hetta savnaði so nógv fólk, sum ongantíð áður i húsinum, og teir báðir livdu lættliga upp til tann heiður, sum Miðlahúsið fyrr á degnum hevði latið teimum við Listavirðisløn Miðlahúsins ÓLavsøka Dagfinn Olsen dagfinn@sosialurin.fo Ólavsøkudag fingu tveir av fremstu vísusangarum okk­ ara Listavirðisløn Miðlahús­ ins á 50.000 krónur í part. Hanus G. Johansen og Stan­ ley Samuelsen fingu hend­ an heiður og hesa viður­ kenning, og seinni á kvøldi, klokkan 18, stóðu teir á plakatini at skula hava kon­ sert saman í Miðlahúsin­ um. At hesir báðir troubadour­ arnir leika við sama høvi er stórhending, og hetta vóru tað eisni mong, ið hildu, tí so nógv fólk hevði leitað sær í Miðlahúsið til konsert­ ina, at hetta er ein hin størsta fjøld, sum hevur ver­ ið í húsinum. Hanus og Stanley spældu fleiri av sínum perlum. Hes­ ar vísur, ið eru fólkaogn, og saman spældu og sungu teir Blóma Mín hjá Poul F., sum Hanus hevur sett lag til. Hanus hugtók við sínum orkumiklu tulkingum og Stanley gjørdi lurtaran enn einaferð bilsnan av frálíka guitarspælinum, sum hann megnar at leggja undir fram­ førslurnar. Teir báðir skuffaðu ikki tey, ið høvdu megnað at fáa sær pláss í Miðlahúsinum, ella úti í Miðlagarðinum, tí hesin tímin gjørdist eitt perluband av kendum vís­ um, ið tveir av fremstu vísu­ sangarum í landinum fram­ førdu, meðan sólin bakaði uttanfyri, men inni fór eis­ ini heitur ylur gjøgnum lur­ tarafjøldina, tá løg sum t.d. »Um Eg Kundi Kvøðið« og »Blóma Mín« ljómaðu. Lóvabrestirnir prógvaðu eisni, at hesir vísusangar­ arnir fáa viðurkenning frá lurtarafjøldini, og tað fløvar oivað eisini hjørtu teirra, eins og meira almennar viðurkenningar gera tað. Hanus og Stanley fyltu Miðlahúsið Stanley og Hanus fyltu Miðlahúsið ólavsøkudag (Mynd: D. Olsen) Ævintýrkend ævintýrferð Fitt av fólki hevði leitað sær í Miðahúsið ólavsøkuaftan fyri at hoyra Lenu og Niclas, og hetta gjørdist eisini ein hugnaløta við góðum tónleiki ÓLavsøka Dagfinn Olsen dagfinn@sosialurin.fo Eftir ein steðg, har føroy­ ingar ikki hava hoyrt so nógv til Lenu Andersen og Niclas Johannesen, er gott at uppliva tey bæði aftur á føroysku pallun­ um. Tey hava havt nakrar framførslur um ólav­ søkuna, og ólavsøkuaftan klokkan 22 framførdu tey í Miðlahúsinum. Intimkonsert er fyrsta orðið, ið kemur til hugs, tí umframt tónleikadygd, so var hugnin í hásæti hesa løtuna við tonleiki, livandi ljósum og eini lurtarafjøld, ið heilt týðuliga neyt tónlekin. Sum vant spældi Niclas undir, meðan Lena sang, men Lena tók eisini guitaran í hond. Vøkur løg og vøkur rødd, og so tykist tað eisini, sum spæligleðin veruliga er til staðar. Hetta var bert eitt av mongum tiltøkum í Miðla­ húsinum, tí umframt Lenu, so spældu eisini Spæli­ menninir og Stanley og Hanus í Miðlahúsinum ólavsøkudagarnar, men konsertin við Lenu var hin einasta, ið lá so seint á kvøldi. Og hetta riggaði væl, tí huglagið var tað rættað, har tónleikur, hugni og livandi ljós rakk hægri eind. Ongin ivi tykist vera um, at Lena er aftur á før­ oyskum pallunum við spæligleði og orku, ið smittar, og tað er at fegnast um. Lena og Niclas við ólavsøkuhugna Ævintýrferðin er eitt upplivilsi í nútímans leiklist og barnsligum frælsi, so tað er ein fragd fyri bæði børn og vaksin (Mynd; Dagfinn Olsen) Ólavsøkuaftan framførdu Lena og Niclas í Miðlahúsinum (Mynd: D. Olsen)