mánadagur 11. august 2008síða 4

4 Nr. 151 - 11. august 2008 tíðindi Leygardagur er familjudagur á Summ­ ar Festivalinum. Í ár byrjaði dagurin við barnatiltakið og donsku X­Factor stjørnuni, Basim SUMMAR­FESTIVALUR­ Dorit Hansen dorit@sosialurin.fo Summar Festivalurin er ein familjuvinarligur festivalur, og í ár vóru tilboðini til børnini enn fleiri enn undan­ farin ár. Silvalandið var størri og hevði sín egna pall, og hóast uppblástu spælistøðini tókt­ ust eitt sindur fantasileys, so vóru nógv børn inni á økinum, regluligt undirhald var á Silvapallinum, og ikki minst einfaldi sandkassin var ein frístaður fyri smá­ barnafamiljur. Framvið spæliøkinum vóru telt, har serliga gentir sóu út til at hugna sær. Har kundu tær fáa hárið flættað, ymiskt pynt var til sølu og eisini var ein hugnalig slikkipinna­verksmiðja. Teldukafein uttan fyri Før­ oya Tele var hinvegin alla tíðina full av dreingjum. Trøllaommu slagarar Okkurt árið hevur barna­ tiltakið á stóra palli verið sera stórt og umfatandi, men soleiðis var ikki í ár. Kanska tí at raðfestingin er øðrvísi við fleiri smærri til­ tøkum á Silvapallinum og áðurnevndu tilboðum til børnini. Í øllum førum var bara ein hálvur tími settur av til barnaundirhald leyg­ ardag seinnapart. Trøllapætur, omman og nokk­so nýggja ommudidd­ an áttu pallin hesa løtuna. Og børnini er eftir øllum at døma ikki troytt av trøllu­ num enn. Børnini sungu minst líka væl við til ommu­ slagarnar, sum tey vaksnu høvdu sungið til Dynamitt kvøldið fyri. Omman var vill og festlig sum altíð, Trøllapætur sá næstan eitt sindur vaksin út við fínum urið á arminum, og lítla ommudiddan fekk næstan ikki armarnar upp um sítt stóra høvd. Hóast ommudiddan er ker, so hava børnini ikki sama alsk til hana sum ommuna, og tey sungu nógv betur við til hálvgomlu løgini hjá ommuni enn til hypermodernaða ommu­ diddulagið. X-Factor stjørnan Tað var fitt av fólki savnað til barnatiltakið, kanska mest yngri børn og mamm­ ur, pápar, ommur og abbar. Áftaná Trøllapætur var Basim á skránni, og í paus­ uni smoygdu ein rúgva av størri gentum sær millum barnavognarnar og heilt framm í móti pallinum. Hetta var bara onnur live­ konsertin hjá Basim, og fyrsta stakfløgan frá kom­ andi fløgu hansara kom var komin út dagin fyri. Men hóast hann bara er 16 ár og næstan ongar royndir hevur, so sást hetta næstan ikki á honum. Tað er okkurt Michael­ Jackson­kent yvir hesum unga ný­dananum. Ikki tí hann kemur uppá knøini á amerikansku stjørnuni í musikaliteti, men saman­ blandingin av sakleysum sangum um eina betri verð og eggjandi løgum og rørslum var eitt sindur Jacksonslig. Dómarnir í X­factor hava sagt tað so ofta, at tað er eingin grund at endurtaka tað. Men Basim hevur eina sjarmu og eitt sjálvsálit, sum røkkur langt. Sangirnir vóru nýggir og ókendir, men genturnar klappaðu og sungu við. Hann smíltist og tær skríggjaðu. Tað var júst sum tað skuldi vera. Genturnar fingu Basim Framførslan hjá Guðrið Hansdóttir á summarfestivalinum smakkaði av meira ­ hon var sikkur, herlig og svingandi SUMMAR­FESTIVALUR­ Rigmor Dam rigmor@sosialurin.fo Guðrið Hansdóttir fylti Flagsteltið og oyruni hjá áhoyrarunum á Summar­ festivalinum við deiligu djevilssettu rødd og rútmum sínum. Guðrið Hansdóttir hevur eitt yvirlekkurt, rátt, humoristiskt og gjøg­ nummusikalskt groove. Sigast skal, at ummælari tygara er eitt sindur ógegn­ ig, tí Guðrið Hansdóttir er frammanundan sera høgt í metum her í firmanum og fastur gestur í oyralurtinum, tá kreativiteturin skal spretta. Guðrið framførdi bæði nýggj og eldri løg, og gott hevði verið, um løgini vóru fleiri og framførslan drúgv­ ari. Við gittarbukandi akust­ iska folk/rock protestsliga ljóðinum koma nøvn sum Alanis Morisette, Kate Bush, Janis Joplin, Susan Vega og Joan Baez fram fyri meg. Og tað er bæði herligt, stuttligt, svingandi og nýskapandi fyri føroysk­ an vísu­ og fólkatónleik við einari sum Guðrið, sum eisini er er ein dýrgripur fyri málbólkin, sum undir­ ritaða avgjørt er partur av. Koyr á Guðrið ­ tú ert bara for góð. Guðrið er ein gáva Hetta var bara onnur live- konsertin hjá 16 ára gamla Basim. Men tað hvørki hoyrdist ella sást á unga dananum, sum fekk øll hjørta at smelta Ungu genturnar áttu Vágsbø hesa løtuna, og Basim skuffaði ikki Summarfestivalurin 2008 er farin aftur um bak og eydnaðist væl SUMMAR­FESTIVALUR­ Dagfinn Olsen dagfinn@sosialurin.fo Summar Festivalurin fór fram í besta veðrið hóskvøld og allan fríggjakvøldið. Fangandi framførslur, og ikki minst Silvalandið og framførslurnar fyri børnum, gjørdu festivalin fólksligan og góðan fyri allar aldurs­ bólkar. Veðrið gjørdist verri út á leygardagin, men við at framskunda konsertirnar eydnaðist at bjarga degnum og festivalupplivingini, áðr­ enn vindur og regn løgdu lok á. Á næstu síðunum, og longri afturi í blaðnum, siga vit frá framførslunum á festivalinum. Myndirnar hava Álvur Haraldsen, Mur­ eldur og Jóannes Poulsen tikið. Fólksligur Summar Festivalur