mikudagur 13. august 2008síða 4

4 tíðindi Nr. 153 - 13. august 2008 Í næstum fáa tey sirkus-hugaðu vitjan av Cirkus Baldoni, sum fer at hava seks framførslur kring landið. Her verður nógv spennandi at uppliva og síggja hjá børnum og vaksnum SirkuS Snorri Brend snorri@sosialurin.fo Mong eru tey, sum hava ver­ ið til sirkus­framførslur í útlondum. Men tað er ein meiri rár hending at møgu­ leiki er fyri hesum á heima­ vøll. Cirkus Baldoni úr Dan­ mark kann nú bjóða familj­ uni til eina spennandi upp­ living við stuttleika, spenn­ ingi og framúr undirhaldi í Klaksvík, á Giljanesi, Vági, Tvøroyri og í Havn. Frá mánadegi 1. septem­ ber til mikudagin 16. sep­ tember verður møguleiki fyri at uppliva eina tveir tíma langa sýning í góðum sirkushuglagi við manesju, palltjøldum við leiktjaldi, beinkjum og ikki minst ljó­ si og ljósútbúnaði. Millum tey spennandi til­ tøkini verður á fyrsta sinni í søguni hjá Cirkus Baldoni møguleiki at uppliva eitt spennandi deyðshjól. Her fer sirkusleikarin at renna ovast uppi og inni í einum risastórum metalhjóli, sum melur heilt upp í 8 metra hædd. Tvíburahópur úr Kina Eitt annað innslag í longu skránni er GaoChen­hópur­ in, ið fer at hava eina akro­ batiska fylkingarframførs­ lu, sum hann fekk heiðurs­ løn fyri á sirkusfestivalinum í París. At gera akrobatikk í slow­ motion er sera trupult, og tað krevur týðandi krops­ styrki. Her eru rástyrki og yndi sameind í eini yndislig­ ari framførslu. Í hópinum eru tvinnir tví­ burar, sum eru giftir hvør við øðrum. Øll hava slitið barnaskógvarnar í kinesiska Statssirkusinum og hava síð­ an ferðast runt bæði í Asia, Amerika og Evropa. Chen­ brøðurnir hava eitt nú fram­ ført í tí víðagitna Cirque de Soleil. Gao­systrarnar stan­ da í Guiness Book of Records við einum av sínum javnvøguframførsl­ um. GaoChen­hópurin fer eisi­ ni at vísa tann sermerkta leyvudansin saman við eini diabolo­jonglering. Stuttligir akrobatar Tað er altíð stórur fagnaður, tá ið Freddi Steckel og Thes­ sa Daniella úr Danmark bla­ ka seg sjálv og hvørt annað út í eina cascadeur­fram­ førslu. Henda framførslan er á tremur við sínámillum argi og misskiljingum, har ið tey gloyma at lofta hvør øðr­ um, missa hvørt annað og glíða undir og oman á hvørt annað. At súkkla duga øll. Men til at halda javnvágini krevst meira enn bert at taka stuðulshjólini burtur. At hal­ da javnvágini á eini súkklu í 3 metra hædd á tveimum bóltum uppi á einum stætti er ein avbjóðing, sum bert tey fægstu munnu megna. Sjálvandi eru eisini klovn­ ar, sum fáa bæði stór og smá at flenna í kíki, og tað er í tí sermerkta crazy stíli­ num, sum eyðkennir Cirkus Baldoni. Gjøgnum alla framførsl­ una roynir klovnurin Danilo at tekkjast sirkusstjóranum fyri at vísa, at hann er ómiss­ andi, og saman við Ib Ibber­ mand arga teir Thomsen manesjutænara, sum stríðist fyri at halda skil á, men tað nyttar lítið. Á skránni er eisini ein framlig og talandi leyva, Leonardo, sum er kelivættið hjá børnunum. Hon elskar at arga Baldoni sirkus­ stjóra. Sagt verður, at Cirkus Baldoni hevur sett sýningina soleiðis saman, at børnini ikki keða seg og tí hava bindindi at sita. Kunnað verður um framførsluna á donskum og enskum við stuttligum viðmerkingum á landsmálinum. Deyðshjól í átta metrar hædd Bæði børn og vaksin kunnu gleða seg til eina spennandi framførslu, tá Cirkus Baldoni vitjar í næsta mánaði Heimamissiónsforlagið gev­ ur í hesum døgum út tvær savnsfløgur við Magna Christiansen. Allar fløgurnar, uttan jóla­ fløgan, sum fyrr eru útkomn­ ar við Magna Christiansen, eru nú savnaðar á tveimum fløgum við heitinum “Eg vil ikki tiga”. Á fløgunum eru 43 sang­ ir, og kosta tær 199 krónur. Fløgurnar kunnu keypast á heimasíðuni hjá Heima­ missiónsforlagnum www. hmf.fo, ella við at ringja til Heimamissiónina tlf. 470000 og á vanligu støðu­ num runt landið. sb. Øll løgini við Magni Christiansen verða nú savnaði á tveimum fløgum Magni vil ikki tiga Brendi seg í heitari keldu Tey, sum hava verið í Íslandi og hava vitjað tær heitu keldurnar, vita, at vatnið har er kókandi heitt. Tað visti ein spanskur ferðamaður eftir øllum at døma ikki, tá hann í gjár steig út í eina av teimum heitu keldunum nærhendis teirri kendu Geysir. Íslendsku bløðini skriva, at maðurin stóð upp undir øklar í tí glóðheita vatninum og at hann mátti alt fyri eitt flytast á skaðastovuna á Selfossi, har ahnn fekk viðgerð fyri brunasárini. Skriðulop á Múlavegnum Seinnapartin var mangt sum bendi á, at vegurin til Viðareiðis fór at verða stongdur. Áirnar fóru upp um vegbreytina, eins og vandi var fyri skriðulopi. Tann sjey kilometrar langi Múlavegurin var kortini hann, ið veruliga merkti til áarførið. Seinnapartin í gjár varð hann nevniliga stongdur fyri allari ferðslu, orsakað av einum skriðulopi. Her var eitt rættiliga stórt lop farið, omanfyri landsvegin og allan vegin til havs. Eingin skaði hendi tíbetur, helst tí at ferðslan er rættiliga avmarkað eftir hesum vegastrekkinum. Í gjárkvøldið boðaði Landsverk frá, at koyrilíkindini á Viðareiðisvegnum vóru góð aftur, men at Múlavegurin framvegis var stongdur.