týsdagur 9. september 2008síða 34

34 Nr. 172 - 9. september 2008 heilsanir Góði Hans Jacob Tillukku við tí stóra degnum. Heilsan frá okkum á Bóndaheygi Ein heilsan til mammu mína, Johild á Løgmansbø, á hennara 80 ára føðingardegi Hendur ei sleptu Hendur, sum bóru meg bróstinum at, hendur, sum turkaðu tár, tá eg græt, ballaðu, kíndu, signaðu meg, alt hetta, mamma, enn minnist eg. Hendur, sum seymaðu klæðir til mín, vaskaðu, struku tað hvíta lín, hendur, sum knoðaðu deiggið til breyð, minnini bestu, tá vit vóru sjey. Hendur, sum bundu pløggini nógv, tá ið vit, dreingir, vandust við sjógv, troyggjur og hosir bant tú so lætt, skjótt lærdu vit alt um rangt og um rætt. Tú seymaði kjólar, nógvar á rað, “til mínar prinsessur”, segði tú glað, og hvør ein løta, tú tók tær lætt, fór til at bøta tað, sum var skrætt. Tíðin skjótt stjelur alt tað, sum var, men, góða mamma, tolin tú bar, minnini bestu gerast skjótt bleik, eitt minnast vit tó, aldri tú sveik. Hendur ei sleptu, røkka væl enn, tíni børn eru nú kvinnur og menn, elskaða mamma, nú sól fer í kav, takk fyri lívið, tú okkum gav. V.á. L. 6/8-08 Góða fitta Flykra Hjartaliga tillukku á 3 ára føðingardegnum. Ynskja Alda, Tinna og Rókur Góða Flykra Hjartaliga tillukku á 3 ára degnum. Ynskja omma og abbi í Nólsoy Góði fitti abbi Vit báðir senda tær eina heilsan úr Århus. Hjartaliga tillukku við 60 ára degnum og 1000 takk fyri seinast! Hopa tú og omma hava tað gott og at vit síggjast skjótt aftur. Mamma og babba siga eisini tillukku. Alt tað besta Tristan og Elliott Ja takk! Eg ynski at tekna meg sum haldara av Sosialinum, og fái blaðið borið út 5 ferðir um vikuna Navn: Bústaður: Bygd / býur: Telefon: Undirskrift: Verður sent ópostað. Sosialurin rindar postgjaldið 64 altíð við tí nýggjasta! Send til: Sosialurin · Boks 76 · FO-110 Tórshavn 495,- um ársfjórðingin