mikudagur 1. oktober 2008síða 2

2 Nr. 188 - 1. oktober 2008 Stutt Sagt Palin missir undirtøku Sambært amerikonskum fjølmiðlum hevur republ­ ikanska forsetavalevnið, John McCain, biðið sítt varaforsetavalevni, Sarah Pahlin, leggja størri dent á at lýsa tey ymsu viðurskiftini, tá hon fær spurningar frá tíðindafólki um mangt og hvat. Tað er almenn uppfatan, at Sarah Palin hevur ofta verið ógvuliga óneyv og grunn, tá hon hevur svarað spunringum frá tíðinda­ fólki, men sambært sjón­ varpinum NBC vil McCain hava hana at vera meiri neyva í framtíðini. Meiningakanningar í USA vísa, at Sarah Palin er ikki so væl umtókt nú, sum hon var, tá hon bleiv tilnevnd varaforsetaval­ evni. Tá vísti ein kanning, at tey, sum hildu av henni, vóru 20 prosernt fleiri enn tey, sum ikki hildu hana vera egnaða, men sambært einari nýggjari kanning hjá NBC er hesin munurin nú tódnaður niður í seks prosent. Millum annað vísir kanningin, at tað eru ser­ liga teir kvinnuligu velj­ ararnir, sum halda minni av henni nú. Pávin brúkar sólorku Benedikt pávi og hinir leiðararnir í Vatikaninum hava gjørt av at brúka meiri sólorku fyri at spara pening, og fyri at Vatik­ anið kann ganga undan sum ein góð fyrimynd, tá tað snýr seg um ar brúka varandi orkukeldur og at verja umhvørvið. Í hesum døgum eru menn í ferð við at seta ikki færri enn 2.700 sól­ skermar upp á takið á Vati­ kaninum, og burtur úr teimum væntar Vatikanið at fáa 300.000 kilowattím­ ar um árið, sum so skulu brúkast til ljós og hita og til at køla. Eitt nú er ofta neyðugt við køling, tá konsertir eru í tí stóra salinum, sum tekur 6.300 áhoyrarar, skrivar AFP. SAMBAND árNi joeNSeN fArtekSt@MAil.Dk - Pakistan er hótt og kann fara í upploysn, verða tær víðgongdu kreftirnar í landinum ikki steðgaðar David Petraeus, generalur útlond Ein 16 ára gamal drongur í London slapp livandi frá ein­ ari knívsstungu í pannuna Tann 16 ára gamli drongurin bleiv stungin í høvdið, tá hann og tveir vinmenn royndu at forða einum inn­ broti í býarpartinum Wal­ worth í London. Ein av inn­ brotsmonnunum stakk tann 16 ára gamla í pannuna. Hann bleiv alt fyri eitt koyrdur á sjúkrahús, og har vístu røntgenmyndir, at knívurin var farin 12,7 centi­ metrar inn í høvdið. Kortini slapp drongurin frá álopin­ um uttan stórvegis mein. Læknanir siga tó, at hann skal koma á sjúkrahúsið til kanningar nakrar ferðir. Løgreglan tók ein 17 ára gamlan og skuldsetti hann fyri at hava stungið tann 16 ára gamla. Hann er dømdur og bíðar nú eftir revsingini, sigur BBC. Tilburðurin er bara ein av mongum, sum hava verið í London í seinastuni, og sum hava kostað fleiri ung­ um lívið. Mikhail Gorbatjov, sum var tann seinasti leiðarin í tí gamla Sovjetsamveldinum, ætlar sær at læra russar at brúka frælsið Tann nú 77 ára gamli Mik­ hail Gorbatjov hevur ongan hug at seta seg afturá, hóast árini eru komin. Við hjálp frá ríkmanninum Aleksandr Lebedev ætlar hann sær at stovna ein nýggjan politisk­ an flokk, sum skal vera óheftur av Kreml. Mikhail Gorbatjov bleiv heiðraður um allan heiumin fyri at hava givið londunum í Eysturevropa demokrati, og í 1990 fekk hann Nobel­ friðarheiðurslønina fyri arbeiði sítt. Men heima í tí gamla Sovjetsamveldinum var hann als ikki væl umtóktur, tí sovjetska upp­ loysnin í 1991 gjørdi gerand­ isdagin hjá russum truplan við búskaparligum og politiskum ruðuleika. Tað sást eisini í 1996, tá Gorba­ tjov stillaði upp til forseta. Bara 0,5 prosent av veljarun­ um atkvøddu fyri honum. Kortini er Gorbatjov eftir øllum at døma høvuðsmað­ urin aftan fyri ein nýggjan flokk, sum hann skipar sam­ an við ríkmanninum Aleks­ andr Lebedev. Og sambært Lebedev hevur Gorbatjov ein boðskap: ­ Hann gav fólki okkara frælsi, men vit vita ikki, hvussu vit skulu brúka tað, skrivar Lebedev á heimasíðu síni sambært NTB. Tann nýggi flokkurin hev­ ur fingið heitið „Tann óhefti demokratiski flokkurin“ og hevur sett sær fyri at virka fyri løgfrøðiligum og bú­ skaparligum nýskipanum, fleiri óheftum fjølmiðlum og einum sterkari tjóðar­ tingi. Sjálvur ætlar Gorba­ tjov sær ikki á ting, tí hann vil heldur hava yngri kreftir á politiska pallin, sigur Lebedev. Stendur aftur í botni í Zimbabwe Hóast semju millum stjórnarflokkin og and­ støðuna um valdsbýtið gongst illa at skipa stjórn í Zimbabwe Í gjár royndu teir báðir leiðararnir, Robert Muga­ be, forseti, og Morgan Tsvangirai, andstøðuleið­ ari, at finna eina semju, men til fánýtis. Sambært keldum hjá andstøðuni endaði fundurin úrslita­ leysur, tá Mugabe kom við einum uppskoti um, at andstøðan kann fáa nøkur minni týðandi málsøki at umsita. ­ Eftir hansara tykki skal hansara flokkur umsita øll tey týdningar­ mestu málsøkini so sum fíggjarmál, innanríkismál og lógarmál. Tað hevði gjørt andstøðuflokkin MDC til ein viðfáning í stjórnini, sigur ein andstøðukelda við BBC. Mugabe hevur fyrr sagt, at tann nýggja stjórn­ in skuldi skipast fyrra­ dagin, men sambært and­ støðukeldum standa sam­ ráðingarnar í botni nú. Gorbatsjov skipar nýggjan flokk Mikhail Gorbatjov er 77, men hevur ikki slept politikkinum Mynd: Polfoto Knívurin fór 13 cm inn í høvdið Røntgenmyndirnar vísa, at alt blaðið fór innum Mynd: Reuters