týsdagur 14. oktober 2008síða 2

2 tíðindi Nr. 197 - 14. oktober 2008 Illgruni um fosfat í klippfiski Norska matvørueftirlitið kannar illgruna um, at norsk virkir hava brúkt fosfat, tá tey hava virkað klippfisk. Kanningin er sett í verk eftir áheitan frá ESA, sum er eftirlitsstovnurin hjá EFTA-felagsskapinum, ið Noreg er limur í. Fosfat bindur vatnið í fiskinum og økir tískil vektina, og tað er ólógligt sambært reglunum, skrivar Dagsavisen. Onnur siga, at fosfatið verður brúkt fyri at fáa blóðið úr fiskinum. Matvørueftirlitið sigur, at ESA hevur fingið eina kæru um, at norsk klippfiskavirkir hava brúkt fosfat, men eftirlitið veit ikki, hvør hevur kært, skrivar Ålesund- blaðið Sunnmørsposten. Ov nógv fosfat er í norskum klippfiski (Mynd: Sunnmørsposten) Bryggjarí í gjaldssteðgi Leiðslan í grønlendska bryggjarínum Greenland Brewhouse kunngjørdi í gjár, at fyritøkan er farin í gjaldssteðg. Sambært grønlendskum fjølmiðlum hevur bryggjaríið havt trupulleikar í seinastuni, og við fráboðanini um gjaldssteðg hevur leiðslan tríggjar mánaðir til at finna eina loysn. Greenland Brewhouse hevði umleið tvær milliónir krónur í halli í fjør. Tað komst í høvuðsheitum av trupulleikum við framleiðsluni og vantandi sølu í Danmark. Tann almenni grønlendski íleggingargrunnurin Greenland Venture eigur 49,5 prosent av Greenland Brewhouse. Nýggja Rás2 helt í gjár sín fyrsta føð­ing­ ardag, og á degnum var stað­fest, at pláss er fyri Rás2 í føroyska mið­laheiminum, og fólk taka væl undir við­ rásini Rás2 Eyðun Klakstein eydun@sosialurin.fo Mánadagin markeraði Rás2 sín 1 ára føðingardag. Tað varð gjørt við serligari føð- ingardagssending á Rás2, og í Miðlahúsinum, har útvarps- støðin heldur til, var opið hús. Fitt av fólki leitaði sær inn á gólvið til kaffi og føðingar- dagskøku, og lagið var gott á vertum og gestum. - Vit merkja ein stóran áhuga fyri Rás2 frá bæði lurt- arum og lýsarum, og tað gevur okkum mót upp á at halda fram við rásini. Fyrsta árið hevur gingið væl, og eg haldi eisini, at útlitini eru hampuliga góð, sigur Jon- hard Hammer, stjóri á Rás2. Rás2 hevur sent undir nýggju eigarunum síðani fyrst í oktober mánaði í fjør. Rásin sendir hvønn dag, og serliga gerandisdagar eru nógvar sendingar á skránni. Nú stendur nýggjur vetur fyri framman, og leiðslan á Rás2 hevur boðað frá, at ymiskt nýtt verður á skránni næstu mánaðirnar. - Vit skulu framhaldandi verða tann fríska útvarps- støðin, sum ger útvarp her- og-nú, sigur Jonhard Hamm- er, stjóri. Fyrsta árið lagt afturum