mikudagur 15. oktober 2008síða 7

7 tíðindi Nr. 198 - 15. oktober 2008 Eftirspurningurin eftir grundøkjum í Nes kommunu var stórur í 2007, men nú vísir tað seg, at fleiri av teimum, sum standa á bíðilista, kortini ikki hava ætlanir um at byggja beint nú. Tó eru framvegis nøkur sethús í gerð í kommununi SethúSabygging Vilmund Jacobsen vilmund@sosialurin.fo Í vikuni hevur Nes komm­ una borið í hvørt hús ein samandrátt av ársroknskap­ inum hjá kommununi fyri 2007. Við í hesum tilfari eru áhugaverd tíðindi um ymiskt, sum fyriferst í kommununi. Í partinum um búsetingar fegnast kommunan um, at ferð aftur kom á sethúsa­ byggingina í 2007, tá fleiri sethús vórðu bygd. Haraftrat eru nøkur aftrat í gerð, sum eru og verða liðug í ár. ­ Eftirspurningurin eftir grundøkjum var og er stór­ ur, men tó vísir tað seg, at fleiri av teimum, sum standa á bíðilista, kortini ikki hava ætlanir um at byggja beint nú. Kommunan vísir á, at fleiri umsóknir um byggi­ loyvi tó eru játtaðar í útstykkingini Kvíggjar­ heygg/ Gadd. ­ Her eru eisini nøkur sethús í gerð, og vónandi eydnast tað teimum, sum hava fingið byggiloyvi, at fara undir byggingina. Onnur øki Aftrat umsóknum, sum vísa til økir, har útstykkingar eru framdar, hava fleiri borgarar eisini biðið um grundøkir ymsastaðni í kommununi fram við kommunuvegum. ­ Talan er soleiðis um umsóknir um grundøkir bæði á Toftum og á Nesi, har landsvegurin frá Agn­ inum og út á Líðarenda er vorðin kommunalur í 2007. Nes kommuna sigur, at um ein borgari skal keypa eitt grundøki uttanfyri eina útstykking, er skipanin hon í dag, at borgarin sendir umsókn til kommununa, sum síðan keypir grundøkið frá Búnaðarstovuni og selir tað víðari til umsøkjaran. ­ Tað er bert í teimum førum, tá talan er um upppí­ skoytisstykki, at umsøkjarin kann keypa beinleiðis frá Búnaðarstovuni. Fólkatalið veksur Í 2007 vaks fólkatalið í Nes kommunu úr 1.235 upp í 1.248 fólk. 22 børn vórðu fødd hetta árið og 14 andaðust. Nes kommuna vísir á, at tilflytingin til kommununa var 69, og av hesum komu 27 úr útlandinum og 42 úr øðrum kommunum í Føroy­ um. ­ 64 fólk fluttu úr komm­ ununi, harav 33 fluttu til út­ landið og 31 til aðrar komm­ unur í Føroyum. Samanumtikið var talan í 2007 um ein nettovøksturin í fólkatalinum í Nes kommunu upp á 13. Nógv er bygt og fólkatalið veksur Nógv hevur verið bygt á Toftum og á Nesi seinastu tíðina, men nú er líkt til, at fólk aftrat seg við at seta føtur undir egið borð Mynd: Vilmund Jacobsen Økið við Rætt er planerað til tríggjar hallir, sum byggiloyvi er játtað til. Hin fyrsta er liðug, og fundamentið er stoypt til ta næstu. Hin triðja verður bygd í 2009, sigur Nes kommuna havnalag Vilmund Jacobsen vilmund@sosialurin.fo Sum fyrsta kommuna í landinum, hevur Nes kommuna gjørt eina mót­ tøkuskipan á havnaøkinum við fýra bingjum til rusk frá skipum og bátum. Her sleppa fiski­ og útróðrar­ menn av við alt vanligt rusk, eitt nú jarn, net, trol, línu, akkumulatorar og annað. ­ Skip og reiðaríir hava verið væl nøgd við hesa skipan, sigur Nes kommuna, sum eisini hevur tveir olju­ tangar á havnalagnum til móttøku av spillolju. Í samandrátti í ársrokn­ skapinum hjá kommununi fyri 2007 verður eisini víst á, at Tofta havn uppfyllir heilsufrøðilig krøv, sum sett verða til havnir, og er soleiðis vorðin ISPS­góð­ kend. Atløgusíða Í 2006 gjørdi Nes kommuna sáttmála við J&K Petersen um gerð av atløgusíðu millum Toftagjógv og bryggjuna á Nyki upp á 94 metrar við 7­8 metra dýpi. ­ Hetta arbeiði er liðugt, og varð havnin tikin í nýtslu fyrr í ár. Fyri at fáa grót til atløgusíðuna frá Toftagjógv og norðureftir, fór komm­ unan undir arbeiði at gera havnalagið við Rætt, sum er økið millum Rætt og Saltnes. ­ Hetta byrjaði í 2007. Eitt økið upp á 150 metrar er sprongt, og neyðug nøgd av gróti varð tikin til ífyllu til nýggju atløgusíðuna. Restin av grótinum er farin til planering á staðnum. Økið við Rætt Nes kommuna vísir á, at grót til økið við Rætt eisini er komið aðrastaðni, eitt nú frá arbeiðnum við Lýðars­ veg. ­ Økið við Rætt er planer­ að til tríggjar hallir, sum byggiloyvi er játtað til. Hin fyrsta er liðug, og funda­ mentið er stoypt til ta næstu. Hin triðja verður bygd í 2009, sigur kommunan í síni frágreiðing. Ein orsøk til, at Høganes-ætlanin ikki er komin longri er, at Skálafjarð- artunnilin ikki er avkláraður høganeS-ætlan Vilmund Jacobsen vilmund@sosialurin.fo Í sínum samandrátti av árs­ roknskapinum fyri 2007, ásannar Nes kommuna, at gongd ikki kom á útstykk­ ingina av Høganes­ ætlanini í 2007. Henda ætlan røkkur undan Høganesi og oman til Løkin. Eitt uppskot til fyrsta byggistig í hesi ætl­ an varð lagt fram á Hotel Sjómansheiminum í Runa­ vík í 2007. Nógv fólk møttu upp til framløguna. Eingin avkláring Nes kommuna noyðist kortini at ásanna, at ein av orsøkunum til, at verulig gongd ikki er komin á hesa útstykkingarætlan er, at ætlaði Skálafjarðartunl­ inum er komin í drag. ­ Spurningurin viðvíkj­ andi Skálafjarðartunlinum er ikki avkláraður, og tí eru vit ikki komin longri, sigur kommunan. Høganes-ætlanin bíðar eftir Skála- fjarðartunlinum Nýggj atløga og ídnaðarøki Bøtt er um røktartørvin Nes kommuna hevur verið við í útbyggingini av Eysturoyar Røktar­og ellisheimi. Útbyggingin, sum fevnir um 24 búrúm, varð tikin í nýtslu á vári 2006. Hetta hevur bøtt munandi um røktartørvin á eldra­ økinum í kommununi. Ætlaði parturin hjá Nes kommunu skuldi verða umleið 2 miljónir krónur, men byggingin gjørdist nógv dýrari, soleiðis at enda­ ligi parturin gjørdist 4 miljónir krónur. Í 2004 bygdi Nes kommuna eldrasambýlið Vesturskin til 16 búfólk. Eldrasambýlið hevur virkað væl, bæði fyri fólk úr Nes kommunu, men eisini fyri fólk úr øðrum kommunum, sum hava búð á heiminum í styttri ella longri tíð. Nýggj tilráðing um vatn Í frágreiðingini til samandráttin um roknskapin hjá Nes kommunu fyri 2007, verður eisini nomið við drekkivatnið í kommununi. Víst verður á, at skipanin millum kommununa og Heilsufrøðiligu Starvsstovuna við vatnroyndum helt fram í 2007. Royndin at betra um góðskuna av drekkivatninum, sum varð gjørd í 2005 og 2006, verður nú eftirmett. Ein tilráðing um, hvat best er at gera, kemur at fyriliggja einaferð í 2008. Fyri at halda eina góða vatngóðsku, er kommunan farin undir at pumpa vatn úr Toftavatni, áðrenn Kornvatn minkaði ov nógv. Hetta hevur hjálpt nakað. Hóast kommunan hevur økt vatngoymslurnar við brunnum umframt tær stóru vatngoymslurnar í Kornvatni og báðum Hamravøtnunum, er vatnnýtslan økt so mikið hesi seinastu árini, at neyðugt er at pumpa úr Toftavatni.