týsdagur 28. august 2001síða 13

24 Nr. 164 - 28. august 2001 Málveitslan varð av- lýst, og tað gekk stril- tið at fáa sigurin til høldar ímóti botnlið- num av Sandi FÓTBÓLTUR Jóannes Hansen Tað hevur gingið upp og niður hjá klaksvíkingum í ár. Á støðutalvuni sást, at niðurtúrarnir hava kostað nógv. Undan B71 dystinum var málmunurin -12 mál. Møguleikin, at pynta eitt sindur um hetta sunnudag- in, mundi kennast ikki so langt burtur. Kurt Mørkøre, Alexander Djordjevic og Hjalgrím Elttør eru mál- sóknir, og teir áttu at havt gott pláss ímóti B71. Men tað spurdist lítið burturúr. Í fyrra umfarinum pakk- aði B71 seg væl saman á egnari hálvu. Teir á heima- liðnum høvdu bóltin heilt nógv, og teir spældu seg til fleiri møguleikar at fáa mál. Men veteranurin í B71 málinum stóð enn eina ferð sum ein brandur, og so vóru framrættaðu menninir hjá KÍ ikki so neyvir og av- gjørdir. Kurt Mørkøre hevði í 1. hálvleiki tvey góð skot, og Alexander Djordjevic hevði bæði skot og góðan stútari, sum vóru tætt við, og eina ferð rakti hann í tvørtræið. Einasta málið undan steðginum kom mitt í fyrra umfarinum. Ove Nysted, sum hesa ferð var í mið- verjuni, var omanfyri allar hinar, tá hornaspark kom innfyri, og hann drønstút- aði í kassan. Setningurin hjá KÍ var, at teir skuldu fáa bóltin út í borðini, har unglingaspæl- ararnir Atli Danielsen og Hjalgrím Elttør høvdu sínar ódnir. Tað komu fleiri inn- legg úr borðunum og til stóru menninar, sum Bern- hard Petersen, Jógvan Jón Petersen og Bjørn Thor- steinsson høvdu tungu upp- gávuna at taka sær av. Teir fingu góða hjálp frá stinna málverjanum. Men klaksvíkingarnir nýttu ikki nóg ofta síðurnar. Í staðin varð ofta roynt at stinga fram eftir miðási- num, og tá varð tað væl lættari hjá sandoyarverjuni at byrgja upp fyri. B71 løtan Eftir steðgin setti Kári Reynheim seg sjálvan á vøllin. Hann kom inn fyri vongverjan í høgru, Hans Jørgen Djurhuus. Útskift- ingin var neyðug, tí vong- verjin í 1. hálvleiki hevði fingið gult kort, og ivaleyst mundu sandoyingar kenna, at tað so skjótt kundi koma fyri, at eitt gult kort afturat kom orsaka av skjóta Hjal- grími Elttør. Innskiftingin av Kára Reynheim, sum hevði bestu B71 skotroyndina í 2. hálv- leiki, hevði onkrar umskip- ingar á B71 liðnum við sær. Og fyrrapartin av seinna umfarinum vóru gestirnir í Klaksvík væl betri við, enn teir høvdu verið í 1. hálv- leiki. Serliga Kári Nielsen var eyðsýndur. Hann hevur fín evni sum fótbóltsspælari. Hann hevur góðan bóltfør- leika, hann er skjótur, og hann hevur sjálvsálitið, sum skal til. Spell at skaði hevur hildið honum burtur so leingi í ár. Kári Nielsen megnaði fleiri ferðir at sneiða fleiri klaksvíkingar av sær. Í fleiri førum var talan um næstan málmøgu- leikar, men tað spurdist ikki meiri burturúr, enn at klaksvíkingar á og kring vøllin ofta noyddust so at siga at halda ondini. Koppaði heim eftir Síðsta lítla korterið gjørdist KÍ yvirvágin størri aftur, og KÍ hevði eisini í 2. hálvleiki fleiri málmøguleikar. Eitt nú tá Tomislav Sivic varð spældur í góða skotstøðu. Kurt Mørkøre staðfesti heimasigurin. Alexander Djordjevic, sum í gjár fór heim til Jugoslavia, har hann verður næstu tíggju dagarnar, legði væl innfyri úr høgru. Kurt var kaldur, tamdi, brúkti skotfintuna og smekkaði í kassan. Tá restaðu sjey minuttir, og so var tað bara ein spurningur um, hvussu stórur sigurin skuldi verða. Einki mál kom afturat. KÍ hómar bronsuna, men teir í Klaksvík eru ivaleyst nøgdir við at varðveita fjórða plássið. Síðstu løt- una loysti unglingaspælarin Rógvi Laksáfoss Tomislav Sivic av, og Símun W. Høgnesen, sum hevur verið burturstaddur, kom inn fyri smáskadda Ova Nysted. At U–15 landsliðsvenjarin Bill Jacobsen síðstu minuttirnar var á vøllinum, mettu áskoðararnir sum eina joke, og onkur hevði hug at ill- neitast. Sandoyingar høvdu vón- að at fáa eitt stig, men teir tóktust ikki serliga vón- sviknir. Bjargingarroyndin hjá teimum verður m. a. á heimavølli, tá HB kemur suður. KÍ: Meinhardt Joensen – Ove Nysted, Jan Andrea- sen, Andrass Jacobsen – Atli Danielsen, Jan Joen- sen, Tomislav Sivic, Fríðin Ziskason, Hjalgrím Elttør – Kurt Mørkøre, Alexander Djordjevic B71: Valdemar Nowisci – Hans Jørgen Djurhuus, Jógvan Jón Petersen, Bern- hard Petersen, Bjørn Thors- teinsson, Svenning W. Han- sen – Sverrir Kjærbo, Jón Brekku, Julian Floresco – Eli Hentze, Kári Nielsen KÍ hægri enn fyrr í ár Tað eydnaðist Hjalgrími og hinum úr Klaksvík at vinna sær trý stig móti sandoyingum, so enn halda teir fast um møguleikan fyri heiðursmerkjum Klaksvíkingurin Ólavur Simonsen, sum hevur heili 270 ratingstig fleiri enn næstovasti telvari í Íslandssúlukappingini, liggur einsa- mallur á odda. TALV Carl Eli Nolsøe Samuelsen Árliga Íslandssúlukappingini fór av bakkastokki hetta vikuskifti í hølum Havnar Telvingarfelags, og stór sannlík- indi eru fyri at ratingfavoritturin vinnur hesa heldur styrk- isveika kapping. Ólavur Simonsen er nevnliga einsamallur á odda, og somuleiðis einasti telvari í hópinum sum hevur yvir 2000 í rating. 2235 er nýggja ratingtal hansara, og merkir tað hann nú hevur sníkt seg framum Torbjørn Thomsen, Eyðun Nolsøe og Flóvin Tór Næs. Fýra umfør eru leikt, og tey seinastu trý talvini verða telvd komandi vikuskifti. Av teimum fjúrtan luttakar- arnum royna millum annað eisini Hans Kristian Simon- sen, Sámal Christiansen og Kári Durhuus eydnuna. Kassameistarin leyp hvøkk á Ólav Runavíkingurin Eyðun Lamhauge, sum røkir pengakassan í Talvsamband Føroya, niðurspældi Ólavur í fyrsta umfari- num. Hendan niðurspæling førdi tó ikki meir enn til ein javnleik. Ov stór virðing fyri fjórðhægst rataða telvaranum í Føroyum var orsøkin. Eyðun hevur 610 ratingstig færri enn Ólavur, og er tí javnleikurin eitt bragd sum hann kann vera nøgdur við. Ólavur verður ringur at steðga av tí at hann hevur hitt teir nærmastu kappingarneytarnar. Umframt javnleikin ímóti kassameistaranum, hevur hann vunnið á Hans Krist- ian Simonsen, Kára Durhuus og Ronny í Lon. Komandi fríggjadag fær hann Brandur Jacobsen yvir av sær, og hann er ikki hvør sum helst. Eisini kann Sámal Christian- sen gera ein vørr, og tí kann Ólavur ikki enn kenna seg heilt vísan í støðu sínari. Ikki bert hevur Eyðun yvirraskað, men so sanniliga eis- ini tann heilt ungi Rógvi Mortensen úr Havn. Hann er við í toppinum við sínum hálvumtriðja stigi, og heldur hann fram fer ivaleyst okkurt gott at spyrjast burturúr honum komandi árini. Tíverri hevur ikki verið møguligt at fingið hendur í nøkrum talvi úr kappingini. Støðan í toppinum: Ólavur Simonsen 3,5 av 4 Eyðun Lamhauge 3,0 Hans K. Simonsen 3,0 Brandur Jacobsen 2,5 Rógvi Mortensen 2,5 Nýggjur ratinglisti pr. 12.08.01 Niðanfyri eru fullførdur listi yvir telvarar omanfyri 2000 í rating. 1. John Arni Nilssen 2360 2. John Rødgaard, IM 2315 3. Heini Olsen 2265 4. Ólavur Simonsen 2235 5. Flóvin þór Næs 2230 6. Eyðun Nolsøe 2220 7. Torbjørn Thomsen 2210 8. Rani Nolsøe 2185 9. Jens Christian Hansen 2165 - Bogi Ziska 2165 11. Carl Eli N. Samuelsen 2160 12. Rógvi W. Rasmussen 2155 13. Jóan Hendrik Andreasen 2100 14. Steintór Rasmussen 2090 15. Martin Poulsen 2085 - Torben Ø. Johansen 2085 17. Terji Petersen 2080 - Torkil Nielsen 2080 - Heini Danielsen 2080 20. Martin Brekká 2060 21. Finnbjørn Zachariasen 2050 22. Olaf Berg 2040 23. Herluf Hansen 2035 Favoritturin á odda C M Y K 24 Nr. 164 - 28. august 2001 25 Viðmerking frá Skála ítróttarfelag til ítróttatíðindini í ÚF leygarkvøldið 2. DEILD Emil Jacobsen, formaður í Skála Ítróttafealg Í ítróttatíðindunum í Út- varpi Føroya leygarkvøldið 25. august varð róð fram- undir, at Skála Ítróttarfelag hevur broytt støðu í kæruni, sum varð send Fótbólts- sambandi Føroya, eftir 2. deildardystin móti HB 12. august í ár. Sagt varð, at Skála, fyri at vísa góðan ítróttaranda, umhugsaði at at góðtaka, at dysturin skal spælast av nýggjum. Hetta hevur einki hald í veruleikanum, og tíðinda- maðurin hevur ikki fingið hesa tíðindi váttað. Hvørki frá nevndini ella frá nøkr- um øðrum ábyrgdarpersóni á aðrudeildarliðnum hjá felagnum. Veruleikin er tann, at Skála áðrenn dysturin varð spældur, gjørdi HB vart við, at spældu teir báðir leikararnir við í dystinum, so varð kæra send kapping- arnevndini hjá FSF HB brúkti leikararnar, og tí kærdi Skála. Kappingarnevndin hjá FSF hevur viðgjørt kæruna og givið Skála viðhald, og har stendur málið, til HB hevur gjørt av, um teir fara víðari við tí. Skála hevur kært um, at HB brúkti tveir leikarar, sum høvdu leikt í 1. deild vikuskiftið frammanundan. Sambært grein 8, 1 stk, í kappingarreglunum er ikki loyvt leikara at flyta niður í lægri deild uttan so, at teir hava sitið ein dyst yvir í hægru deildini. Fyrstu- deildardysturin millum GÍ og HB, sum sambært kapp- ingarskipanini varð dag- settur tyil 11. august, varð útsettur til eina ferð í sep- tember, og tí høvdu leikar- arnir ikki sitið kravda dyst- in yvir. Hetta er brot á reglurnar, og í slíkum før- um er bara ein avgerð hjá kappingarnevndini at taka, at tað er at døma HB at tapa dystin. Síðani dysturin varð leiktur – og síðani kæran varð send inn – hevur Skála fingið upplýst og váttað, at annar av leikarunum, sum kært er um, varð leikbann- aður við trimum gulum kortum. Sambært stk. 13 í frágreiðingini til kapping- arreglurnar verður sagt um niðurflytingar, a tleikari, sum er leikbannaður í t.d. 1. deild, ikki hevur loyvi til at leika við lægri deild, fyrr enn hann hevur sitið leik- bannið av. Tað heur hesin leikarin hjá HB ikki, og tí er eisini tann reglan brotin. Leggjast kann afturat, at leikarin sat leikbannið av, tá 1. deild hjá HB leikti móti VB í Vági vikuskiftið eftir dystin millum 2. deildarlið- ini hjá Skála og HB. Hvat viðvíkur partinum um góðan ítróttaranda heldur Skála, at felagið hevur hildið seg innanfyri mark og reiðiliga tað. Fel- agið hevur undan dystinum gjørt mótstøðuliðnum púra greitt, at vórðu ólógligu leikararnir nýttir, varð kæra send FSF. Vit hava skilt, at HB hev- ur fingið loyvi at brúka leikbannaða leikaran, hóast hetta er greitt brot á reglur- nar. Kortini valdi felagið at brúka enn ein 1. deildar- leikara, sum heldur ikki leyk treytirnar í grein 8, stk. 1 í kappingarreglunum. So- statt er tað ikki Skála, sum hevur borið seg skeivt at, men HB. Tí halda vit tað vera púra burturvið at seta spurnartekin við ítróttar- andan hjá Skála í hesum føri. Málið er uppstaðið, tí tað er tvístøða millum HB og FSF. HB sigur seg hava fingið loyvi frá FSF at brúka leikaran, meðan FSF sigur seg ikki hava givið hetta loyvi. Hvør sigur satt í hesum føri, vilja vit ikki taka støðu til, tí tað er ikki okkara borð. Haraftur ímóti rakar tað okkum, at mót- støðulið brúkar leikarar, sum tey ikki hava loyvi til sambært kappingarreglun- um, og tað er tað, sum fel- agið hevur kært um. At enda vilja vit gra vart við, at tað er serstakliga óheppið, at Útvarp Føroya ber tíðindi, sum als ikki hava hald í veruleikanum, og serliga tá einki er gjørt fyri at kanna, um hald er í teimum. Skála Ítróttarfelag hevur ikki broytt støðu Hóast teir eitt skifti vóru undir við tveim- um málum, so megn- aði Skála at halda fast um oddasessin í bestu deildini 2. DEILD Jákup Mørk Tað var ikki væntandi, at leirvíkingar skuldu gera stórvegis við skálamenn, tá dystur var millum liðini bæði leygardagin. Hvussu var og ikki, so fingu skálamenn ein rætti- ligan skelk, tá farið varð ígongd, tí vi málum frá Pet- uri Sjúrðarberg og Tomek Resel høvdu leirvíkingar brádliga lagt seg á odda við tveimum málum móti ong- um. Fullu ikki í fátt Skála hevði onkrar leikarar uttan fyri, og kundu tí ikki stilla við sterkasta liðnum, men at fáa eina slíka byrjan upp á dystin, høvdu teir neyvan droymt um. Teir fullu tó ikki í fátt av teirri orsøk, men settu held- ur ferðina upp í eini roynd at trýsta mótstøðumenn- inar, og hetta gav eisini úrs- lit, tá Arnold Berg minkaði um munin fyri steðgin. Í seinna hálvleiki legði Skála alt fyri eitt trýst á mótstøðumálið. Leirvík- ingar royndu í sín part at verja tepru leiðsluna, men hetta eydnaðist teimum. Innskifti Alexandur Johansen, javnaði fyrst, áðrenn hann eisini legði Skála framum, men seinna málið noyðist Alexandur helst at geva Paula Hansen heiðurin fyri. Pauli snýtti at kalla alla LÍF verjuna við einari rørslu, áðrenn hann legði bóltin fyri føturnar á Alexandur, sum bert skuldi rulla bóltin inn í tóma mál- ið. Skála-LÍF 2-3 1-0: Petur Sjúrðarberg 2-0: Tomek 2-1: Arnold Berg 2-2: Alexandur Johansen 3-2: Alexandur Johansen Verjuvillur kostaðu dýrt, tá klaksvíkingar vitjaðu í Runavík 2. DEILD Jákup Mørk NSÍ var omaná, tá næstu- bestu klaksvíkingar vitjaðu í Runavík leygardagin. Tal- an var um týðandi dyst, tí um klaksvíkingar vunnu, so tóku teir NSÍ aftur. Hin- vegin kundi NSÍ leggja sjógv millum seg og botnin við einum sigri. Og tað var NSÍ, sum vann dystin og harvið fór seks stig fram um KÍ, sum er næstniðast. Dysturin var málríkur, og ótrygt verjuspæl kostaði helst KÍ ein javnleik. NSÍ kom á odda 2-0 í fyrra hálvleiki. Fyrra málið gjørdi Mortan Hansen, sum nú er aftur í NSÍ, eftir at hann gjørdist leysur í eini frísparksstøðu. Jan Nón- klett økti til 2-0, eftir at hann fór ígjøgnum sjálvur. Stutt eftir hálvleikssteðg- in kom KÍ afturíaftur. NSÍ’arnir svóvu eitt sindur, tá KÍ tók eitt skjótt fríspark. Innleggið endaði hjá Olgari Danielsen, sum stútaði bóltin upp um málverjan og í handara síðunet. Minkaðu tríggjar ferðir Løtuna aftaná hevði KÍ lítið trýst á NSÍ-liðið, og tað var hesa løtuna ikki óhugsandi, at KÍ fór at javna. Men so skoraði NSÍ, tá KÍ-verjan ikki fekk bóltin burtur. Dánjal Hansen smekkaði til úr 18 metrum, og bólturin sat í síðunetinum. Besta málið í dystinum! KÍ minkaði til 3-2, tá Er- ling Fles fór ígjøgnum og skoraði úr spískum vinkli. KÍ legði nú nógv fyri, og tað kostaði í verjupartinum. Jan Nónklett og Mortan Hansen sluppu einsamallir avstað frá miðjum vølli, og Jan skoraði í tómt mál, tá Mortan legði uppá tvørs. Enn einaferð minkaði KÍ, og tað var aftur Olgar Dan- ielsen, sum fekk sent bóltin í málið úr stuttari fjarstøðu. Tá var tíðin um at fara, og NSÍ staðfesti sigurin við einum máli, sum innskifti Magnus Hansen gjørdi beint áðrenn leiklok. NSÍ-KÍ 5-3 (2-0) 1-0: Mortan Hansen 2-0: Jan Nónklett 2-1: Olgar Danielsen 3-1: Dánjal Hansen 3-2: Erling Fles 4-2: Jan Nónklett 4-3: Olgar Danielsen 5-3: Magnus Hansen NSÍ-KÍ 5-3 (2-0) Málríkur dystur Skála-LÍF 3-2 (1-2) Skála vendi dystinum Sísðtu vikuna hava bæði Óli Johannesen og Øssur Hansen skorað mál í næst- bestu deildini í Dan- mark ÚTISETAR Jóannes Hansen Tað hevur verið mett at vera eitt sindur tunnligt har frammi á landsliðnum, sum hósmorgunin fer undir fyri- reikingarnar til spennandi landsdystirnar á heimavølli ímóti Luksemburg og Russlandi. Ofta verður tikið til orða- takið, at tá neyðin er størst, er hjálpin næst. Í hesum sambandi verður sipað til, at tveir av útisetunum á landsliðnum, sum ikki beinleiðis kunnu roknast sum álopsspælarar, tað síðstu lítlu vikuna hava skorað í næstbestu deildini í Danmark. Sigursleysir Óli Johannesen hevur sein- astu vikurnar skorað tvey mál fyri Hvidovre. Tað fyrra skoraði hann, tá teir á útivølli í Skive spældu 2–2, og tað seinna skoraði hann mikukvøldið, tá Hvidovre hevði vitjan av grannunum úr Frem. Eisini tann dystur- in endaði 2–2. Hetta eru tey bæði fyrstu málini hjá Óla í ár. Í fjør skoraði hann eitt mál fyri Hvidovre. Tað var í tí dysti- num, at hann eisini var so óheppin at gera sjálvmál. Hvidovre hevur stórar ætlanir, men tey fyrstu um- førini hevur tað gingið stril- tið. Teir hava bara megnað tríggjar javnleikir, hava tapt tvær ferðir, og teir hava ongantíð vunnið. – Vit hava fleiri ferðir verið sera óhepnir. Eitt nú mikukvøldið, tá vit spældu ímóti Frem. Hóast Frem er oddalið, og vit ikki liggja væl fyri, so vóru vit greitt omaná, greiðir Óli Jo- hannesen frá. Tað var ikki fyrr enn í evstu løtu, at Hvidovre javnaði til 2–2. Óli Jo- hannesen var málskjútti. – Eg fekk boð um at fara fram, tá fimm minuttir vóru eftir. Eg haldi, at eg bara nart við bóltin eina ferð, og tað var, tá eg skoraði til 2–2. Sunnudagin var Hvid- ovre og vitjaði í fyrrverandi Føroya liðnum Herfølge. Tað endaði málleyst. – Eg má siga, at vit vóru sera hepnir. Eg haldi, at vit høvdu tvær royndir ímóti málinum, meðan teir høvdu eina rúgvu av málmøgu- leikum. Men málverjin hjá okkum, Steffen Andersen, sum er málverji á danska U–21 landsliðnum, bjarg- aði okkum undan tapi, sig- ur Óli Johannesen. Øssur á talvuna Omanfyri søgdu vit, at tað vóru verjuspælarar, sum skoraðu. Tað er kanska ikki rætt at siga, at Øssur Han- sen er verjuspælari. Men á landsliðnum hevur hann havt verjukendan leiklut í vinstru, og í B93 er hann ytstur á miðvøllinum í vinstru. Sunnudagin skoraði Øss- ur Hansen fyri fyrstu ferð fyri B93. Teir vóru í Oden- se og spældu ímóti B1909, sum eftir fleiri ár í aldudali- num nú hevur ætlanir um at stríða seg uppaftur og har- við at taka kappingina upp aftur við OB. Men ímóti B93 fekk B1909 ein orduligan undir vangan. B93 vann 7–1, og Øssur Hansen skoraði fyrsta málið. Hetta var fyrsta málið, sum Øssur hevur skorað, síðani hann kom til Keypmannahavnar. Verjuspælararnir hava skorað 25