týsdagur 28. oktober 2008síða 4

4 Nr. 207 - 28. oktober 2008 tíðindi Tað gjørdust tey fimm, Hjalti Weihe, Ronja Rúnadóttir, Óðin Ellefsen, Albert MacDonald og Oddvør Ellings­ gaard Dam, sum vunnu stóru tekni­ kappingina hjá Lista­ savninum á Heyst­ fagnaðinum Kapping Anna V. Ellingsgaard anna@sosialurin.fo Umframt myndaveiðu og rundvísingar skipaði Lista­ savn Føroya eisini fyri stór­ ari teknikapping fyri børn á Heystfagnaðinum, sum var í heystfrítíðini. Heili 500 børn tóku lut í kappingini, og frá Listasavinum frætta vit, at sera nógvar góðar og spennandi myndir vóru teknaðar hesar dagarnar. Úr stóra bunkanum hava fyri­ skipararnir nú valt fimm vinnaramyndir, eina fyri hvønn av teimum fimm ald­ ursbólkunum. Tey fimm, sum hava vunnið, fáa ein góðan vinning frá Listasavn­ inum í vikuni. Her eru tekningarnar, sum vunnu: Listasavnið valt vinnarar av teknikapping Í bólkinum 0 - 3 ár vann trý ára gamli Hjalti Weihe úr Hósvík. Hann hevur teknað eina gula strikutekning av tveimum figurum, har annar teirra flýgur móti hinum. Í bólkinum 3 - 5 ár vann fimm ára gamla Ronja Rúnadóttir úr Havn. Hon hevur teknað eina litfagra mynd av eini glaðari gentu í regni, einum súreplatræi og einum stórum hjarta. Í bólkinum 5 - 8 ár vann seks ára gamli Óðin Ellefsen úr Havn. Hann hevur teknað ein pinnamann, sum stendur heldur niðarlaga í vinstra horni á myndini. Nógv luft er aftanfyri og rundan um mannin og vísir okkum á tann lítla einstaklingin í tí stóru verðini. Í bólkinum 8 - 12 ár vann 10 ára gamli Albert MacDonald úr Århus í Danmark. Hann hevur teknað ein diskodansandi mann í gulum buksum, reyðbrúnari russarahúgvu og sólbrillum. Albert hevur bygt myndina upp við nógvum fýrkantaðum puntum við diskoljósi í. Í bólkinum 12 - 16 ár vann 15 ára gamla Oddvør Ellingsgaard Dam úr Havn. Hon hevur teknað eina unga kvinnu í fínum kjóla, sum sprettir upp úr jørðini. Myndin er væl teknað og hevur serliga fínar og skyggjandi litir í kjólanum. Landsverk, Tinghúsvegur 5, Postsmoga 78, 110 Tórshavn Tel. 340 800, Faks 340 801, lv@lv.fo, www.landsverk.fo „Vegurin sum arbeiðspláss“ „Vegurin sum arbeiðspláss“ er eitt kravt skeið fyri tey, sum arbeiða á ella fram við landsvegunum, og er um trygd í sambandi við vegarbeiði. Tvey sløg av skeiðum Landsverk hevur skipað fyri hesum skeiði fyrr. Eftir lokið skeið fær lut­ takarin eitt prógv, sum síðan skal endurnýggjast fimta hvørt ár. Tíðin er nú komin, at tey, sum vóru á fyrsta skeiðnum, skulu hava prógvini endur­ nýggjað. Talan er sostatt um tvey ymisk skeið; annað er fyri tey, sum ikki hava verið á skeiði fyrr (2 dagar), og hitt er endur­ tøkuskeið (1 dagur). Kostnaður og tekning Kostnaður fyri hvønn luttakara er 7.000 kr. fyri vanligt skeið og 5.000 kr. fyri endurtøkuskeiðið. Íroknað prísin er matur, skeiðstilfar og prógv. Pláss er fyri 20 luttakarum á hvørjum skeiði. Til ber at tekna seg til skeiðið við at senda eitt teldubræv til Armgarð Steinhólm á ferðsludeplinum hjá Landsverki (armgard@lv.fo). Freistin er 3. november 2008. Lesið annars meira um skeiðið á www.landsverk.fo. skeið Dagarnar 17.–21. november skipar Landsverk saman við Vejsektorens Efteruddannelse fyri skeiðnum „Vegurin sum arbeiðspláss.“ Landsverk er stovnur undir Innlendismálaráðnum og hevur um hendi vega- og havnamyndugleika- uppgávur og byggiharrauppgávur. Stovnurin ráðleggur og ger ætlanir, útinnir, rekur og viðlíkaheldur landsvegir, havnir, bygningar og flogvøllir, herundir tyrlupallar. Skeiðini „Vegurin sum arbeiðspláss“ verða hildin hesar dagar: 17.–18. nov. Byrjanarskeið 19. nov. Endurtøkuskeið 20.–21. nov. Byrjanarskeið