mikudagur 19. november 2008síða 28

28 Nr. 223 - 19. november 2008 Stutt Sagt Íslendsk misnøgd við svenskan ráðharra Íslendska stjórnin er firtin um, at svenski fíggjar­ málaráðharrin, Anders Borg, sigur seg sakna eina trúverduga búskaparætlan frá íslendsku stjórnini, áðrenn sviar kunnu ganga við til at læna Íslandi pen­ ing fyri at hjálpa landinum burtur úr fíggjarkreppuni. Svenskir fjølmiðlar endurgeva ein týðandi íslendskan embætismann fyri at siga, at stjórnin í Reykjavík hevur staðfest, at sviar hava tikið eina heilt aðra støðu enn Noreg og Danmark, sum hava verið sera jalig. Íslendski embætismaðurin verður endurgivin fyri at siga, at »sviar elska ikki íslend­ ingar líka nógv, sum hinir norðurlendingarnir gera«. Svenska stjórnin hevur sagt seg vera til reiðar at veita Íslandi lán, men stjórnin hevur ikki sagt, nær hon fer at lata íslendingum lánið, ella hvussu stórt tað verður. Tað hevur ljóðað, at Svøríki bíðar eftir einari endaligari avgerð um lánið, sum Ísland hevur søkt Altjóða Gjaldoyra­ grunnin, IMF, um. Tað hevur Anders Borg tó ikki sagt nakað um. Hann sigur seg sakna eina trúverduga búskaparætlan frá íslendsku stjórnini. Tey orðini eru ikki fallin í góða jørð í Íslandi, og Vísir skrivar, at tað eru íslendskir politikarar, sum hava hug at taka fyrispurn­ ingin um lán frá svium aftur. SAMBAND árNi joeNSeN fArtekSt@MAil.Dk -Upprunaliga ætlaði eg mær at styðja Hillary Clinton, men eg varð ovfarin av Barrack Obama (Eric Holder) útlond Anders Borg er svenskur fíggjarmálaráðharri (Savnsmynd) Hóast herskip úr fleiri londum eru á leiðini, kundu tey ikki forða somaliskum sjórænarum at ræna eitt fullfermt oljutangaskip Higartil hava teir somalisku sjórænararnir rænt handils­ skip úti fyri somalisku strondini, men tilburðurin við tí saudiarabiska olju­ tangaskipinum vísir, at tey fremmandu handilsskipini kunnu heldur ikki kenna seg trygg úti fyri kenyansku strondini. Men tilburðurin vísir eis­ ini, at tað er neyðugt at finna eina loysn á tí 17 ára langa krígnum í Somalia, siga serfrøðingar. Tí uttan eina friðarliga og varandi loysn uppi á landi verður tað at kalla ógjørligt at steðga sjórænarunum, sigur Somalia­serfrøðingurin Roger Middleton á Chatham House í London við Reuters. Tað risastóra oljutanga­ skipið bleiv rænt úti fyri kenyansku strondini fyrra­ dagin. Hetta er tann størsti fongurin hjá teimum somal­ isku sjórænarunum higartil, og harafturat hava teir ong­ antíð rænt eitt skip so langt úr somalisku strondini sum hesaferð. Longu í gjár bleiv eitt skip rænt afturat. Hesa­ ferð var tað eitt kinesiskt skip, sum var á veg til Iran við korni. ­Tað er heilt greitt, at sjó­ rænararnir eru farnir at gera meiri um seg, og sum er hava vit ikki nóg mikið av herskipum har til at halda eftirlit við øllum økinum. Eftir mínum tykki ber tað heldur ikki til at loysa málið við hermegi, sigur Roger Middleton við Reuters. Sigldu framvið Bæði NATO, ES og USA hava sent herskip til leið­ irnar at verja handilsskipini, sum sigla tann vegin, men mánadagin sigldu sjóræn­ ararnir fram við herskipun­ um og rændu tað saudi­ arabiska tangaskipið úti fyri kenyansku strondini. Í gjár komu so boð um, at skipið lá fyri akkeri uttan fyri somaliska havnarbýin Haradhere, sum er norðan fyri høvuðsstaðin Moga­ dishu. Teir somalisku sjórænar­ arnir eru væl vápnaðir, og teir hava nógvar skjóttgang­ andi bátar. Vanliga manna­ gongdin er, at teir leggja upp á báðar síðurnar á handilsskipunum. Síðani skjóta teir ávaringarskot oman fyri brúnna, stundum við rakettum, fyri at ræða skiparan frá at royna at sleppa til rýmingar. Teir flestu serfrøðingarnir eru á einum máli um, at tað ber ikki til at steðga sjóræn­ arunum, so leingi lógloysi valdar uppi á landi í Soma­ lia. Tað hevur eisini víst seg, at fleiri bólkar í Soma­ lia vilja hava ágóða av sjó­ rænaravirkseminum, sum hevur givið nógvar milli­ ónir dollarar í loysigjøld­ um. Vælvitandi keldur í demokratiska flokkinum vilja vera við, at Barrack Obama hevur valt fyrrverandi vara­ løgmálaráðharran Eric Holder til sín løgmálaráðharra Eric Holder var varaløg­ málaráðharri hjá Bill Clin­ ton, og eru tíðindi frá demokratiska flokkinum álítandi, fær USA ikki bara sín fyrsta litta forseta, men eisini sín fyrsta litta løg­ málaráðharra. Tann 57 ára gamli sak­ førarin segði herfyri, at undir demokratiska val­ stríðnum styðjaði hann fyrst Hillary Clinton, men at hann gjørdist so ovfarin av Barrack Obama, at hann broytti hugsan. Sum løgmálaráðharri fær Eric Holder stóra ávirkan á, hvønn politikk USA fer at reka mótvegis yvirgangi og yvirgangsfólki. Eygleiðarar siga tó, at hansara høvuðs­ uppgáva verður at endur­ reisa álitið á løgmálaráðið, sum fleiri ferðir hevur verið í ringum sjógvi undir Bush forseta. Í næstum fara umboð fyri afghonsku stjórnina at tingast við Taleban um at fáa enda á bardøgunum Men útlitini eru ikki tey bestu, tí leiðslan í Taleban hevur sagt, at hon er ikki sinnað at tingast við stjórn­ ina í Kabul, so leingi fremm­ andir hermenn eru í land­ inum. Teir eru í løtuni umleið 70.000 í tali, og teir skulu allir av landinum, áðr­ enn nakrar tingingar kunnu verða, sigur Taliban. Hesum kravi hevur Hamid Karzai, forseti, víst aftur. Hann hevur boðið sær til at tingast við leiðaran hjá Taliban, mullah Omar, men hesin hevur higartil sagt nei. Men Taliban­rørslan er ikki samd, og afghanska stjórnin sigur seg hava vónir um at fáa samband við hóvligar bólkar í rørsl­ uni og onkran av teimum ovastu leiðarunum. Av teimum fremmandu hermonnunum í Afghanist­ an eru 32.000 amerikanar­ ar, men amerikanski verju­ málaráðharrin, Robert Gates, hevur sagt, at USA er til reiðar at góðtaka eina semju millum afghonsku stjórnina og Taliban. Har­ afturímóti fer USA ikki at góðtaka nakra semju, sum umfatar al­Qaeda, sum á ávísum økjum er rættiliga nær tengt at Taliban. Somalisku sjórænararnir gera sum teimum lystir Tann fyrsti litti løgmálaráðharrin Eric Holder var varaløgmála- ráðharri hjá Bill Clinton (Mynd: AP) Saudiarabiska tangaskipið Sirius Star er fermt við olju fyri einar 600 milliónir krónur (Mynd: Polfoto) Taliban boðið til samráðingarborðið