týsdagur 25. november 2008síða 2

2 Nr. 227 - 25. november 2008 Stutt eftir klokkan 22 í gjárkvøldið gjørdist brádliga hált sum á kalvabaki við innkoyringina til Hósvíkar. Trý ferðsluóhapp hendu innan hálvan tíma, harímillum tveir bilar rendu frontalt saman Ferðsluóhapp Rógvi Nybo rogvi@sosialurin.fo Trý ferðsluóhapp innan hálvan tíma, hált sum á kalvabaki á vegnum, fýra til fimm ambulansir, um­ framt løgreglu og sløkkilið á staðið. Tað tóktist næstan óveru­ ligt í gjárkvøldið millum klokkan 22 og 23, tá tað brádliga gjørdist hált sum á kalvabaki við innkoyringina til Hósvíkar og umleið hálvan kilometur suður­ og norður­ eftir frá innkoyringini. Hálkan kom sera brádliga og hetta kom óvart á fólk, tí vegurin var táður aðrastaðni. Men við innkoyringina til Hósvíkar legðist brádliga ísur á vegin. Fyrst misti ein førari, ið var á veg suðureftir, tam­ arhaldið á bilinum og fór við reyvini fyrst útav vegum niðan móti bygdini, umleið 60 metrar sunnanfyri inn­ koyringina. Stutt eftir misti ein førari tamarhaldið á bilinum um­ leið 300 metrar norðanfyri innkoyringina til Hósvíkar, fór yvir í hina breytin og brast frontalt saman við ein annan bil, ið var á veg suðureftir. Meðan fólk tustu á staðið og onnur stóðu og forvitnaðust, kom brádliga enn ein bilur, ið var á veg suðureftir slongjandi eftir vegnum, inn móti buss­ skýlinum við Hósvík, og útav vegnum beint við buss­ skýlið. Hesin koyrdi hóast alt somikið spakuligt, at bara annað hjólið fór útav, og hann varð hjálptur upp­ aftur av fólki á staðnum. Professjonell tilbúgving Fyrsti bilurin fór út av vegnum stutt eftir klokkan 22, og hini ferðsluóhappini hendu stutt eftir. Longu um klokkan 22.45 var fyrsti bilurin við útrykking á staðnum, og skjótt eftir fylgdu fleiri. Løgreglan kom á staðið, og tað sama gjørdu fýra ella fimm sjúkrabilar. Sera skjótt varð gjørt av, og má sigast at hetta var sera professjonelt av tilbúgvingarliðunum. Hóast tað sá ógvusligt út, var talan ikki um nakran álvarsligan mansskaða. Í teimum báðum bilunum, ið rendu frontalt saman, breyt førarin í árenda bilinum øsbeinið, og eitt ferðafólk hevði brotið annan arm­ liðin. Umframt hesi bæði, vórðu nøkur onnur ferðafólk í bil­ unum koyrd á Landssjúkra­ húsið til eftirlit, sum vanlig mannagongd eisini er. Førarin á tí bilinum, ið fór heilt útav vegnum sunn­ anfyri innkoyringina, segði seg hava rent høvdið í, men hevði tað gott hóast alt. Løgreglan upplýsir at hann vildi sjálvur fáa bilin fluttan, og var talan tí ikki um nakran fólkaskaða har. Samanumtikið spældi alt væl av, hóast tað ógvusligt sá út. Landsverk vildi ikki salta í gjárkvøldið, men fólk frá Sunda Kommunu, ið kom á staðið, valdi sjálvboðið at salta landsvegin á hesum strekkinum, til tess at fyri­ byrgja eini størri vanlukku. Vit hava roynt at fáa eina viðmerking frá Landsverk, um hví teir ikki saltaðu, men hetta er ikki eydnast áðrenn blaðið fór til prentingar. Trý ferðsluóhapp í hálvan tíma Her síggjast støðini, har bilarnir fóru útav og rendu saman. Tveir bilar fóru útav sunnanfyri innkoyringina, og 250 metrar norðanfyri innkoyringina rendu tveir aðrir bilar frontalt saman Mynd: www.kagi.fo Hóast bilarnir fóru illa, hendi einki álvarlsligur mansskaði. Ein førari breyt øsbeinið, og eitt ferðafólk annan armliðin Mynd: Rógvi Nybo – a touch of the Orient Stór jólaútsøla Satin-/silkijakkar ....................................-40% Satin kimono.............................................-40% Hvítur kjólar (eisini fermingarkjólar)-30% Indisk pashmina turriklæði v. og u. silvurtráð ....................................-40% Hálsprýði, armprýði, ringar, o.l. ..........-40% Veitslukjólar....-30% -40% -50% Opið í jólaútsøluni Hvønn vikudag u/sunnudag frá kl. 13.15 – 17.30 tlf 31 37 57 / 27 22 12, Mikkjalstrøð 11, Tórshavn J ó l a ú t s ø l a n e r t i l O g v i ð 6 . d e s e m b e r 2 0 0 8 ...og nógv onnur góð tilboð