týsdagur 16. desember 2008síða 4

4 tíðindi Nr. 242 - 16. desember 2008 Bárður Nielsen í nevnd í floghavn Á aðalfundi hjá P/f Vága Floghavn í gjár, varð Bárður Nielsen, fyrrverandi fíggjarmálaráðharri, valdur í nevndina. Á skránni var eisini hækking av partapeningi felagsins. Partapeningurin varð hækkaður við 65 milliónum krónum, ið skulu nýtast til útbyggingina av Vága Floghavn. Tilsamans fara 365 milliónur krónur at verða skotnar inn í partafelagið við tí endamáli at útbyggja Vága Floghavn. Bárður Nielsen kemur í nevndina fyri Dávid Reinert Hansen, sum varð settur sum forstjóri í felagnum fyrr í ár. Í nevndini sita nú Kitty May Ellefsen, Evy Jacobsen, Jóhan í Niðristovu, Jóhannus Egholm Hansen og Bárður Nielsen. Jólamøti í Klaksvík Sunnudagin klokkan 17 verður stórt jólamøti fyri børn og vaksin í Badmintonhøllini í Klaksvík. Ætlanin við tiltakinum er at savna okkum um tað, ið veruliga hendi á jólum, og hví vit halda jól. Vit fara millum annað at hoyra sang frá Vitanum, síggja ein jólaleik og syngja saman. Eftir møtið verður møguleiki at steðga á og fáa sær nátturða. - Vit vóna at síggja so nógv, sum møguligt, til hetta nýggja jólatiltak, siga fyrireikararnir úr Betesda Í heili 40 ár hevur Jógvan Arge verið ein ímynd av Útvarp­ inum. Ì morgun fall hann fyri spariknívin­ um, men síðsta orðið er neyvan sagt enn Kringvarpið Áki Bertholdsen aki@sosialurin.fo - Eg skilji ikki framferðina hjá leiðsluni í Kringvarp- inum. Jógvan Arge er ein av all- arkendastu røddunum Í Útvarpinum. Men nú verður tað skjótt, at røddin tagnar. Saman við sjey øðrum starvsfólkum í útvarpinum og Sjónvarpinum, fekk Jógvan Arge í morgun boð- ini um, at ætlanin er at siga hann úr starvi. Seinastu dagarnar hevur nógv verið tosað um eina fíggjarliga kreppu í Kring- varpinum, sum umfatar bæði Sjónvarpið og Útvarpið. Leiðslan og nevndin fyri kringvarpið er komin eftir, at tað verður neyðugt at spara 5,9 milliónir krónur næsta ár og tað gerst ikki utt- an at siga fólkið úr starvi. Og í morgun vórðu so nøvn sett á tey fólkini, sum ætlanin er at siga úr starvi og samstundis fingu tey ætl- anarskriv um uppsøgn, sum tey so fáa høvi at gera við- merkingar til. Tilsamans standa átta nøvn á listanum yvir tey, sum Kringvarpið ætlar at siga farvæl til. Nógv tað kendasta og nógv tað mest óvæntaða navnið á hesum listanum er Jógvan Arge, sum hjá mong- um hevur verið ein ímynd av Útvarpinum. Og tað er kanska ikki so løgið, tí hann hevur arbeitt í Útvarpinum í 40 ár og hesi seinastu 30 árini hevur hann verið í leiðandi starvi. Hann hevur røddina, sum hvørt mansbarn kennir, ikki minst frásagnirnar frá kapp- róðri og fótbólti. Men í morgun fall hann so fyri spariknívinum hjá leiðsluni fyri Kringvarpið, tí nú hevur hann fingið ætlanarskriv um uppsøgn. Síðsta orðið neyvan sagt Men tað er ikki ein uppsøgn, sum hann ætlar sær at góð- taka uttan víðari. - Síðsta orðið er neyvan sagt í hesum máli, sigur hann í stuttari viðmerking við Sosialin. Hann viðgongur, at upp- søgnin kom ógvuliga dátt við. Eftir hansara tykki er álit- ið ímillum hann og leiðsluna fyri Kringvarpið brotið og tað er leiðslan fyri Kring- varpið, sum hevur framt hetta álitisbrot. Tí fer hann nú at kanna møguleikarnar fyri at fara víðari við málinum. - Eg var programmleiðari til 1. oktober í ár. Men so varð tað starvið niðurlagt og tá traðkaði eg loyalt til síðis sum programmleiðari, sigur Jógvan Arge. - Men tá gjørdi seg sam- stundis eina avtalu við leiðsluna, at eg skuldi fara í annað starv Kringvarpinum. Tað var eftir uppskotið frá leiðsluni, at tann avtalan varð gjørd. - Tað eru ikki meiri enn hálvur triði mánaði síðani, at hendan avtalan varð gjørd ímillum meg og leiðsl- una fyri Kringvarpið og sostatt meti eg, at leiðslan hevur framt álitisbrot. - Tí skilji eg ikki manna- gongdina hjá leiðsluni og nú fari eg at kanna møguleik- arnar at fara víðari við mál- inum, leggur hann afturat. Beinir fyri Útvarpinum Jógvan Arge hevur ikki so nógvar viðmerkingar til spurningin um, hví hann heldur, at Kringvarpið er komið í hesa støðuna, at tað varð neyðugt at siga átta fólkum upp í morgun. Men hann ivast onga løtu í, at samanleggingin ímillum Ùtvarpið og Sjónvarpið er í ferð við at beina fyri Útvarp- inum hjá Kringvarpinum. - Tað er ein gongd, sum er væl á veg og eg vænti at hendan gongdin fer at halda fram, sigur hann. - Tað er øll tekin til, at Útvarpið verður niðurlagað og at Sjónvarpið verður tikið framum, tí líkt er til, at pen- ingur verður slúsaður úr Út- varpinum yvir í Sjónvarpið. Hann nevnir sum dømi, at táið Útvarpið og Sjón- varpið vórðu samanløgd í Kringvarp Føroya, hevði Útvarpið verið rættiliga væl fyri fíggjarliga í mong ár og átti 13 milliónir á bók. - Nú havi eg latið mær fortalt, at tað eru bara fýra milliónir eftir, sigur Jógvan Arge. Anniku Mittún Jacobsen, stjóri fyri Kringvarpinum vil ikki gera viðmerkingar til ítøkilig mál og tí hevur hon ongar viðmerkingar til tað, sum Jógvan Arge førir fram. Jógvan Arge: Síðsta orðið neyvan sagt enn Kring- varpið hjálpir starvs- fólki víðari Í morgin fingu átta fólk ætlanarskriv um uppsøgn í Kringvarpinum. Annika Mittún Jacob- sen, stjóri fyri Kringvarp- ið, vil ikki gera viðmerk- ingar til einstøk mál í sam- bandi við tey átta fólkini, sum ætlanin nú er at siga upp í Kringvarpinum. Men hon følir við øll- um teimum, sum hava fingið ætlanarskriv um uppsøgn og Kringvarpið hevur givið teimum bæði løgfrøðing, sálarfrøðing og sosialráðgevara til taks í morgun. - Hetta eru menniskja- lagnur, men vit ætla at gera okkara til at hjálpa teimum at koma víðari. Hon sigur, at tey, sum ætlanin er at siga upp, eru ikki vald eftir nøkr- um ávísum leisti. - Tað eru tey, sum vit í leiðslu og nevnd eru samd um at siga upp og tey eru spjadd um allan stovnin, sigur hon. Ì morgun hittust tey uppsøgdu starvsfólkini á fundi at viðgera støðuna. Har fáa tey eisini kunn- ing um, hvørji rættindi tey hava í sambandi við ætl- anarskrivi um uppsøgn. Men kemir eitt eftir- spæl, taka vit tað upp. Hon leggur afturat, at tað slepst ikki undan, at uppsagnirnar fara at ávirka sendingarnar, men tann partin av spar- ingunum fer leiðsla og nevnd í Kringvarpinum at viðgera nærri teir næstu dagarnar. Men hon leggur aftur- at, at nú eru tær sparingar gjørdar í Kringvarpinum, sum skulu gerast. -áki- Jógvan Arge, sum hevur inngrógvin partur av Útvarpinum í 40 ár, skal nú sigast úr starvi, ætlar leiðslan fyri Kringvarpið. Sjálvur heldur Jógvan Arge, at hetta er álitisbrot og hann ætlar at kanna møguleikarnar fyri at fara víðari við málinum