týsdagur 20. januar 2009síða 29

29 [ Nr. 13 - 20. januar 2009 ] Staffan Olsson er óivað besti svenski hondbóltsspælarin nakrantíð, og eisini ein av Heimsins bestu hondbóltsspælarum gjøgnum tíðinnar. Nú skal hann saman við Ola Lundgren royna at fáa Svøríki fram í fremstu røð aftur Hondbóltur Heri Simonsen heris@sosialurin.fo Svenska hondbóltssam­ bandið hevur eitt brennandi ynski um, at svenska manslandsliðið í hondbólti aftur skal verða millum heimsins bestu. Um aldar­ skiftið hevði Svøríki vunnið eina røð av EM, HM og OL heiðursmerkjum, men sein­ astu 6 árini hevur verið reint galið. Og eru endaspæl farin framvið, uttan at Svøríki hevur megnað at spælt seg í hesi EM, HM og OL endaspølini, og tað er nakað, sum eingin dugdi at ímynda sær kundi henda, tá ein var vitni til tey mongu svensku heiðursmerkini. Tað manglaði bert OL­ gullið, so var veitslan fullkomin. Íshokki og fót­ bóltur hava stóra undirtøku í Svøríki, og krevst tað eisini góð úrslit hjá hond­ bóltunum fyri at vinna áhug­ an hjá svenska fólkinum. Nú er tað nýggja unga hondbóltslandsliðið so komið aftur á ta fyrstu gomlu slóðina, við at hava vunnið sær luttøku í HM­ endaspælinum, sum er í Kroatia í hesum døgum. Legendan Og tað er ikki nakar »Harra hvør sum helst«, sum svenska hondbóltslands­ liðið hevur sett til at verða landsliðsvenjari saman við Ola Lundgren. Talan er um ongan minni enn sjálva hársíðu legend­ ina, Staffan Olsson, sum fyllir 45 ár tann 26. mars. Staffan Olsson spælir enn, og hevur hann enn eitt ár eftir av sáttmálanum við norðurtýska liðið, THW Kiel. Staffan Olsson er ein sannur risi. Hann er 199 cm høgur, og vigar hann 99 kg. Hann er lættur at kenna aftur á vøllinum við sínum langa og síða hári. Hann spældi heilar 357 landsdystir fyri Svøríki, og skeyt hann 852 mál í hesum 357 landsdystunum. Og tað er ikki smávegis av heiðuri sum »Håret« hevur vunnið. Eyðknevnið er sjálvandi upplagt. Hann hevur vunnið 2 HM gull, 4 EM gull, 3 OL silvur, 1 HM silvur og 2 HM bronsur við svenska landsliðnum. Haraftrat hevur hann vunnið týsku bundesliguna tvær ferðir. Bundesligan og spanska hondbóltsligan eru heimsins bestu hondbólts­ ligur í manshondbólti. Multitalent Sum so mong onnur stór ítróttarfólk, so var Staffan eitt multitalent innan ítrótt. Sum smádrongur vandi hann bæði hondbólt, fótbólt, svimjing, frælsar ítróttir og íshokki. Men tá saman um kom, so valdi Staffan Olsson at satsa 100% uppá hond­ bóltin, og tað er nakað sum øll hondbóltshugað í Svøríki kunnu fegnast um. Staffan fær ræðuliga nógvar spurn­ ingar um sítt Samson­kenda hár, men tað tekur hann bara við einum stórum smíli. ­ Tá eg var ungur, so var tað rættiliga væl umtókt at hava langt hár. Tá royndi eg at seta hárið upp, og at brúka pannuband, men mær dámdi tað ikki. Men hárið órógvar meg ikki, tað er nú meira áskoðarnir sum ganga høgt uppí hárið hjá mær. Sigur Staffan Olsson. Gott yvirblikk Steffan heldur sjálvur, at størsta styrkin hjá honum er tað stóra yvirblikkið. Sín størsta veikleika metir hann verða, at lagið svingar ov nógv, og tað gongur sjálv­ andi tíðum út yvir hann sjálvan, og restina av liðn­ um. Men Staffan heldur sjálvur, at hann er vorðin róligari við árunum. Tað sum Staffan elskar við hondbólti, er at ítróttin hevur alt, sum kann ynska av einum ítrótti: Tað er undirhaldandi, og ógvuliga áskoðaravinarligt við nógv­ um málum. Ein kann altíð gerast betri í hondbólti. Tað er ikki sum í bovling, at tá ein hevur fingið 10 »strikes« á rað, so hevur ein gjørt sítt. Hondbólturin hev­ ur tað mesta. Ikki bara lætt Men viðhvørt hevur tað verið torført at verða Staffan Olsson. Tá Svøríki var HM­ vertur í 1993, bleiv Staffan ofta gjørdur til syndabukk fyri dystirnar, sum vertsliðið tapti. Tá Olympisku Leik­ irnir vóru í Sidney í 2000 bleiv Staffan skaddur í innleiðandi bólkaspælinum, og mátti hann síggja teir avgerandi dystirnar frá áskoðaraplássunum. Spælistílurin hjá honum er ógvuliga krevjandi, og tí hendir tað ofta, at Staffan Olsson situr uttanfyri við skaða. Tá HM­endaspælið var í Fraklandi í 2001 gav Staffan avboð til svenska landsliðið, tí hann kendi seg ikki mentalt væl fyri, og hann metti, at kroppurin trongdi til hvílu. Tá var nógv, sum talaði fyri, at Staffan hevði spælt sín seinasta landsdyst fyri Svøríki, eftir 15 ár í gulu og bláu troyggjini. Men hann var við aftur, tá Svøríki var EM­vertsland í 2002. Størsta ítróttarløtan hjá Staffani, var tá Svøríki vann HM­gull í 1990. Hetta heiðursmerkið, er tað sum Staffan metir hægst av teimum heiðursmerkjunum, hann hevur vunnið við svenska hondbóltslands­ liðnum. Heiðursmerki hann er næstmest glaður fyri, er tá tað eydnaðist svensku spælarunum at vinna EM­ gull á heimavølli. Hann heldur, at tað var ein ótrúlig kensla at vinna EM­gull á heimavølli, og at hava stuðul frá 14.000 áskoðarum í Globen í Stokkhólmi. Nógv ár í Kiel Staffan spælir við týska liðnum, THW Kiel, sum hevur havt nógvar svenskar spælarar á liðnum gjøgnum árini. M.a. kunnu nevnast Stefan Lövgren, Johan Pettersson og Magnus Wislander. Staffan hevur spælt við Kiel síðani 1996. Áðrenn Staffan kom til Kiel spældi hann við Huttenberg, HK Cliff og Nierwurzbach. Saman við konuni, Marie og báðum børnunum trívist Staffan væl í Týsklandi. Superveteranurin hevur bara eitt ár eftir av sátt­ málanum við Kiel. Hann er ikki vísur í hvat hann fer at gera, tá sáttmálin gongur út: Tað stendur skrivað onkustaðni á himmalhválv­ inum hvat eg skal gera í framtíðini. Møguliga komi eg at arbeiða hjá einum av sponsorfyritøkunum hjá landsliðnum, sum framleiðir knæverju. So komi eg framvegis at hava samband við hondbóltin. Men hetta er ikki nakað, sum eg eri bangin fyri. Staffan er tó fullvísur í, at tá hann er givin sum yrkisspælari, so fer hann at búseta seg í Stokkhólmi. Nú hjálpir hann Ola Lundgren við tí nýggja ungu svenska landsliðnum. Og tað er ikki at taka seg aftur í, at hesir hava allir verið Staffan Olsson­fjepparar á ungum árum. Um enn tað langa, síða hárið er farið at grána. Legendan vorðin landsliðsvenjari Síða hárið er gránað nakað, men hondbóltsheilin er framvegis intaktur hjá Staffan Olsson, sum telist millum størstu svensku honbdóltsnøvnini yvirhøvur Mynd: Polfoto/AP City hevur keypt Bellamy Manchester City hevur enn ikki fingið hendur á Kaka. Men fyri tað heldur nýríka felagið á fram við at styrkja um spælara­ hópin. Nú er greitt, at Craig Bellamy skal styrkja um álopið hjá Mark Hughes, ið eisini hevur arbeitt saman við Bellamy, tá Hughes vandi walisiska landsliðið. Enskir miðlar skriva, at Manchester City rindar á leið £14 mió fyri spælaran, sum nú fer til Tenerifa, har hópurin er á venjingarlegu. Og sum skilst, er als ikki ósannlíkt, at hollendski Nigel de Jong, sum spælir við týska Hamburger SV, eisini legst afturat hópinum. Hann kostar sambært ensku miðlunum £13 mió. Steypakapping í fimleiki Komandi sunnudag verður høllin á Kambsdali karmur um fyrru steypakappingina í estetiskum fimleiki. Í tíð­ indaskriv sigur Fimleikasambandið, at 23 lið hava meld­ að seg til kappingina, og eru hesi liðini úr Flog, Støkk, Ljósinum og Havnar Fimleikafelag. Ból karnir, sum kappast, eru pinkur, smágentur, gentur, unglingar og kvinnur. Seinna steypakappingin í vár verður í høllini í Runavík, og verður hetta hann 7. og 8. mars.