hósdagur 19. februar 2009síða 14

14 Nr. 35 - 19. februar 2009 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Dagurin 19. februar. Ammon, deyður umleið ár 250. Var ein av teimum rómversku hermonnunum, sum við at síggja dirvi og trúarvissu teirra kristnu. Sjálvur gjørd­ ist kristin og varð tikin av døgum. (Axel Tórgarð: Dagar og nøvn í álmanakkanum) Fríggjadagin var mót­t­øka á Ellis- og Røkt­arheiminum á Tvøroyri, t­í Sunnevá Pet­esen fór úr st­arvi- num sum leiðari, og Anna Djurhuus t­ók við. St­ut­t­ligt­ er her at­ nevna, at­ hervið eru t­að t­vær t­víburðasyst­rar, ið leiða ávíkavíst­ ellis- heimini Lágargarð og Suðuroyar Ellis- og Røkt­arheim Leiðaraskifti Dagfinn Olsen dagfinn@sosialurin.fo Nógv fólk var komið saman í kantinuni á Suðuroyar Ellis­ og Røktarheimi fríggjadagin, har móttøka var í samband við leiðara­ skiftið. Sunnevá Petersen úr Vági hevur starvast á heiminum í mong ár, og hevur verið leiðari síðani 1986, men leggur frá sær, nú hon er komin til pensjónsaldur. Tað er Anna Djurhuus úr Porkeri, ið hevur tikið við sum leiðari, og eisini hon hevur drúgvar royndir á hesum arbeiðsplássinum. Røður og gávur Ronnie Midjord, umsjónar­ maður á Suðuroyar Sjúkra­ húsi, ið Ellis­ og Røktar­ heimi er sambygt við, legði fyri á móttøkuni, beyð væl­ komin, og greiddi frá skránni hesa løtuna. Síðani helt Kristin Mich­ elsen, stýrisformaður, røðu, har hann tók aftur í søguligu gongdina, tá Ellis­ og Røkt­ arheimi varð bygt, og sjálv­ andi takkaði hann Sunnevá Petersen fyri mongu árini í starvi. Hann fegnaðist eisini um, at Anna Djurhuus nú tekur við, tí eisini hon hevur starvast á heiminum í mong ár og kennir arbeiðsplássið væl. Hann handaði eisini heiminum eina gávu, ið var málningur av fyrrverandi varabispi, Eivindi Vilhelm, sála, ið tók mong tøk, tá Ellis­ og Røktarheimi gjørd­ ist veruleiki. Torbjørn Olsen hevur málað málningin, ið Sunnevá Petersen og Anna Djurhuus tóku ímóti vegna Ellis­ og Røktarheimið. Ronnie Midjord takkaði í síni røðu fráfarandi leiðar­ anum fyri trúgva tænastu og gott samstarv, og segði, at Sunnevá Petersen letur frá sær eitt vakrari heim, enn tað ið hon tók við, og helt hann hetta vera so sig­ andi sum held um kvinnuna, ið nú leggur frá sær. Hann segði, at løtan var nú at siga farvæl og vælkomin, og hann ynskti Onnu Djurhuus vælkomnari í leiðara­starv­ ið. Sunnevá Petersen fekk handaðan málning eftir Eyðun av Reyni. Mary í Garði, Nærverk, takkaði eisini fráfarandi leiðaranum fyri gott sam­ starv, og ynskti Onnu Djur­ huus alt tað besta, nú hon tekur við. Eisini fráfarandi og nýggi leiðarin høvdu orðið, og Sunnevá takkaði fyri seg, meðan Anna takkaði fyri álitið, ið er víst henni, nú hon setir seg í leiðarasessin. Yvir høvur var løtan merkt av løttum lyndi, har sorgblídni kanska merktist onkra lítla stund, men har skemtið átti yvirvág, uttan at køva álvaran, ið eisini eig­ ur at hava pláss slíka løtu. Langa starvstíð Sunnevá Petersen byrjaði á Suðuroyar Ellis­ og Røktar­ heimi í 1978, og gjørdist leiðari í 1986. Hon hevur trivist væl, og leggur dent á, at annars hevði hon ikki verið í starvinum so longi. Somuleiðis hava flestu starvsfólkini verið longi í starvi á heiminum, og er hetta helst tekin um, at tey hava trivist á arbeiðspláss­ inum og við fráfarandi leiðaranum. Sunnevá Petersen hevur verið burtur okkurt stutt skifti, t.d. tá hon hevur ver­ ið úti og siglt við manninum, Óla Petersen. Kanska er stuttligt at nevna í hesum sambandi, at Eivind Vilhelm var mammu­ beiggi Óla Petersen. Tvíburðasystrar stýra ellisheimum Anna Djurhuus er úr Porkeri og er gift Lars Djurhuus, lærara. Hon er útbúgvin sjúkrarøktarfrøðingur og arbeiddi í 18 ár á Ellis­ og Røktarheiminum og í 12 ár á Suðuroyar Sjúkrahúsi. Í hálvtannað ár hevur hon verið leiðari á sosialudeild hjá Porkeris og Vágs Komm­ unu. Hon hevur tvey ára leiðslu­ útbúgving frá skeiðsdepli­ num á Føroya Handilsskúla, sonevnt diplomskeið. Vert er at nevna, at skeið­ ið tók hon saman við tví­ burðasystir síni, Metu av Fløtum, sum eisini situr sum leiðari fyri eitt ellis­ heim og røktarheim, nevni­ liga Lágagarð í Havn, og stýra tvíburðasystrarnar Meta og Anna sostatt hvør sínum ellisheimi. Leiðaraskift­i á Suðuroyar Ellis- og Røkt­arheimi Sunnevá Petersen og maðurin, Óli Tvíburðarsystrarnar báðar, Meta av Fløtum, vm og Anna Djurhuus, eru nú fyristøðukvinna á hvør sínum ellis- og røktarheimi. Meta á Lágargarði og Anna á Suðuroyar Ellis og Røktarheimi 80 ára føðingardagur Fríggjadagin 20. februar fyllir Erling Davidsen í Kvívík 80 ár. Dagurin verður hildin leygarkvøldið hjá dóttrini í Steinagerði 8 frá kl. 18.00. Øll eru hjartaliga vælkomin. Arbeitt í 10 mánaðir við krabbameini Í blaðnum fyrr í vikuni skrivaðu vit um arbeiðsbólkin, sum landsstýrismaðurin heilsumálum hevur sett at gera eina full­ fíggjaða krabbameinsætlanin. Har skrivaðu vit, at tá ið ætlanin verður løgd fram í summar, hevur bólkurin arbeitt í hálvtannað ár. Tað skrivaðu vit út frá tí, sum stendur á heimasíðuni hjá ráðnum. Veruleikin er kortini, at bólkurin fór ikki undir arbeiðið fyrrenn 1. september í fjør og hann fær sostatt 10 mánaðir til arbeiðið og ikki umleið 18 mánaðir, sum vit skrivaðu. blm