hósdagur 26. februar 2009síða 12

12 Nr. 40 - 26. februar 2009 Sosialurin Greið tala í kringvarpsmáli SAMBAND eirikur liNDeNSkov eirikur@SoSiAluriN.fo tlf 341800 viðmerkingar Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Marknaðardeild: lysing@sosialurin.fo Marknaðarleiðari: Gudny Langgaard gudny@sosialurin.fo Tróndur Skaalum trondur@sosialurin.fo Høgni Thomsen hogni@sosialurin.fo Elin Vatnhamar Olsen evo@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Eilen Anthoniussen eilen@sosialurin.fo Magnus Gunnarsson maggi@sosialurin.fo Rigmor Dam rigmor@sosialurin.fo Leo Poulsen leo@sosialurin.fo Eyðun Klakstein eydun@sosialurin.fo Árni Joensen arni@sosialurin.fo Anna V. Ellingsgaard anna@sosialurin.fo Rógvi Nybo rogvi@sosialurin.fo Eirikur í Jákupsstovu eij@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 09 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39 mm og rúmið millum teigarnar er 4 mm. Innsent tilfar Fult navn skal vera undir innsendum tilfari. Innsendar greinar, har blað leiðsl­ an ikki er kunnað um bústað og telefonnummar, verða ikki settar í blaðið. Kykmyndir: Harald í Kálvalíð harald@ras2.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e­post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e­post: aki@sosialurin.fo e­post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 frá kl. 8.00­20.00 og boða frá Uppseting/prent: Uppseting: Sosialurin Prent: Prentmiðstøðin Útgevari: Sp/f Sosialurin Avgreiðsla: Mán.­frí. 8­16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag­fríggjadag klokkan 1330 Tað kann uttan víðari staðfestast, at tingmenn so væl sum landsstýriskvinna í gjár vóru klármælt í málinum um bygnaðin í kringvarpinum og handils- lýsingarnar í umrøðu á løgtingi. Í spurninginum um eina ella tvær tíðindaredaktiónir var støðan púra greið. Lógarinnar bókstavur so væl sum lógarinnar andi siga greitt, at tað skulu vera tvær óheftar tíðindaredaktiónir við hvør sínari leiðslu í KvF. Nakrir av teimum, sum í síni tíð stóðu aftan fyri søguligu miðlasemjuna, kundu greitt grundgeva fyri støðuni. Skipanin var ætlað at byrgja fyri einum veruligum tíðindamonopoli í eini tíð við liberalisering av loftmiðlaøkinum. Tingmenn gjørdu greitt, at nú má leiðslan, t.v.s. stýri og stjórar, halda seg til lógina. Víst var í hesum høpi til ta frælsu og óheftu støðu sum KvF hevur í mun til politiska valdið. Nevnt varð, at landsstýrið hevur ongar møguleikar at noyða KvF at halda seg til kringvarpslógina, tí stovnurin er óheftur av politisku myndugleikunum. Her má eitthvørt vera misskilt. Skipanin við einum stýri fyri KvF er ætlað at tryggja ein politiskt óheftan og frælsan tíðindaflutning. Skipanin merkir sjálvsagt ikki, at leiðslan í KvF frítt sjálv kann gera av, hvørt hon vil halda lógina ella ikki. Henda tulking er púra burtur við. KvF stendur ikki yvir lógini, og stovnurin og leiðslan skulu sjálvsagt eins og øll onnur halda landsins lógir. Vit hava aðrar stovnar, ið eru politiskt óheftir, eitt nú Landsgrannskoðarin og Løgtingsins Umboðsmaður, men hetta merkir ikki, at hesir stovnar eru yvir lóg og løgtingi! Sum kunnugt hevur Løgtingið eisini í samband við nýggju kringvarpslógina gjørt av, at handils- lýsingarnar skulu burtur úr kringvarpinum í seinasta lagi í mai 2011. Tórbjørn Jacobsen, sum átti spurning- arnar, vildi eisini vita, hvussu geskt við hesum máli, men landsstýriskvinnan ynskti spurningin skrivligan, og hann varð tí ikki svaraður í gjár. Hinvegin er alkunnugt, at kringvarpsleiðslan er í ferð við at økja um hendan partin av virkseminum og gongur tí eisni í hesum máli móti Løgtingsins vilja. Sostatt kann eftir tingviðgerðina í gjár staðfestast, at leiðslan fyri KvF ikki hevur víst minsta tekin til at vilja rætta inn og skipa stovnin sambært lógarinnar stavi og anda. Hetta er, sum tingmenn tóku til, ein ómetalig arrogansa, sum kann koma stovninum aftur um brekkur. Vit skulu her endurtaka, at vit ynskja ein sterkan almennan public service stovn, sum røkir sínar skyldur sum mentanar- og tíðindamiðil og nýtir orku sína til hesi endamál heldur enn við skattgjaldarans pengum at kappast við privatu miðlarnar um ein lýsingarmarknað, sum er okkara einasta álit og sum samstundis er avmarkaður. Boðskapurin úr tinginum í gjár er ikki at misskilja og vil leiðslan stovninum væl, so tekur hon nú betri partar fyri og skipar og rekur stovnin, sambært løgtingsins greiða vilja. Nú hendi tað aftur. Ein løgtingsmaður brúkar sam­ haldsfasta eftirlønargrunn­ in til at varpa ljós á seg sjálvan. Hetta við at lova at hækka útgjaldið úr sam­ haldsfasta eftirlønargrunn­ inum, bert 3 mánaðir eftir at útgjaldið úr grunninum er hækkað. Hetta úttalilsið varpar aftur ljós á tað óhepna í, at løgtingið stýrir grunninum. Tað vilja altíð verða populistiskir politikarir, sum vilja royna at vinna sær nøkur bílig poeng við tílíkum útsagnum. Lat grunnin liva sítt egna lív eftir einari endamáls­ orðing og lat tey, sum rinda til grunnin, umsita hann. Partarnir á arbeiðs­ marknaðinum. So verður samhaldsfasti eftirlønargrunnurin ikki brúktur ella misbrúktur í tíð og ótið av flokkum ella av einstøkum politikarum. Lat okkum standa saman um og styrkja samhalds­ fasta eftirlønargrunnin, sum eitt gott samhaldsfast ískoytið til tað almennu fólkapensiónina. Samhaldsfasti eftirlønargrunnurin formaður S & K felagið PætUr NIcLASEN Tá Annfinn Brekkstein ikki atkvøður, svarar tað til at vera fyri einum máli. Tað er einki, sum eitur ikki at taka støðu, so hetta sær mest út sum ein bíligur máti at skáka sær undan at taka á seg ta ábyrgd, hann hevur fingið frá veljarunum, tá hann er valdur inn í Tórshavnar býráð! Í bløðunum hevur Annfinn Brekkstein, limur í Tórs­ havnar býráð fyri Sam­ bandsflokkin, grein um, hví hann ikki atkvøddi fyri, at Tórshavnar kommuna skuldi fáa loyvi til at samráðast um lánstreytir fyri einum láni upp á góðar 200 milliónir krónur. Orsøkina til, at hann »ikki var ílatin til støðu­ takanina«, sigur hann vera málið um Glyvursveg, tí at nøktandi upplýsingar ikki vóru í málinum. Eitt sindur løgið, tí eitt sambands­ umboð hevur sitið í byggi­ nevndini, so har skuldi ligið væl fyri hjá Annfinni Brekkstein at fingið allar upplýsingar. Hartil er mannagongdin tann, at býráðsmál liggja frammi í fýra dagar undan einum fundi, so allir limir hava ríkiligan møguleika at seta seg væl inn í tey, leggja teir í. Og tað skuldi Annfinn Brekkstein heldur havt gjørt áðrenn fundin, tí hann kundi havt biðið bæði borgarstjóran og umsiting­ ina um upplýsingar, men gjørdi tað ikki. Somuleiðis hevur hann fingið handað bæði stýris­ skipan og fundarskipan hjá býráðnum, og saman við tí kunning, hann hevur fingið um rætt til innlit í býráðs­ mál og um rætt til hjálp til gjøgnumgongd av fram­ løgdum býráðsmálum, skuldi hetta verið nóg mikið til at sagt honum, at eingin umbering er fyri at koma ófyrireikaður ella óílatin á býráðsfund! Tí er neyðugt at spyrja, hvat Annfinn Brekkstein ger í býráðnum! Skal hann hava upplýsingar um tey ymsu málini, er altso eitt minstakrav, at hann ger sítt uppsøkjandi arbeiði sum býráðslimur til lítar. Hann hevur atgongd til alt skjala­ tilfarið, sum vísir greitt, hvat peningurin skal brúk­ ast til, og tí tykist tað sera løgið, at hann sigur, at hann ikki visti, hvørjum hann skuldi atkvøða fyri. Sjálvur eri eg bilsin og helst veljararnir við, at Annfinn Brekkstein dittar sær alment at boða frá neyvari stýring av skatta­ borgarans peningi við skili, tá hann sjálvur byrjar sítt býráðsarbeiði á slíkan hátt, ið alt annað enn boðar frá skili. Nú greiddi hann so ikki atkvøðu á fundinum, men eg kann vissa bæði hann og borgararnar um, at tey, sum altso greiddu atkvøðu á býráðsfundinum, út frá fundarskrá og fyriliggjandi tilfari vóru fult greið yvir, hvat tey gjørdu. Eisini kann eg upplýsa fyri Annfinni Brekkstein, at tá hann ikki atkvøður, svarar tað til at vera fyri einum máli. Tann, ið tegir, hann samtykkir. Tað er einki, sum eitur ikki at taka støðu, so hetta sær mest út sum ein bíligur máti at skáka sær undan at taka á seg ta ábyrgd, hann hevur fingið frá veljarunum, tá hann er valdur inn í Tórshavnar býráð! Hvat ger Annfinn í býráðnum? borgarstjóri HEðIN MortENSEN Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – he­ vur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli.