mikudagur 4. mars 2009síða 2

2 tíðindi Nr. 44 - 4. mars 2009 Um tvær vikur skulu allir næmingar í 9. flokki í Føroyum til PISA-kanning. Hesaferð verður høvuðsdenturin lagdur á lesing. Men aðrir førleikar verða eisini kannaðir Undirvísing Rigmor Dam rigmor@sosialurin.fo Sjokkið aftan á seinastu PISA-kanning hevur nóg illa lagt seg, nú føroyskir skúlanæmingar í 9. flokki aftur skulu samanberast við ungdómar í øðrum londum. Sum vanligt verður høvuðs- denturin lagdur á eitt serligt evni. Seinast vóru tað nátt- úrulærugreinir, og hesaferð verður høvuðsdentur lagdur á lesiførleikan hjá næming- unum. Seinasta PISA kanningin var í 2006, og tá endaði Før- oyar á einum syndarligum botnplássi millum tey 57 londini, sum tóku lut. Bara skúlaverkið í Meksiko var verri fyri enn tað føroyska. Nú luttaka 62 lond og aftur hesaferð er Menta- málaráðið, sum skipar fyri kanningini. Í hvørjari kann- ing verður trý øki kannað, lesing, støddfrøði og náttúru- lærugreinir. Eisini verður bakstøðið næminganna kannað, eitt nú viðvíkjandi skúlagongd, kyn, familju- støðu, frítíðarvirksemi og hugburði til skúlagongdina. Í tilfari, sum Mentamála- ráðið hevur framleitt, verð- ur sagt, at kanningin skal fáa í ljósmála førleikatøðið í Føroyum, so til ber at fremja tiltøk, ið skulu gera næmingarnar betri førar fyri at klára seg í einum meiri altjóðagjrdum heimi. Eisini verður sagt, at kanningin varpar ljós á, hvussu tey ungu duga at nýta eina vitan, tey hava ognað sær í undirvísingini, ella hvussu tey ungu ítøki- liga duga at nýta vitanina, tá ið ein uppgáva skal loys- ast. PISA varpar sostatt ikki ljós á innialdið í lesiætlan- unum í einstøku londunum. Tá úrslitið av PISA-kann- ingini fyriliggur, ber eisini til at lesa, hvussu næming- arnir eru fyri í mun til til- feingisnýtslu og undirvís- ingarumstøður annars. Úrslitið av kanningini mars 2009 verður kunngjørt í des- ember 2010. Skúlabørn leggjast á PISA-vektina AðAlstjóri til AlmAnnAmálAráðið les meira á www.tinganes.fo sansir.fo Í døgunum 23. – 27. mars hava føroyskir skúlanæmingar í 9. flokki tveir tímar at svara umleið 26 spurningum, og síðani 45 minuttir at svara persónligum spurningum. Sama mannagongd er í øllum teimum 62 luttakaralondunum. PISA (Programme for International Student Assessment) er ajtóða kanning, sum mátar førleikar, ið serfrøðingar í OECD-longunum halda vera grundleggjandi og neyðugar fyri, at einstaki borgarin megnar at taka av teimum avbjóð- ingunum, sum vitanarsamfelagið setur. Sagt verður, at utt- an eitt høgt førleikastøði ber ikki til at fremja búskaparlig- an vøkstur, ið aftur er við til at skapa sosiala menning. FAKTA Visti tú… ..at londini, sum higartil hava verið við í PISA kanningini, fevna um á leið 90 prosent av heims- búskapinum? Les meira á: www.pisa.oecd.org www.oecd.org/media www.oecd.org/publications www.oecd.org/statistics Øðrvísi bindisnið í Norðurlandahúsinum DK:KNIT er heitið á framsýning við bindisniðum, sum letur upp fríggjadagin í Norðurlandahúsinum. Tað er Kolding Design- skole, sum hevur tikið stig til framsýningina. Við á framsýning- ini eru 11 sniðgevar, m.a. føroyska Katrina í Geil, sum hevur tikið útbúgving frá Kolding Designskole.Umframt bundin pløgg verða eisini ymiskir lutir sýndir fram, sum vit her heima kanska ikki seta í samband við binding. Her er gott høvi hjá øll- um, ið hava áhuga fyri sniðgeving og binding at fáa íblástur. Kurator av framsýningini er Helene Jensen, ið dagliga starvast á Kolding Designskole. Fernisering verður fríggjadagin 6. mars klokkan 17. Framsýningin er opin til og við 14. apríl. Tingmenn bóðu um umbering Í íslendska Altinginum kjakaðust fólk í gjár um bankakreppuna, og sum vera man kom kjakið inná, hvør hevði ta politisku ábyrgdina av tí, sum hendi íslendska fíggjarkervinum. Ástu Möller úr Sjálfstæðisflokkinum segði seg eiga sín part av ábyrgdini, og Mörður Árnason úr Samfylkingini bað um umbering fyri, at hann ikki hevði funnist nóg mikið at oddamonnum floksins. Sigurður Kári Kristjánsson úr Sjálfstæðisflokkinum vísti á, at fleiri leiðandi politikarar í hansara flokki hava tikið avleiðingarnar, men hann helt, at tað kann ikki sigast um oddafiskarnar í Samfylkingini, sum tvørturímóti sita í stjórn enn, helt hann.