hósdagur 2. apríl 2009síða 26

26 FÓTBÓLTUR 2009 Hóast fleiri útskiftingar halda teir á Toftum vánir vera fyri betri úrsliti enn í fjør, tá ið B68 stóð seg betri, enn uppflytarar ofta gera Seinastu árini hevur tað verið nógv upp og niður hjá B68. Eftir at hava átt fast pláss í bestu deildini í tað mesta av einari fjórðings øld, hevur tað seinastu árini verið nógv upp og niður. Í fjør eydnaðist tað at halda tørn um plássið í bestu deildini. B68 endaði á 6. plássi, og harvið hilnaðist tað væl betur, enn tað ofta hevur gjørt hjá upp flyt ar­ um. Bill Jacobsen, sum er annar av U­ 21 landsliðsvenjarunum, er ábyrgd­ ar maður á Svangaskarði. Hann tel­ ist millum fleiri evnaríkar og væl útbúnar venjarar í nýggjum ættar­ liði. Fleiri spælarar, sum í fjør áttu heimavøll á Svangaskarði, eru ikki longur partur av liðnum hjá tofta­ monnum, og nýggir eru komnir í teirra stað. Svarið hongur kanska upp aftur meiri í vindinum, enn tað ger hjá onkrum øðrum feløgum, hvussu tað man fara at hilnast hjá B68, men mótið sigst vera gott.Mill­ um teir mest eyðsýndu, sum hava biðið farvæl á Svangaskarði, eru Jann Ingi Petersen, ið higartil bara hevur umboðað barndómsfelagið, og danski álopsspælarin Brian Andresen. Arnbjørn Danielsen er givin. At liðið kanska hevur somu styrki, sum tey hevði í fjør, ella møguliga fer at standa seg betri enn so, kemst millum annað av til­ gongdini: Poul N. Poulsen og Bogi Gregersen eru komnir av Skála og yvir um fjørðin, og so er Nenad Stankovic komin úr Runavík og út til grannarnar. Í fjør hilnaðist tað ikki so ógvuliga væl hjá serbanum, sum í 2007 var krumptappurin á FM liðnum hjá NSÍ, og sum árini frammanundan var høvuðsstrategur tey árini, tá ið tað gekk so væl á Skála, at tað var um reppið, at teir vunnu FM heitið. Vlada Filipovic fer aftur at verja B68 málið. Tá ið tað eftir summ ar­ steðgin í fjør hilnaðist væl hjá B68, vóru Pól Jóhannus Justinussen og Jóhan Dávur Højgaard miðverjar. Hvørgin teirra hevði royndir í hesum ódnunum, og báðir stóðu teir seg stak væl. 38 ára gamli Øssur Han­ sen er framvegis á liðnum, og mill­ um aðrar royndar spælarar eru Kristian Anton Andreasen og Jóhan Petur Poulsen, sum í fjør var illa skaðaplágaður. Í fjør vóru fýra senegalesar á Toftum. Tveir hava ikki fingið boð um at koma aftur. Ndende og Keita hava víst, at teir kunnu vera við til at styrkja liðið, og millum ungu menninar, sum eru uppvaksnir á Toftum, og sum stríðast fyri at sleppa framat, eru sera evnaríku Andre Olsen og Jóan Símun Ed ­ mundsson. Tofta Ítrótta felag B68 FO-650 Toftir www.b68.fo STOVNAÐ 21. desember 1962 FORMAÐUR Jógvan Højgaard MEISTARAR (3) 1984, 1985, 1992 STEYPAVINNARAR ongantíð GREIPUVINNARAR ongantíð Í BESTU DEILDINI (2 ár) 1981-2004, 2006, 2008- Í EUROPA (4) Meistarakappingin 1993/94 Intertoto 1996/97, 2001/02, 2002/03 MÁLVERJAR Vlada Filopovic (Áður spælt Skála, VB/Sumba) Petur Meinhard Magnussen VERJUSPÆLARAR Pól Jóhannus Justinussen (NSÍ, GÍ) Øssur Hansen (B36) Poul N. Poulsen (VB/Sumba, Skála) Jóhan Petur Poulsen (NSÍ, Esbjerg) Oddur Højgaard Jóhan Dávur Højgaard (GÍ) Niklas Joensen Niklas Poulsen MIÐVALLARSPÆLARAR Ndende Adama Gueye Nenad Stankovic (NSÍ, Skála) Kristian Anton Andreassen Dánjal Pauli Højgaard (ÍF) Emil Olsen ÁLOPSSPÆLARAR Jóan Símun Edmundsson Jonleif Højgaard Bogi Gregersen (Skála) Ameth Keita Debes Danielsen (NSÍ, Skála, ÍF) Andre Olsen TILGONGD Poul N. Poulsen, Skála Nenad Stankovic, NSÍ Debes Danielsen, ÍF Bogi Gregersen, Skála FRÁGONGD Alex Troleis, Givin Pape Landing Sambou, Senegal Arnbjørn Danielsen, givin Remi Langgaar, av landinum Jann Ingi Petersen, NSÍ Badara Diedhiou, Spania Jacob Bymar, Varde IF VENJARI Bill McLeod Jacobsen HJÁLPARVENJARI Oddmar Andreasen Hópurin hjá B68: Bjartskygni er á Svangaskarði Seinnu helvt av kappingini í prógvaði B68 so ruddiliga, at teir eru aftur í fremstu deildini fyri at verða verandi Mynd: Álvur Haraldsen