hósdagur 2. apríl 2009síða 28

28 FÓTBÓLTUR 2009 At fleiri markantir spælarar eru komnir aftrat ber við sær, at fuglfirðingar ætla sær meiri enn at stríðast fyri at sleppa undan niðurflyting Endatalvan fyri 2008 sigur, at ÍF end aði á sjeynda plássi. Kanska var tað ikki so galið út frá tí, sum tað frammanundan varð roknað við, og heilt víst var tað ikki nóg gott sam­ mett við avrikini, sum fuglfirðingar av og á vístu á vøllinum. ÍF avrikini vóru óstøðug. Viðhvørt hugflogsríkt og undirhaldandi álops spæl, og aðrar ferðir uttan hugflog. Ivaleyst var tað ein bági, at tað fleiri ferðir var neyðugt at skifta venjara. Nú er Jón Simonsen, sum upp­ runaliga skuldi hava ábyrgdina av liðnum í fjør, aftur við stýrisvølin, og hann og ÍF miðja høgt. At teir gera tað kemst av, at fleiri spælarar eru komnir til felagið, og at hesir hava verið roknaðir millum teir frægu. Høgni Madsen, sum í fjør stóð seg ógvuliga væl, fer nú at royna seg í Runavík. Hinir, sum eru farnir úr Fugla firði, vóru ikki millum stuðuls­ spælararnar Eingin ivi er um, at Hanus Eliasen og Høgni Zachariasen, sum eru komnir aftur úr Sundalagnum, fara at styrkja um liðið. Hvussu vete­ ranurin Poul Ennigarð, sum hevur hildið frí frá fótbólti, fer at hilnast fer tíðin at vísa. Mest áhugaverda svarið verður, hvussu tað fer at verða við Rógva Jacobsen. Um hann verður væl fyri, so verður hann stórt og hvast álopsvápn. Um tað í spælkonseptinum verður rokn­ að við Rógva, sum í vetur og í vár hevur verið nógv skaddur, so verður støðan ikki tann, sum tað verður roknað við og vónað. Í heyst verða tað 30 ár, síðani ÍF fyri fyrstu og higartil einastu ferð vann FM heitið. Síðani hava fugl­ firðingar fyri tað mesta staðið í skugg anum av oyggjafeløgunum í Gøtu, á Toftum, í Runavík og viðhvørt eisini á Skála. ÍF hevur fyri tað mesta stíðst í botninum á bestu og í toppinum á næstbestu deildini, men nú tykjast fyritreytirnar at vera øðrvísi, og hópurin er so mikið breiður, at skaðar ikki fara at raka so meint, sum teir undanfarnu árini hava gjørt. Spælararnir hava nógvar royndir, og tað átti at borga fyri, at avrikini verða støðugari, enn tey vóru í fjør: Andras Gango er fínur málverji, Bartal Eliasen kann bæði brúkast í miðverjuni og í álopinum – tá ið Rógvi Jacobsen ikki verður tøkur – Høgni Zachariasen, sum í fjør var nógv skaðaplágaður, verður lykla­ spælari á miðvøllinum, og so eru tað so nógvir aðrir – bæði yngri og eldri – sum venja nógv og harvið geva venjaranum Jón Simonsen positivan trupulleika, sum teir ikki hava kent so nógv til í Fuglafirði. Ítróttafelag Fuglafjarðar Postrúm 94 FO-530 Fuglafjørður www.if.fo STOVNAÐ 25. mars 1946 FORMAÐUR Dan Petersen MEISTARAR (1) 1979 STEYPAVINNARAR ongantíð GREIPUVINNARAR ongantíð Í BESTU DEILDINI (25 ár) 1971-82, 1985, 1988- 89, 1993-94, 1996-99, 2004-06, 2008- Í EUROPA ongantíð MÁLVERJAR: Andras Gango VERJA: Áki Petersen Jan Ellingsgaard Jonn Thomsen Bartal Eliasen (Áður spælt við GÍ) Fritleif í Lambanum Viggo Johannesen (NSÍ) Hans Pauli Petersen (GÍ) Poul Ennigarð (GÍ) Uni R. Petersen MIÐVØLLUR: Nenad Saric Aleksandar Jovevic (TB, NSÍ) Frank Poulsen Dánjal á Lakjuni Balazs Sinko Ari Ó. Ellingsgaard Høgni Zachariassen (EB/S) Andy Olsen (NSÍ) ÁLOP: Rógvi Jacobsen (KÍ, HB, KR, SønderjyskE, Hødd) Hanus Eliasen (EB/S) Vincent Jacobsen Atli Petersen Hilmar Petersen TILGONGD: Rógvi Jacobsen (KÍ) Hanus Eliasen (EB/S) Viggo Johannesen (NSÍ) Hans Pauli Petersen (Víkingur/ byrjaður aftur) Poul Ennigarð (Víkingur/ byrjaður aftur) Høgni Zachariassen (EB/S) FRÁGONGD: Rógvi Ryggshamar (Víkingur) Knút Vesturtún (givin) Tórstein Joensen (givin) Høgni Madsen (NSÍ) Debes Danielsen (B68) Sasa Jovanovic (Serbia) VENJARI: Jón Simonsen HJÀLPARVENJARI Roy Róin Hópurin hjá ÍF: Fuglfirðingar stíla hægri Við monnum sum Bartali Eliasen, Rógva Jacobsen, Høgna Zachariasen og Poul Ennigarð í hópinum tykist ÍF hava eina óhugnaliga styrki í loftrúminum Mynd: Álvur Haraldsen