hósdagur 2. apríl 2009síða 38

38 FÓTBÓLTUR 2009 Ongantíð áður hevur ÍF Føroyar havt so gott leikaragrundarlag, sum felagið hevur í ár. Tað metir leikandi venjarin, Eyðun Hentze Højgaard, ið saman við hinum venjarum felagsins hevur havt nærum hálvthundrað mans til venjing hvørja ferð, vant hevur verið í ár Kvalitetur og kvantitetur eru ikki tveir faktorar, ið eru treytaðir av hvørj um øðrum. Men í ÍF Føroyum hava venjararnir bæði góðsku og mongd, tá teir skulu seta tey trý liðini, sum felagið hevur meldað til kappingar í ár. – Fyri fáum árum síðani høvdu vit eitt lið, sum kappaðist í toppinum á Keypmannahavnarseriuni. Liðið, vit hava í dag, er á sama støði sum tað liðið. Sjálvur hópurin er enn tá breiðari nú, so leikaragrundarlagið er tað besta nakrantíð. Men um lið­ ið er tað besta nakrantíð, síggja vit fyrst, tá tað kemur undir trýst og sálarligi parturin eisini verður roynd­ ur, sigur Eyðun Hentze Højgaard, leikandi venjari hjá ÍF Føroyum. Saman við Sigmundi Mikkelsen hev­ ur hann, annað árið á rað, ábyrgdina av besta mansliðnum hjá ÍF Før­ oyum. Tvey onnur lið manslið eru eisini, sum Uni Leitisstein Hansen, Eirik Hammer og Jón Henriksen taka sær av í felag. Harumframt manna kvinn urnar eisini eitt lið, og hesar hava Andras K. Thomassen sum venj ara. Tilsamans hava umleið 60 mans víst seg til venjing í ár, meðan kvinn­ urnar hava akkurát nóg mikið av fólki til at manna eitt lið. Spennandi ár Fótbóltsárið hjá føroyska ítróttar­ felagnum í Keypmannahavn, verður skjótt av álvara bríkslað í gongd. Í hálvantriðja mánað hava menn vant, og Eyðun Hentze Højgaard gleðir seg til kappingarárið byrjar. – Hetta verður eitt ógvuliga spennandi ár. Vit vita, at okkara lið er rættiliga gott samanborið við undanfarin ár, men tað eru fleiri sterk lið í okkara deild, so vit hava ikki nakran málsetning, sum eitur, at vit skulu flyta upp, ella at vit skulu vera millum trý tey fremstu liðini, greiðir Eyðun Hentze Høj­ gaard frá. Hann ivast í, um yvirskipaðir mál­ setningar fyri sjálva kappingina tæna hansara liði nakað. – Tað er ikki optimali mátin at fyrireika eitt lið til kappingárið. Vit leggja fokus á sjálvar fyrireikingarnar og tað arbeiðið, ið liggur í at fáa eitt lið klárt, fortelur Eyðun Hentze Højgaard. Higartil hevur hesin leistur roynst væl, og í venjingardystunum hevur tað sæð heilt gott út hjá besta mans liðnum hjá ÍF Føroyum. – So um vit halda áfram við sama spæli og somu úrslitum, skulu vit nokk enda millum tey fremstu í deild ini, sigur leikandi venjarin. ÍF Føroyar hevur ikki havt betri grundvøll Nakrir av leikarunum hjá ÍF Føroyum undan venjingini ein kaldan várdag í umklæðingarrúminum á Kløvermarkini úti á Amager Mynd: Rólant Waag Dam Framhald á síðu 40